Mə̀Hibrù 4:11 - Meta’

¹¹ Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Ikan feg

¹¹ Ane, tì kirə ika ni nyi inga asiŋi àzwètì ze ne Ŋwiye we nàʼà abə bəd məd, ni gha imbə̀ʼ wə̀d mɔ̀ʼɔ nɔ̀ʼ ghì tìzughə icheg ne ìmba mə̀mbaʼ aneg ya ghi tìzughə̀ abə Ŋwiye si sam àzwètì ze.

Mə̀Hibrù 4:11 교차 참조

Matìyò 11:12

Ɨ kɔ rɨ ənɨ ə nyùmə̀ we nɨ Jɔ̌n we nɨ nyaʼə nàʼ mɨnib nyaʼə ghà ɨkə̂n chɔ̀m yeʼe pè rɨ̀nîn, ənû ɨfɔ̀n rɨkaŋ fə kən zə ŋgəʼ. Bə̂d nɨ berɨ ɨka mbɨə kə̀b nyɨ ɨŋga ənɨ ɨka.

Matìyò 7:13

“Mbə̀ nyɨ ɨŋga ənû ɨfɔ̀n ə Ŋwiə̀ ɨchû ɨkam kwa, ɨmbə̀ʼ ɨghəm nɨ ɨchû ɨkam kyeŋ wɨə wò əsɨ ɨchə, ɨnə̂njɨ̀ we nɨə wò əŋgu rɨka bɨ se i nɨ yen ɨgun. Bə̂d mɨ̀nɔnɔʼ mbɨə nyɨ àmei ɨchû ɨkam we.

Lk 13:24

“Mbə̀ kywɨ ənywɨ nyɨ ɨchû nəb we nɨ fandə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ kəb nyɨ, àyɨə chəi ənɨ tɨ̀ mbɨ nyɨ.

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Ɨ̀fàʼì 26:19

“Əne kyɨ Ɨfɔ̂n Agripà, chəi mə̀ nyaʼa ton nɨ ghɨ ənû ze nɨ Ə̀nùŋɨ̀sɨg nyaʼa gha ɨ num ɨŋga rɨ̀taanɨ njə̀m.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Kòlosè 3:6

À yɨ ɨmbə̀ʼ ɨnû mbɔ̂ nɨ Ŋwìə̀ bɨrɨ sə ɨtəm əbɔʼ bə̂d mbe nɨ chəi mbɨə zuunɨ əməd.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Mə̀Hibrù 3:18

À kɨ əmbɨ mɨwe nɨ Ŋwìə̀ nyaʼa kan ni chəi mbɨ bɨrɨ nɔ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ nàʼ əmbɨ mɨ̀mə̌d ə? Kaʼ à wa kɨ i əmbɨ ə bə̂d mbe nɨ chəi mbɨ nyaʼə zuunɨ əməd ə?

Mə̀Hibrù 4:6

Bə̂d mɔʼɔ bɨrɨ nyɨ ɨŋga əsɨ ə̀zwììrɨ̀ ze. Chəi mbe nɨ nyaʼa be zu ɨkə̂n chɔ̀m nyaʼa nyɨ ɨŋga əsɨ ə̀zwììrɨ̀ ze ɨmbə̀ʼ rɨ̀zuə̀.

Mə̀Hibrù 6:11

Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

2 Pità 2:6

Ŋwìə̀ nyaʼa bə̀ zɨ̀ ɨchə ɨgwɨ ɨsɨ mbe nɨ mbɨ nyaʼə tɔŋ ənɨ ə Sodòm mbɨ Gòmorà. Wɨ̀ nyaʼa nimnɨ ɨsɨ mbe ənɨ ɨwid. Wɨ̀ nyaʼa ghɨ̀ ni mbɨ yeʼ ənweenɨ əmbɨ ə bə̂d mbe nɨ chəi mbɨə wumnɨ əməd.