Mə̀Hibrù 9:24 - Meta’

²⁴ Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

Ikan feg

²⁴ Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Mə̀Hibrù 9:24 교차 참조

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Mk 14:58

“Tɨ̀ nyaʼa zu wɨ̀ ghà ni, 'Mə bɨrɨ saʼ mbàn Ŋwìə̀ zɔ̂ nɨ mbɨ bɔm ənɨ ɨbɔ, wɨrɨ nɨŋ ɨni tad vɨ̀ zɨ cherə nɨ chəi mbɨ bɔm ənɨ ɨbɔ.'”

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Lk 24:51

Ənɨ wɨ̀ nyaʼə zɨ əbɔrəbɔd ze əne, wɨ̀ nyaʼa sàŋ mɨ̀mə̌d, Ŋwiə̀ nɨŋ əməd ɨkaŋ.

Jn 16:28

Mə nyaʼa nɔ̀ʼ rɨ əsɨ Mbǎʼ bɔŋ yeʼe ɨŋga ɨsɨg. Tɨ̀nîn mə wɨə sàŋ ɨsɨg wɨrɨə wò əsɨ Mbǎʼ.”

Jn 6:62

Mbə̀ kɨə wo ghɨ ye ənɨ mbə̀ zə Wan Wə̀d ənɨ wɨə wò ɨkaŋ əsɨ nɨ wɨ̀ nyaʼa bè əŋgu ə?

Ɨ̀fàʼì 3:21

Yeso berɨ chub ɨkaŋ pè ənɨ Ŋwìə̀ tekɨ ɨnû jìm mbɨ kuʼ ɨchî nɨ wɨ̀ nyaʼa fə ghɨ̌ bə̂d ɨ̀kə̀n zeŋɨ ghà rəŋwe.

Rm 8:33

À kɨə we nɨ bɨrɨ zɨ ɨsaʼi ɨgun ə bə̂d mbe nɨ Ŋwìə̀ chɔʼ ə? À yɨə Ŋwìə̀ benɨ ni mbɨ fə təm kùʼnɨ̀.

2 Kɔrèn 5:1

Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

Kòlosè 3:2

Mbə̀ nuŋ tə rɨkɔndɨ àmei ɨgun ɨghɨ mbe nɨ yeʼ ɨkaŋ, kaʼi ɨgun mbe nɨ yeʼ ə si.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

Mə̀Hibrù 8:2

Ɨ wɨə fàʼ ɨŋga əsɨ ɨwumnɨ nɨ yeʼ ɨŋwenɨ rəsìʼ we nɨ Ə̀nùŋɨ̀sɨg ziə korɨ, nɨ kaʼi bə̂d mɨ̀sɔŋɨchù korɨ.

Mə̀Hibrù 8:5

Ɨnû mbe nɨ mɨ̀mə̌d ə ghɨ̀ ɨŋga əsɨ ɨwumnɨ yɨ əmɨg bə̀ fɔrɨ əziŋ tɨ ənɨ mbe nɨ yeʼ ɨkaŋ. Ənɨ Mose nyaʼa kəb kod ɨŋwenɨ we, Ŋwìə̀ nyaʼa patɨ əməd ni, “Zə ni à tekɨ ɨghɨjìm ɨchî nɨ mə̀ nyaʼa chwi ɨ ne ɨkaŋ ɨwum.”

Mə̀Hibrù 9:1

Fɨso rɨtu nyaʼa berɨ tɨkə nɨ nyaʼa chwi ɨchî nɨ mbɨə wumnɨ ə Ŋwiə̀. Fɨ nyaʼa bə̀ chwi əsɨ nɨ mbɨə wumnɨ əməd ɨgwɨ ə si.

Mə̀Hibrù 9:23

Zɨə nyaʼa kùʼ ni mbɨ zeŋnɨ ɨmɨg rɨ ənɨ ɨghɨ mbe nɨ yeʼ ɨkaŋ ənɨ ɨghɨ ə̀fà mbɔ̂, àyɨə ɨghɨ mbe nɨ yeʼ ɨkaŋ mbɨə kə̀b yeʼ ɨghɨ ə̀fà mbe nɨ bɔŋ chè mbɔ̂.

Mə̀Hibrù 9:9

Əzɔ̂ yɨ ənweenɨ nɨə chwi ɨnû ɨmbə̀ʼ nyùmə̀ wɔ̂. Əne yɨ ni chəi ɨchəmnɨ mbɨ ɨghɨ ə̀fà mbe tɨ̀ mbɨ zeŋnɨ fîŋ wə̀d we nɨə wumnɨ ə Ŋwìə̀.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Ɨnû 8:3

Aŋgɨrə̀ cherə, nɨ nyaʼa yim əkaŋ nɨ mbɨ tekɨ ənɨ ə gôl, nyaʼa yeʼe təm ɨban ɨkwi ɨjə̀ŋ ə̀fààrɨ̀. Mbɨ nyaʼa nàʼ ɨneŋ nɔnɔʼ ɨ bɔ ni wɨ̀ nyam əbɔʼ ɨ̀kɔ̀ŋgɨ̀ bə̂d Ŋwiə̀ mɨ̀jìm əne tɔ̀n ɨgun ɨkwi ɨjə̀ŋ we nɨ mbɨ nyaʼa tekɨ ənɨ ə gôl, nɨ nyaʼa ɨfě ətən ɨfɔ̀n ə Ŋwiə̀.