Mə̀Hibrù 8:10 - Meta’

¹⁰ Ə̀nùŋɨ̀sɨg ə ghà ni, fɨso fe nɨ mə̀ bɨrɨ san mbɨ mɨ̀Izre yɨ ni: ənɨ ɨni mbe fə che i, mə bɨrɨ zɨ tum rɨkə ɨŋga ɨtu mɨ̀mə̌d, bə̀ ŋwàʼnɨ̀ ɨŋga fîŋ tɨ mɨ̀mə̌d. Mə bɨrɨ yeʼ Ŋwìə̀ mɨ̀mə̌d, mɨ̀mə̌d bə̀ yeʼ mbɨ bə̂d.

Ikan feg

¹⁰ Aŋa ya ikan ne mə̀ biri sɔb tì mə̀Izre igun aneg ze. Mə biri ghì mbi se kɔ̀ndɔ ìmbum mə̀nɔ̀ʼɔ̀ bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ. Mə biri yaʼ ìwɔb Ŋwiye. Mbɔb bə̀ si yaʼ ìmbum bəd.

Mə̀Hibrù 8:10 교차 참조

Matìyò 22:32

'Mɔ̌ yɨə Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b.' Kaʼ məd yɨ i Ŋwìə̀ ɨvɨ bə̂d. Məd yɨə Ŋwìə̀ bə̂d mbe nɨ yeʼ ɨkǎ.”

Rm 11:27

Fɔ̂ yɨə fɨso fe nɨ mə san mbɨ mɨ̀mə̌d ənɨ mə̀ waʼ ɨnû rɨbɔ̀ŋ mɨ̀mə̌d.”

1 Kɔrèn 6:16

Chəi mbə kyerɨ ni mbaŋə̀ ze nɨ fɔtɨ i ɨnyod mbɨ ə̀kùnɨ̀ fə bèŋ sɨə nyamnyod mɔʼ mbɨ məd ə? Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mɨ̀mə̌d mbe mɨbe bɨrɨ fɔtɨ sɨə nyamnyod mɔʼ.”

2 Kɔrèn 3:3

Mbə mbɨə chwiə ni mbə yɨ ə̀ŋwàʼnɨ̀ ze nɨ Kristo nyaʼa ŋwàʼnɨ̀, əne tom əwa mbɨ əzɨ əwən. Chəi wɨ̀ nyaʼa ŋwaʼnɨ ənɨ fɨmbən ə̀ŋwàʼnɨ̀. Wɨ̀ nyaʼa ŋwàʼnɨ̀ yeʼ ənɨ Əzwî ə Ŋwiə̀ we nɨ yeʼ ɨkǎ. Chəi wɨ̀ nyaʼa ŋwaʼnɨ ɨgun əbapɨ əti. Wɨ̀ nyaʼa ŋwàʼnɨ̀ yeʼ ɨŋga fîŋ rɨ bə̂d.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

1 Pità 1:23

Mbɨ fə gywɨ əwən ɨghəm cherə ɨmbə̀ʼ mbə̀ jɨg ɨ̀tènɨ̀ fi ənjìm ɨŋgam Ŋwiə̀ we nɨ yeʼ ɨkǎ. Ka ɨ̀tènɨ̀ we yɨ i rɨ əmbɨ ə mbǎʼ nɨə kwɨə. Wɨ yɨ rɨ əmbɨ ə Mbǎʼ nɨ chəi wɨ̀ bɨrɨ nɔ kwɨ.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.