Matìyò 11:12 - Meta’

¹² Ɨ kɔ rɨ ənɨ ə nyùmə̀ we nɨ Jɔ̌n we nɨ nyaʼə nàʼ mɨnib nyaʼə ghà ɨkə̂n chɔ̀m yeʼe pè rɨ̀nîn, ənû ɨfɔ̀n rɨkaŋ fə kən zə ŋgəʼ. Bə̂d nɨ berɨ ɨka mbɨə kə̀b nyɨ ɨŋga ənɨ ɨka.

Ikan feg

¹² Ni ko ane nyumə̀ we ne Jɔn gho̰ yaya ghà ikən chɔm yèʼe pè tèchɔ̀ŋ, anug ìfɔ̀n ikaŋ fə zə̰ ngəʼ ka ka, ne à ya bəd ne kìrə ika mbe nyḭ̀yḛ inga.

Matìyò 11:12 교차 참조

Matìyò 11:11

Mə ghà rəsìʼ ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n we nɨə nàʼə̀ mɨnib. Àyɨə wə̀d we nɨ kə chè mbɨ mɨjìm ɨŋga ənû ɨfɔ̀n rɨkaŋ ə dabə chè əməd.

Matìyò 11:13

Bə̂d ɨ̀kə̀n Ŋwiə̀ mɨ̀jìm mbɨ ɨnû mbe nɨ yeʼ ɨŋga tɨkə rɨ Mose nyaʼə ghà ɨmbə̀ʼ ənû ɨfɔ̀n rɨkaŋ yeʼe pè ənɨ nyùmə̀ Jɔ̌n.

Matìyò 3:15

Yeso nyaʼa wììrɨ̀ ɨ bɔ ni, “Sɨ zɨə yeʼ əne tɨ̀nîn, ɨmbə̀ʼ ɨghəm nɨ zɨə kùʼ ni tɨ̀ ghɨ ɨnû jìm ɨchî nɨ Ŋwìə̀ kəbɨ.” Ənɨ wɨ̀ nyaʼa ghà əne, Jɔ̌n nyaʼa zu benɨ, əne nàʼ mɨnib ɨ bɔ.

Lk 13:24

“Mbə̀ kywɨ ənywɨ nyɨ ɨchû nəb we nɨ fandə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ kəb nyɨ, àyɨə chəi ənɨ tɨ̀ mbɨ nyɨ.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Jn 5:4

ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼə kɨə swiʼə wò ɨŋga ətuŋ ze pè nɔm mɨnib. Zɨə nyaʼa chwi ni wə̀d əwɔn we nɨ nyaʼa be nyɨ ɨŋga ətuŋ ze, ənɨ aŋgɨrə̀ we nyaʼa nɔm mɨnib mbe, nyaʼa bɔtɨ rɨ ənɨ əwɔn ze nɨ wɨ̀ nyaʼə wɔ̀nə̀.]

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.