Matìyò 13:25 - Meta’

²⁵ Ənɨ bə̂d nyaʼə gwenə, wə̀d pə̀n məd nyaʼa wò kon ɨfu əkaʼ kywɨ̀ te, nɔ̀ʼ wò i.

Ikan feg

²⁵ Aneg mɔ̀ʼɔ, anyumə̀ ne bəd məjìm yaya gwḛ, wə̀d ìpàb məd ya ghò nwḭ̀ ifog inga mben kyì ze nɔ̀ʼ ghò yi.

Matìyò 13:25 교차 참조

Matìyò 13:24

Yeso nyaʼa yì ghà ənû ə mɨgɨ ə cherə əmbɨ mɨ̀mə̌d ni, “Ənû ɨfɔ̀n rɨkaŋ yɨ ɨghabɨ ə wə̀d nɨ nyaʼa kon kywɨ̀ chɔ̀m ɨŋga i mbeŋ.

Matìyò 13:26

À nyaʼa ənɨ kywɨ̀ te fə kwi kɔ rɨtam, ɨfu we nyaʼa jwɨ̀ rɨ ə si.

Matìyò 13:27

“Əne bə̂d ə̀fàʼì wə̀d mbeŋ we nyaʼa wò əsɨ məd, pè ghà ɨ bɔ ni, 'Masà, ɨmbə̀ʼ à nyaʼa kon kywɨ̀ chɔ̀m ɨŋga e mbeŋ ə? Ɨfu sɨ nɔ̀ʼ rɨ ə yi ə?'

Matìyò 13:29

Wɨ̀ nyaʼa wììrɨ̀ ni, 'Chə̂! Njɨ mbə mɨ nɨrə chɔʼrɨə, mbə bə̀ chè chɔʼrɨ kywɨ̀ əbɔʼ.

Matìyò 13:30

Mbə̀ saŋ ɨghɨ mbe be kwi ɨnɔ̂n pè ənɨ mbɨ bɨrɨ kwəŋ ɨghɨ. À sɨ ənɨ mbɨə kwə̀ŋə̀, mə bɨrɨ ghà əmbɨ bə̂d mbe nɨə kwə̀ŋə̀ ni: Mbə̀ be chɔʼrɨ ɨfu we, kod ənɨ rɨbiŋ nɨ mbɨ bɨrɨ tɔ̀n, bɔŋ sɨ mòʼ kywɨ̀ te chà ɨŋga mɨ ŋgən.'”

Matìyò 13:39

Wə̀d pə̀n we nɨ nyaʼa kon ɨfu we yɨə Debɨ̀rə̀. Mbɨ bɨrɨ kwəŋ ɨghɨ mbe ənɨ ɨsɨg bɨrɨ nwìə̀. Bə̂d mbe nɨ bɨrɨ kwəŋ ɨghɨ mbe yɨ mbɨ̀aŋgɨrə̀.

Matìyò 25:5

Ɨchî nɨ ɨnom ɨgən we nyaʼa tan nɨ yeʼe, mɨ̀mə̌d mbe mɨ̀jìm nyaʼa kɔ chiŋ ŋgwenɨ əne feŋgɨ ə ŋgwenɨ.

Gàlesìyà 2:4

Ənû zɔ̂ ə nyaʼa kɔ ɨchî nɨ bɔŋgɔb mɨ̀ghab mɔʼɔ nyaʼa nyaʼrɨ yeʼe nyɨ əkaʼ na kə̀b kyerɨ ɨchî nɨ tɨ̀ nyaʼa chubɨ ənɨ a ɨghəm ɨchî nɨ tɨ̀ ɨfɔtɨ mbɨ Kristo Yeso. Mbɨ nyaʼa kə̀b yeʼ ni tɨ̀ ben ə̀bòʼò əton tɨkə rɨ Mose.

Mə̀Hibrù 12:15

Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.