Matìyò 3:5 - Meta’

⁵ Bə̂d mɨ̀nɔnɔʼ rɨ ə Jèrusalèm, rɨŋga Jùdeyà jìm bə̀ fɔrɨ rɨŋga ɨsɨ jìm mbe nɨ nyaʼa kad ɨgyɨ̂ Jodàn nyaʼə wò əsɨ məd.

Ikan feg

⁵ Bəd nɔʼ nɔʼ inga Jèrusalèm tì inga Jùdeyà ijìm bə̀ fɔrɔ inga isiŋi ijìm mbe ne yaʼi iban igyi Jodàn yaya ghò abə Jɔn.

Matìyò 3:5 교차 참조

Matìyò 2:1

Mbɨ nyaʼa gywɨ ə Yeso ə Betlehem we rɨ ə Jùdeyà. Mbɨ nyaʼa gywɨ əməd ənɨ ə nyùmə̀ we nɨ Herɔ̀d nyaʼə ɨfɔ̂n. Ənɨ əgha ə nyaʼa tɔ sààrɨ̀, bə̂d mɔʼɔ nɨ nyaʼa kyerɨ ənû ɨmbə̀ʼ rɨtəmɨ nyaʼa nɔ̀ʼ rɨ əbà ze nɨ nyùmə̀ ə jwɨ̀ rəŋgu wò ə Jèrusalèm.

Matìyò 4:25

Əze ə nyaʼa ghɨ̀ ni mɨnɔ̂n bə̂d nɔʼ rɨ ə Galiliî, nɔ̀ʼ rɨ ə Dèkapolìs, nɔ̀ʼ rɨ ə Jèrusalèm, nɔ̀ʼ rɨ ə Jùdeyà bə̀ nɔ̀ʼ rɨŋga ɨsɨ mbe nɨ nyaʼa ɨnjin ɨgyɨ̂ Jodàn beenɨ əbɔʼ məd.

Mk 1:5

Bə̂d mbe rɨŋga əbà əbeŋ ze rɨ ə Jùdeyà fɔrɨ bə̂d mɨ̀jìm mbe rɨ ə Jèrusalèm nyaʼa jwɨ̀ wò kumnɨ əməd, ben mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̂ Jodàn.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 3:3

Wɨ̀ nyaʼa wò ɨŋga ɨbeŋ jìm mbe nɨ nyaʼa ɨban ɨgyɨ̂ Jodàn, yènə̀ ghà ɨŋgam Ŋwiə̀ ni bə̂d beŋ tə fîŋ nɨŋ mɨnib ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Lk 3:7

Jɔ̌n wɨə nyaʼə ghà əmbɨ mɨnɔ̂n bə̂d mbe nɨ nyaʼa wò ni wɨ̀ naʼ mɨnib əmbɨ mɨ̀mə̌d ni, “Mbə yɨə jɔ tɨ rɨbɔ̀ŋ! À kɨə we patɨ əwən ni mbə̀ norə tɨ ənɨ ə ŋgəʼ ze nɨə yeʼe ə?

Jn 3:23

Jɔ̌n wɨə nyaʼə bə̀ nàʼ mɨnib əmbɨ ə bə̂d ə Aenòn ɨban ə Salìm. Ɨ wɨə nyaʼə nàʼ mɨnib əŋgu ɨmbə̀ʼ ɨghəm nɨ mɨnib nyaʼa nɔʼ əŋgu. Bə̂d nyaʼə wò əsɨ məd, wɨ̀ nàʼ mɨnib əmbɨ mɨ̀mə̌d.

Jn 5:35

Jɔ̌n yɨə nyaʼa ɨghabɨ ənam nɨ nyaʼə teə ghɨ̀ ɨsɨ zeŋə. Mbə nyaʼa ghaʼ nɨ chub ɨŋga ɨzeŋɨ zeŋɨ we nɨ məd nyaʼa ghɨ ni wɨ te. Əne mbə nyaʼa chub àmei ənɨ ɨkə nyumə̀.