Mə̀Hibrù 7:28 - Meta’

²⁸ Tɨkə rɨ Mose nyaʼa chwiə ni mbɨ chɔʼ bə̂d nɨ tɨ̀ mbɨ nyaʼa gù ənû ənɨ ɨtu ɨgwɨ ə bə̂d mbàn Ŋwìə̀, àyɨə ɨŋgam we nɨ Ŋwìə̀ nyaʼa kaʼa kàn, nɨ nyaʼa sɨ beenɨ rənjìm tɨkə te, nyaʼa chɔʼ Wan nɨ Ŋwìə̀ fə ghɨ wɨ̀ zeŋ màànɨ̀ koŋ.

Ikan feg

²⁸ Mə̀nɔ̀ʼɔ̀ Muse ya ghìyə̀ mbi chɔʼɔ atog wə̀d igun bəd mbàn Ŋwiye ne tì mbi gùg inug icheg mə̀mbin. Anug ze ne Ŋwiye ya zɔ̀mi ya si yèʼe yaʼ anjìm. Ŋwiye ya chɔʼ Ŋwan məd bə̀ ghì wì bɔŋ mànì ane ighə̀m imɔʼ.

Mə̀Hibrù 7:28 교차 참조

Lk 13:32

Wɨ̀ nyaʼa ghà əmbɨ mɨ̀mə̌d ni, “Mbə̀ wo ghà əmbɨ sèŋɨ we ni, 'Zə, mə bɨrɨ wo ɨmbì chɨ̀ ɨzwî rɨbɔ̀ŋ bə̀ vɨ̀ bə̂d rə̀chɔ̀ŋ fɔrɨ ɨsɔ, ɨni nɨə pe tad, mə màànɨ̀ mɨ ə̀fàʼì.'

Jn 19:30

Ənɨ Yeso nyaʼa sɔɔrɨ mɨnoʼ mbe, wɨ̀ nyaʼa ghà ni, “Zɨə fə mì i!” Wɨ̀ nyaʼa ghà əne, tuŋ ətu ə si, Ŋwìə̀ nɨŋ əzwî əməd.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Mə̀Hibrù 2:10

Ɨ ghɨ ni mbɨ wumnɨ bə̂d mɨ̀sɔŋɨchù ɨchî nɨ mbɨə wumnɨ əməd, zɨ̀ ə nyaʼa kùʼ ni Ŋwìə̀ ghɨ ni wə̀d we nɨə chɨ̀ə̀ bə̂d rəŋgəʼ bɔŋ ə màànɨ̀ ɨchî nɨ wɨ̀ nyaʼa zə ŋgəʼ. À yɨə Ŋwìə̀ nyaʼa tekɨ ɨghɨjìm, ɨghɨjìm mbɨə bə̀ əŋgu ənjìm məd.

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 5:5

Əndəŋ əndəŋ, kaʼi Kristo ziə nyaʼa kəb ɨwumnɨ we nɨ yeʼ ətu ɨgwɨ ə bə̂d mbàn Ŋwìə̀, àyɨə Ŋwìə̀ nyaʼa ghà ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ.”

Mə̀Hibrù 7:21

Ŋwìə̀ nyaʼa kàn, nùŋ wə̀d mbàn wɔ̂ ghà ɨ bɔ ni, “Ə̀nùŋɨ̀sɨg ə fə kàn, chəi wɨ̀ bɨrɨ wɨrɨ kwepɨ i fîŋ, 'Àwɔ̀ yɨə wə̀d mbàn Ŋwìə̀ koŋ.'”

Mə̀Hibrù 7:24

àyɨə məd ə yim e ə̀fàʼì wə̀d mbàn Ŋwìə̀ koŋ, ɨmbə̀ʼ ɨghəm nɨ məd ziə ə bə̀ ten i koŋ.

Mə̀Hibrù 7:3

Chəi mbɨ ŋwaʼnɨ ɨmbə̀ʼ mbǎʼ məd, ɨmbə̀ʼ ɨŋgɔb məd kɨ̀ ɨmbə̀ʼ ɨnəbɨ məd. Chəi mbɨ ŋwaʼnɨ ɨmbə̀ʼ ɨchî nɨ mbɨ nyaʼa gywɨ əməd kɨ̀ ɨmbə̀ʼ ɨchî nɨ wɨ̀ nyaʼa kwɨ, àyɨə ɨchî nɨ wɨ̀ nyaʼa ɨghabɨ ə Wan Ŋwìə̀, wɨ̀ yɨə wə̀d mbàn Ŋwìə̀ koŋ.