Mə̀Hibrù 9:11 - Meta’

¹¹ Kristo nyaʼa yeʼe ɨghabɨ ətu ɨgwɨ ə bə̂d mbàn Ŋwìə̀ ənɨ ɨghɨ chɔ̀m mbe nɨ fə sɨ əgha. Ɨŋwenɨ we nɨ məd ə fàʼ ɨŋga ə bɔ̀ŋ màànɨ̀. À yɨə bə̀ ɨŋwenɨ nɨ chè mɨŋwenɨ jìm. Kaʼi bə̂d nyaʼa kod ɨŋwenɨ we, əne yɨ ni, kaʼ ɨŋwenɨ we yɨ i əba rɨ ənɨ ɨsɨg wɔ̂.

Ikan feg

¹¹ Kristo ya yèʼe icheg atog wə̀d igun bəd mbàn Ŋwiye igun ighi chɔm mbe ne fə yaʼi. Azuŋ ze ne məd ya nyi inga ya àze ne beri ati chè azin bə̀ təm kòʼ, ne kayi bəd ya tangi; ne kayi bə̀ abɔ̀ʼ ighi mbe ne Ŋwiye ya tangi igun isəg gho̰.

Mə̀Hibrù 9:11 교차 참조

Matìyò 11:3

ni mbɨ biirɨ ɨ bɔ ni, “Àwɔ̀ wa kɨə wə̀d we nɨ bə̂d ɨ̀kə̀n nyaʼə ghàə̀ ni wɨ̀ bɨrɨ yeʼe, kɨ̀ rɨ̀ wa wom wɨ cherə ə?”

Matìyò 2:6

'Àwɔ̀ Betlehem nɨ yeʼ ɨŋga əba əbeŋ ze rɨ ə Judà, ka àwɔ̀ yɨ əwe əsɨ ze nɨ kə chè ɨsɨ jìm mbe nɨ mɨfɔ̂n mbe rɨ ə Judà ə tùmbɨ̀ə̀, ɨmbə̀ʼ ɨghəm nɨ ə̀tùmbɨ̀-bə̂d mɔʼɔ bɨrɨ jwɨ̀ rɨŋga ne nɨ bɨrɨ tumbɨ mbɨ bə̂d mɨ̀Izre.'”

Mk 14:58

“Tɨ̀ nyaʼa zu wɨ̀ ghà ni, 'Mə bɨrɨ saʼ mbàn Ŋwìə̀ zɔ̂ nɨ mbɨ bɔm ənɨ ɨbɔ, wɨrɨ nɨŋ ɨni tad vɨ̀ zɨ cherə nɨ chəi mbɨ bɔm ənɨ ɨbɔ.'”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 4:25

Əyi we nyaʼa ghà ɨ bɔ ni, “Mə kyerɨ ni Wə̀d we nɨ Ŋwìə̀ zɔʼɔ wɨə yeʼe, nɨ yeʼ we nɨ mbɨə tɔŋə ni Kristo. Ənɨ wɨ̀ yeʼe, wɨ̀ bɨrɨ toʼrɨ ɨnû jìm ɨ na.”

Ɨ̀fàʼì 7:48

“Àyɨə chəi Ə̀chè-ɨsɨg ə chub ɨŋga nəb nɨ bə̂d bɔmɨ. Wə̀d ɨ̀kə̀n Ŋwìə̀ ə ghà ni,

2 Kɔrèn 4:18

Əne yɨ ni chəi tɨə nèŋ ɨghɨ mbe nɨ bə̂d ə zəə. Tɨ̀ wɨə nèŋə̀ yeʼ mbe nɨ chəi ənɨ tɨ̀ bə̂d zə, ɨmbə̀ʼ ɨghəm nɨ ka ɨghɨ mbe nɨ bə̂d ə zəə bɨrɨ tandɨ i, àyɨə mbe nɨ chəi ənɨ tɨ̀ bə̂d zə bɨrɨ ten i koŋ.

2 Kɔrèn 5:1

Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

Kòlosè 2:11

Ɨchî nɨ mbə̀ yeʼ ənɨ ɨfɔtɨ mbɨ məd, əne mbɨ nyaʼa fə bə̀ ne əwən. Kaʼi bə̂d mɨ̀sɔŋɨchù nyaʼa ne əwən ənɨ mbə ɨbɔ. À yɨə Kristo ziə nyaʼa ne əwən ɨchî nɨ wɨ̀ chɨ əwən rɨ əton ɨka we ɨnû rɨbɔ̀ŋ nyaʼa berɨ ɨgwɨ nən.

Mə̀Hibrù 10:1

Tɨkə rɨ Mose yɨ əziŋ rɨ ənɨ ɨghɨ chɔ̀m mbe nɨ bɨrɨ yeʼe. Ka rɨkə te yɨ i ɨghɨ chɔ̀m mbe. Ka tɨ bɨrɨ nɔ ghɨ i ni bə̂d mbe nɨ tindɨ ɨban ə Ŋwiə̀ bɔŋ màànɨ̀ àmei ɨmbə̀ʼ ɨchî nɨ mbɨə nàʼ tɨkwɨrɨ ɨghɨ ə̀fà ə mɔʼ ɨgwɨ əghəm əwu.

Mə̀Hibrù 12:27

Ɨŋgam we ni, “Ɨghəm cherə,” ə chwi ni ɨghɨ mbe nɨ mbɨ tekɨ ənɨ ɨbɔ bɨrɨ wùd, ɨmbə̀ʼ mbe nɨ chəi ənɨ tɨ mbɨ ghɨ̀ mbɨ wùd mbɨ tenə.

Mə̀Hibrù 13:14

Chəi tɨ̀ berɨ əsɨ ze nɨ ten ɨghəm mɔʼ. Tɨ̀ wɨə wòmə̀ yeʼ əsɨ ze nɨ bɨrɨ yeʼe.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 7:1

Mèlkizedèk wɔ̂ yɨə nyaʼa ɨfɔ̂n ə Salèm. Wɨ̀ yɨə nyaʼa bə̀ ə wə̀d mbàn Ə̀chè-ɨsɨg Ŋwìə̀. Wɨ̀ nyaʼa bòmnɨ̀ mbɨ Abràham ənɨ Abràham nyaʼə bə̀ndɨ̀ rɨ ənɨ ɨbid we nɨ wɨ̀ nyaʼa baŋ mɨfɔ̂n mɨ̀kwè. Ənɨ mbɨ nyaʼa bomnɨ əne, Mèlkizedèk nyaʼa zɨ̀ əbɔrəbɔd ɨgun ə Abràham.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.