Mə̀Hibrù 2:17 - Meta’

¹⁷ À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Ikan feg

¹⁷ À ya aton ne wì ya kòʼi ni yaʼ icheg məfi fɔrɔ njàbi məd ane inug ijìm, ni gha wì biri yaʼ atog wə̀d igun bəd mbàn Ŋwiye ne fàʼà abə Ŋwiye ane ìzi fìŋ ijìm, bə̀ bèrè àsɔ̀mnəfiŋ igun bəd, si nàʼ ìwi nyɔd ane aghi àfàtì ni ghì gha Ŋwiye waʼ inug tibɔ̀ŋ bəd.

Mə̀Hibrù 2:17 교차 참조

Rm 15:17

Əne, ɨchî nɨ mə yeʼ ənɨ ɨfɔtɨ mbɨ Kristo Yeso, mə berɨ əton nɨ goŋ ɨgɔ̂ ɨmbə̀ʼ ə̀fàʼì ze nɨ mɨə fàʼ əmbɨ ə Ŋwiə̀.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Efesùs 2:16

Kristo nyaʼa kwɨ əzed ə baʼnɨ fɔtɨ tɨnəbɨ tɔ̂ rɨ̀be ənɨ nyamnyod mɔʼ. Əze ə nyaʼa maanɨ taŋ mɨ̀mə̌d əne ghɨ̀ mbɨ wò əmbɨ ə Ŋwiə̀. Zɨə nyaʼa ghɨ̀ ni ənû ze nɨ mbɨ nyaʼə chɔb ɨmbə̀ʼ əzɨ əwən ə mi ə.

Kòlosè 1:21

À nyaʼa ənɨ ə nyùmə̀ mɔʼɔ, mbə mbɨə nyaʼa əsa əgha rɨ ənɨ ə Ŋwiə̀. Mbə mbɨə nyaʼa ənɨ ə pə̀n mbɨ məd ɨmbə̀ʼ ɨchî nɨ mbə mbɨə nyaʼə kɔndɨ ɨnû rɨbɔ̀ŋ bə̀ ghɨ̀ə̀.

Mə̀Hibrù 10:21

Tɨ̀ berɨ ədabɨ ə wə̀d mbàn nɨə nəŋgɨ ə nəb Ŋwìə̀.

Mə̀Hibrù 2:11

Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Mə̀Hibrù 2:16

Zɨə zeŋ ni kaʼi mbɨ̀aŋgɨrə̀ nɨ wɨə wèèrɨ̀ə̀. Ɨ wɨə wèèrɨ̀ə̀ yeʼ bɔn tɨ ənɨ əghaŋ ə Abràham.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 3:2

Wɨ̀ nyaʼa fàʼ ənɨ i fîŋ jìm əmbɨ Ŋwìə̀ we nɨ nyaʼa chɔʼ əməd. Wɨ̀ nyaʼa fàʼ ɨchî nɨ Mose nyaʼa bə fàʼ ənɨ i fîŋ jìm ɨŋga nəb Ŋwìə̀.

Mə̀Hibrù 3:5

Mose nyaʼa fàʼ ɨŋga nəb Ŋwìə̀ ənɨ i fîŋ jìm. Wɨ̀ nyaʼa ghɨ̀ əne àmei ɨghabɨ wə̀d ə̀fàʼì. Ɨ wɨə nyaʼə ghà ɨmbə̀ʼ ɨnû mbe nɨ Ŋwìə̀ bɨrɨ nɨ ghà.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 5:1

Ɨ mbɨə chɔʼ ɨtu jìm ɨgwɨ ə bə̂d mbàn Ŋwìə̀ rəkaʼ bə̂d məd. Ɨ mbɨə chɔʼə mɨ̀mə̌d ni mbɨ faʼ əmbɨ ə Ŋwiə̀ dè ətu bə̂d mbe. Ɨ wɨə nàʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀ ɨgwɨ ɨnû rɨbɔ̀ŋ mɨ̀mə̌d.

Mə̀Hibrù 5:10

Əne Ŋwìə̀ nyaʼa chɔʼ əməd ni wɨ̀ yeʼ ətu ɨgwɨ ə bə̂d mbàn ənɨ ɨwaŋ Mèlkizedèk.

Mə̀Hibrù 5:2

Ɨ wɨə nyeʼə ghɨ̀ ɨnû ənɨ əbɔrəbɔd ənɨ ə bə̂d mbe nɨə fàn ɨnû. Ɨ wɨə ghɨ̀ əne ɨmbə̀ʼ ɨghəm nɨ chəi mbɨ kyerɨ ɨnû mbe nɨ mbɨə ghɨ̀ə̀. Ɨchî nɨ mbɨ bɔd yɨə bə̀ ɨchî nɨ məd ziə bə bɔd ənɨ mɨnə̂njɨ̀ nɔnɔʼ.

Mə̀Hibrù 5:5

Əndəŋ əndəŋ, kaʼi Kristo ziə nyaʼa kəb ɨwumnɨ we nɨ yeʼ ətu ɨgwɨ ə bə̂d mbàn Ŋwìə̀, àyɨə Ŋwìə̀ nyaʼa ghà ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ.”

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.

Mə̀Hibrù 7:28

Tɨkə rɨ Mose nyaʼa chwiə ni mbɨ chɔʼ bə̂d nɨ tɨ̀ mbɨ nyaʼa gù ənû ənɨ ɨtu ɨgwɨ ə bə̂d mbàn Ŋwìə̀, àyɨə ɨŋgam we nɨ Ŋwìə̀ nyaʼa kaʼa kàn, nɨ nyaʼa sɨ beenɨ rənjìm tɨkə te, nyaʼa chɔʼ Wan nɨ Ŋwìə̀ fə ghɨ wɨ̀ zeŋ màànɨ̀ koŋ.

Mə̀Hibrù 8:1

Ənû ə kyeŋ nɨ yeʼ ɨŋga ənû zɔ̂ yɨ ni, tɨ̀ berɨ ətu ɨgwɨ ə bə̂d mbàn Ŋwìə̀ nɨ yeʼ ɨghabɨ wɔ̂ nɨ tɨ̀ gha ɨmbə̀ʼ əməd. Ɨ wɨ ɨkaŋ əbà əbɔ ə jɨg ətən ɨfɔ̀n ə Ŋwiə̀ Ə̀chè-ɨsɨg.

Mə̀Hibrù 8:3

Ɨ mbɨə chɔʼ ətu ɨgwɨ ə bə̂d mbàn Ŋwìə̀ jìm ni mbɨ naʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀. Əne zɨə kuʼ ni wə̀d mbàn wɔ̂ bə berɨ əghɨ nɨ nàʼ.

Mə̀Hibrù 9:11

Kristo nyaʼa yeʼe ɨghabɨ ətu ɨgwɨ ə bə̂d mbàn Ŋwìə̀ ənɨ ɨghɨ chɔ̀m mbe nɨ fə sɨ əgha. Ɨŋwenɨ we nɨ məd ə fàʼ ɨŋga ə bɔ̀ŋ màànɨ̀. À yɨə bə̀ ɨŋwenɨ nɨ chè mɨŋwenɨ jìm. Kaʼi bə̂d nyaʼa kod ɨŋwenɨ we, əne yɨ ni, kaʼ ɨŋwenɨ we yɨ i əba rɨ ənɨ ɨsɨg wɔ̂.