Matìyò 2:1 - Meta’

¹ Mbɨ nyaʼa gywɨ ə Yeso ə Betlehem we rɨ ə Jùdeyà. Mbɨ nyaʼa gywɨ əməd ənɨ ə nyùmə̀ we nɨ Herɔ̀d nyaʼə ɨfɔ̂n. Ənɨ əgha ə nyaʼa tɔ sààrɨ̀, bə̂d mɔʼɔ nɨ nyaʼa kyerɨ ənû ɨmbə̀ʼ rɨtəmɨ nyaʼa nɔ̀ʼ rɨ əbà ze nɨ nyùmə̀ ə jwɨ̀ rəŋgu wò ə Jèrusalèm.

Ikan feg

¹ Mbi ya gwi Yeso a Betèlèhem, inga aba aben Jùdeyà, inga nyùmə̀ we ne Erɔ̀d ya yaʼi ifɔn. Anyumə̀ ne mbi ya gwi aməd, agha ya to sà bəd mɔ̀ʼɔ ne ya kyeri anug imbə̀ʼ titəm iməg ya nɔ̀ʼ aba isəg ze ne nyùmə̀ we dùwə̀ angu ghò a Jèrusalèm.

Matìyò 2:1 교차 참조

Matìyò 1:25

Wɨ̀ nyaʼa nɨŋ əne, àyɨə chəi wɨ̀ nyaʼa ni mbɨ məd pè ənɨ Mèri nyaʼa gywɨ wan mbaŋə̀ we. Ənɨ wɨ̀ nyaʼa gywɨ, Jòsêf nyaʼa chù əməd ni Yeso.

Matìyò 2:16

Ənɨ Herɔ̀d nyaʼa zə ni bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa fə tam əwi, wɨ̀ nyaʼa sə ɨtəm kwàʼ rɨŋgəʼ. Əne wɨ̀ nyaʼa chà mbi mɨ̀sɔgyɨ̀ ə Betlehem bə̀ fɔrɨ ɨŋga ɨsɨ mbe nɨ nyaʼa ɨban ɨban ni mbɨ zwiirɨ bɔn mbaŋə̀ bɔd mɨjìm mbe nɨ nyaʼa fə sɨ ɨghəm ɨwu be fɔrɨ mbe nɨ chəi mbɨ nyaʼa kɨrɨ pe ɨghəm ɨwu be. Wɨ̀ nyaʼa ghà əne beenɨ əbɔʼ nyùmə̀ we nɨ bə̂d mbe nɨ nyaʼa kyerɨ ənû ɨmbə̀ʼ rɨtəmɨ nyaʼa gha ɨ bɔ.

Matìyò 2:19

Ənɨ Herɔ̀d nyaʼa fə kwɨ, aŋgɨrə̀ Ə̀nùŋɨ̀sɨg nyaʼa jwɨ̀ əmbɨ Jòsêf ə njə̀m ənɨ wɨ̀ nyaʼa kɨrɨ ə Ijìpt, ghà ɨ bɔ ni,

Matìyò 2:3

Ənɨ ɨfɔ̂n Herɔ̀d nyaʼa zu ənû zɔ̂, zɨə nyaʼa tɔb əməd bə̀ tɔb bə̂d mɨ̀jìm mbe nɨ nyaʼa ə Jèrusalèm.

Matìyò 2:5

Mbɨ nyaʼa wììrɨ̀ ɨ bɔ ni, “Mbɨ bɨrɨ gywɨ əməd ə Betlehem we rɨ ə Jùdeyà, ɨchî nɨ wə̀d ɨ̀kə̀n Ŋwìə̀ nyaʼa fə ŋwaʼnɨ ni:

Matìyò 2:7

Ənɨ Herɔ̀d nyaʼa zu əne, wɨ̀ nyaʼa tɔŋ bə̂d mbe nɨ nyaʼa kyerɨ ənû ɨmbə̀ʼ rɨtəmɨ ənjìm ənjìm, nwèndɨ̀ nyùmə̀ we nɨ fɨtəmɨ fe kəʼ jwɨ̀.

Lk 1:5

Ənɨ Herɔ̀d nyaʼə ɨfɔ̀n ə Jùdeyà, wə̀d mbàn Ŋwìə̀ mɔʼɔ wɨə nyaʼə əŋgu rəbɔʼ mbe nɨ nyaʼə fàʼ ɨŋga ɨwaŋ ə̀fàʼì Àbijà. Ɨkum məd yɨə nyaʼə Zèkàriyà. Ɨkum ɨwi məd yɨə nyaʼə Èlisabèt. Wɨ̀ yɨə nyaʼa rɨŋga ɨnəbɨ Eròn.

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Lk 2:15

Ənɨ mbɨ̀aŋgɨrə̀ mbe nyaʼa saŋ mɨ̀mə̌d wɨrɨ wo ɨkaŋ, mənə̂ŋgɨ̀-njɨ̀g mbe nyaʼa ghà mbənə mbənə ni, “Tɨ̀ wo ə Betlehem, wo zə ənû zɔ̂ nɨ jwɨ, nɨ Ə̀nùŋɨ̀sɨg fə ghɨ ni tɨ̀ kyerɨ.”

Jn 7:42

Ɨmbə̀ʼ ə zɨ ɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwìə̀ zɔʼɔ yɨə wan tɨ ənɨ əghaŋ ə Ɨfɔ̀n Dèvîd, fɔrɨ ni məd yɨ rɨ ə Betlehem, nɨ yeʼ əsɨ ze nɨ ɨfɔ̂n Dèvîd nyaʼa chub əŋgu ə?”