Mə̀Hibrù 2:4 - Meta’

⁴ Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.

Ikan feg

⁴ Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

Mə̀Hibrù 2:4 교차 참조

Mk 16:20

Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.

Mk 6:14

Ɨfɔ̂n Herɔ̀d nyaʼa zu ɨnû mbɔ̂ jìm, ɨmbə̀ʼ ɨghəm nɨ ɨkum Yeso nyaʼa fə jàŋ ɨsɨ jìm. Bə̂d mɔʼɔ mbɨə nyaʼə ghàə̀ ni, “Jɔ̌n we nɨ nyaʼə nàʼ mɨnib fə zwemə. À yɨ əton nɨ wɨ̀ berɨ ɨka nɨ ghɨ ɨnû yiirɨ mbɔ̂.”

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 4:48

Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Ɨ̀fàʼì 5:32

Mbǎ mbɨ Əzwî ə Zeŋɨ ze nɨ Ŋwìə̀ naʼ əmbɨ ə bə̂d mbe nɨə zuunɨ əməd yɨə mɨ̀zərɨmbin ənɨ ɨnû mbɔ̂.”

Efesùs 1:5

Wɨ̀ nyaʼa fə bè chɔʼ nùŋ ni wɨ̀ bɨrɨ nɨŋ əwa ənɨ mbi bɔn ənjìm ə Yeso Kristo. Wɨ̀ nyaʼa chɔʼ əne ɨchî nɨ wɨ̀ nyaʼa kaŋ ghaʼ bə̀ kəb nɨ ghɨ.

Efesùs 1:9

Wɨ̀ nyaʼa nɨŋ ɨwe jìm mbɨ ɨkyerɨ-ɨnû jìm ghɨ̀ tɨ̀ kyerɨ ɨnû mɔʼɔ mbe nɨ nyaʼa ənə̀mə. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ fɔrɨ ɨmbə̀ʼ ɨchî nɨ wɨ̀ nyaʼa fə taŋ nùŋ ənɨ ɨfɔtɨ mbɨ Kristo.

Efesùs 4:7

Àyɨə Kristo fə ghɨ̀ ɨ̀chɔ̀m ənɨ ə na, nàʼ ɨneʼe əmbɨ wə̀d mɔʼ mɔʼ ni wɨ̀ faʼ əŋgu àmei ɨchî nɨ wɨ̀ kəbɨ.

Mə̀Hibrù 6:4

Zɨə kàŋ seə nɨ wɨrɨ ghɨ ni bə̂d bèŋ tə fîŋ bə̀ndɨ̀ wò əmbɨ ə Ŋwiə̀ əwù ze nɨ mbɨ kweʼ zə ɨzeŋɨ zeŋɨ Ŋwiə̀, kweʼ zweʼrɨ ɨghɨ rɨkaŋ mbe nɨ wɨ̀ neʼ əwa əŋgu, Əzwî ə Zeŋɨ ə nyɨ ɨŋga mɨ̀mə̌d,