Mə̀Hibrù 4:1 - Meta’

¹ Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

Ikan feg

¹ Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Mə̀Hibrù 4:1 교차 참조

Matìyò 24:48

Wə̀d ə̀fàʼì we nɨ chəi wɨə fàʼ ənɨ i fîŋ jìm mɨ ghà ɨŋga i fîŋ ni, 'Mɨ mbǎʼ ə̀fàʼì fə tan nɨ yeʼe,'

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Rm 11:20

Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 3:23

ɨmbə̀ʼ ɨghəm nɨ bə̂d mɨ̀jìm fə ghɨ̀ ɨnû rɨbɔ̀ŋ əne chəi wɨrɨ i ɨzeŋɨ zeŋɨ Ŋwiə̀ ɨŋga mɨ̀mə̌d.

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Gàlesìyà 5:4

Mbə̀n mbe nɨə kə̀b təm kùʼnɨ̀ ɨchî nɨ mbə̀ə nùŋ rɨkə, fə sùŋgɨ̀ rɨ ənɨ ə Kristo. Mbə̀ fə ton ɨ̀chɔ̀m we nɨ Ŋwìə̀ ghɨ̌ ənɨ nən.

2 Timotì 2:13

Tɨ̀ mɨ ton nuŋ a ɨbenɨ ɨgwɨ məd, wɨ̀ bɨrɨ kɨrɨ ghaʼ əwa, ɨmbə̀ʼ ɨghəm nɨ chəi ənɨ tɨ̀ wɨ̀ wɨrɨ ton ənû ze nɨ wɨ̀ nyaʼa fə be benɨ.

Mə̀Hibrù 12:15

Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 13:7

Mbə̀ kɔndɨ bə̂d mbe nɨ nyaʼə chà əwən. À yɨ mɨ̀mə̌d nyaʼa be gha ɨŋgam Ŋwiə̀ ɨ nən. Mbə̀ kɔndɨ ɨchî nɨ mbɨ nyaʼə chubə, əne beenɨ əbɔʼ ɨchî nɨ mbɨ nyaʼa nuŋ fîŋ ɨgun ə Ŋwiə̀.

Mə̀Hibrù 3:11

Mə nyaʼa sə ɨtəm kàn ghà ni, 'Chəi mbɨ bɨrɨ nɔ nyɨ ɨŋga əsɨ ə̀zwììrɨ̀ ze nɨ mə bɨrɨ naʼ əmbɨ mɨ̀mə̌d.'”

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Mə̀Hibrù 4:9

Əne əni ə̀zwììrɨ̀ ə zɨə kɨrɨ i əmbɨ ə bə̂d Ŋwiə̀.