Matìyò 19:9 - Meta’

⁹ Əne mə ghà ɨ nən ni mbaŋə̀ mɔʼɔ mɨ saanɨ ɨnamɨ mbɨ i ɨwi, nam əyi cherə, nɨ kaʼi ni əyi we ə ni mbaŋə̀ cherə, njɨ wɨ̀ fə ni əyi cherə.”

Ikan feg

⁹ Mə ghà tesiʼ inən, wə̀d ne sàki inam tì ìwi iweg, si nam àyi ndəŋ, tengàŋ fə fànà. Wə̀d we tì wì sakì inam tì ìwi iweg məyi anyumə̀ ne iweg məd nɔ̀ki mbaŋà ndəŋ.”

Matìyò 19:9 교차 참조

Matìyò 19:10

Mə̀mə̀ə̀nɨ̀-ɨnû ɨməd nyaʼa ghà ɨ bɔ ni, “À mɨ yeʼ ɨchî nɨ zɨə yeʼ we mbɨ ə mbaŋə̀ mbɨ i ɨwi, njɨ zɨə bɔ̀ŋ ni tɨ wə̀d nam i.”

Matìyò 19:8

Yeso nyaʼa wììrɨ̀ ni, “Mose nyaʼa ben ni mbə̀ saanɨ ɨnamɨ mbɨ mbə məyi ɨmbə̀ʼ ɨghəm nɨ tə fîŋ ə kà. Kaʼi ɨchî nɨ zɨə nyaʼa we tɨ ənɨ Ŋwìə̀ nyaʼa tekɨ ɨsɨg.

Matìyò 5:32

Àyɨə mə wɨə ghà ɨ nən ni, mbaŋə̀ mɔʼɔ mɨ saanɨ ɨnamɨ mbɨ i ɨwi, kɨrɨ ənɨ ɨwi məd we ni mbaŋə̀ cherə, njɨ wɨ̀ fə ghɨ̀ ɨwi məd we ənɨ əyi nɨə niirɨə mbaŋə̀. Mbaŋə̀ ze nɨ nam əyi we nɨ saanɨ ɨnamɨ fə ni əyi cherə.

Lk 16:18

“Mbaŋə̀ mɔʼɔ mɨ saanɨ ɨnamɨ mbɨ i ɨwi, nam əyi cherə, njɨ wɨ̀ fə ni əyi cherə. Mbaŋə̀ mɔʼɔ ze nɨ nam əyi nɨ saanɨ ɨnamɨ mbɨ i nom, fə bə̀ ni əyi cherə.”

1 Kɔrèn 5:1

Mə fə kàŋ zu ənɨ bə̂d ə ghàə̀ ni əfabɨrɨ-ənû ə zɨ əkaʼ nən, nɨ yeʼ ɨkwɨ mɔʼɔ we nɨ chə bei əkaʼ bə̂d mbe nɨ chəi mbɨə wumnɨ ə Ŋwiə̀. Mə fə zu ni mbaŋə̀ mɔʼɔ zɨə ni ɨwi i mbǎʼ.

1 Kɔrèn 7:39

Əyi berɨ chubɨ mbɨ i ɨnom ənɨ ə nyùmə̀ we nɨ ɨnom məd kɨrɨ i ɨkǎ. Àyɨə ɨnom məd mɨ fə kwɨ, ɨ wɨ tɨ̀ wɨ̀ nam mbaŋə̀ mɔʼɔ ze nɨ wɨ̀ ghaʼi, àyɨə mbaŋə̀ ze berɨ yeʼ wə̀d Kristo.

1 Kɔrèn 7:4

Chəi əyi berɨ ɨka ɨgun i ɨnyod. À yɨ ɨnom məd berɨ ɨka ɨgun ɨnyod məd. Chəi ɨnom bə̀ berɨ ɨka ɨgun i ɨnyod. À yɨ ɨwi məd berɨ ɨka ɨgun ɨnyod məd.