Matìyò 20:1 - Meta’

¹ Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ənû ɨfɔ̀n rɨkaŋ yɨ ɨghabɨ ɨchî nɨ wə̀d mbeŋ nyaʼa jwɨ̀ ɨsɔsɔ ɨ wo kə̀b bə̂d ə̀fàʼì ni mbɨ wo fàʼ ɨŋga i mbeŋ vaìn.

Ikan feg

¹ Yeso ya ghà abə ìmbi mə̀mə̀nənùg gha, “Anug ìfɔ̀n ikaŋ ya icheg ne wə̀d ne ya du isusu ghò kə̀b bəd àfàʼì gha mbe gho fàʼ inga mben vayìn məd.

Matìyò 20:1 교차 참조

Matìyò 13:24

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə wə̀d nɨ nyaʼa kon kywɨ̀ chɔ̀m ɨŋga i mbeŋ.

Matìyò 13:31

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə sǎm ə̀wɔ̀mɨ nɨ wə̀d nyaʼa nɨŋ wò ŋwì ɨŋga i mbeŋ.

Matìyò 13:33

Yeso nyaʼa ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ɨfuʼ we nɨə ghɨ̀ ni ŋgə̀ŋ kɔʼ, nɨ əyi nyaʼa nɨŋ tɔpɨ mbɨ əburɨ ə ŋgə̀ŋ ɨŋga ɨkaŋ kyeŋ tad pè ənɨ ŋgə̀ŋ ze nyaʼa kɔʼɔ.”

Matìyò 13:47

“Ənû ɨfɔ̀n rɨkaŋ yɨ ɨghabɨ ə kɨ̀ nɨ mbɨ nyaʼa maʼ ɨŋga ə sà, əne gywɨ̀ tɨkwɨ əgwi jìm.

Matìyò 20:2

Ənɨ wɨ̀ nyaʼa fə tekɨ mbɨ bə̂d ə̀fàʼì mbe ni tə bɨrɨ chwɨ mɨ̀mə̌d ɨkab ə̀fàʼì əni ə fibɨ̀, wɨ̀ nyaʼa chà mɨ̀mə̌d ɨŋga mbeŋ ze.

Matìyò 21:28

“Mbə kɔn əzən ni ye ə? Mbaŋə̀ mɔʼɔ nyaʼa berɨ mbi bɔn mbaŋə̀ mɨ̀be. Wɨ̀ nyaʼa wò əsɨ wɨ rɨtu pè ghà ɨ bɔ ni, 'Wân, ndə̀ wo fàʼ ɨŋga mbeŋ vaìn rə̀chɔ̀ŋ.'

Matìyò 22:2

“Ənû ɨfɔ̀n rɨkaŋ yɨ ɨghabɨ ɨchî nɨ ɨfɔ̀n mɔʼɔ nyaʼa kaʼ əchwɨ̂ ɨnamɨ əmbɨ i wan mbaŋə̀.

Matìyò 23:37

“Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀, bə̀ tumbɨə mbe nɨ mbɨ tom əsɨ ne ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben ni mə̀ ghɨ əne!

Matìyò 25:1

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ bɔn məyi wum nɨ nyaʼa nɨŋ mbə ɨnam jwɨ̀ wo bòm ɨnom ɨgən.

Matìyò 25:14

“Ənɨ ə nyùmə̀ we nɨ Kristo bɨrɨ wɨrɨ yeʼe, ənû ɨfɔ̀n rɨkaŋ bɨrɨ yeʼ ɨghabɨ ɨchî nɨ mbaŋə̀ mɔʼɔ nɨ nyaʼa kə̀b wò i ɨghanɨ nyaʼa tɔŋ mbi bə̂d ə̀fàʼì, əne zɨ̀ mbi ɨghɨ ɨŋga tɨkyerɨ-ɨbɔ mɨ̀mə̌d.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Mk 13:34

Ə zɨ ɨghabɨ ɨchî nɨ wə̀d ə wò ɨghanɨ. Bɔŋ wɨ̀ sɨə jwɨ̀ rɨ ə nəb, wɨ̀ bɨrɨ fə nàʼ ə̀fàʼì əmbɨ mbi bə̂d ə̀fàʼì, wə̀d mɔʼ mbɨ e ə̀fàʼì, wɨ cherə mbɨ əzi. Wɨ̀ bɨrɨ bɨ ghà əmbɨ wə̀d we nɨə nəŋgɨ ɨchû nəb ni wɨ̀ chub ɨkyèʼe.

Jn 15:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Mɔ̌ yɨ əzed ə vaìn rəsìʼ. Mɨ Mbǎʼ yɨə wə̀d we nɨə nəŋgɨə mbeŋ vaìn.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.