Mə̀Hibrù 12:24 - Meta’

²⁴ Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Ikan feg

²⁴ Mbə fə yeʼe abə Yeso, məd we ne ya yeʼe tì ikan feg. Mbə yèʼe abə anəm Yeso ze ne mbi ya tuti ne ghàmà inug ne bɔŋi chè inug mbe ne anəm àzi Abè ze ghà.

Mə̀Hibrù 12:24 교차 참조

Matìyò 23:35

ɨmbə̀ʼ ənəm ə bə̂d mɨ̀jìm mbe nɨ nyaʼə ghɨ̀ ɨnû nɨ kuʼnɨ ɨgun ə si ə nyɨ ɨgwɨ nən, kɔ rɨ ənɨ ənəm ə Abèl we nɨ nyaʼə ghɨ̀ ənû nɨ kuʼnɨ wo pè ənɨ ənəm ə Zèkàriyà we nɨ nyaʼə wan Bèrekìà, nɨ mbə̀ nyaʼa zwiirɨ əsàn əsɨ ɨwumnɨ mbɨ ɨkwi ɨjə̀ŋ ə̀fà.

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Mk 14:24

Wɨ̀ nyaʼa ghà əmbɨ mɨ̀mə̌d ni, “Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mə̀ chəmnɨ ɨmbə̀ʼ ɨtu ə bə̂d mɨ̀nɔnɔʼ.

Lk 11:51

Mbɨ bɨrɨ kɔ rɨ ənɨ ənəm ə Ebèl wò pè ənɨ ənəm ə Zèkariyà we nɨ mbɨ nyaʼa zwiirɨ əsàn ɨkwi ɨjə̀ŋ Ŋwiə̀ mbɨ əsɨ ɨwumnɨ. Ee, mə ghà ɨ nən ni mbɨ bɨrɨ biirɨ ənəm ze rɨ əmbɨ ɨghəm bə̂d wɔ̂ rɨ̀nîn.

Lk 22:20

Ənɨ mbɨ nyaʼa fə jɨg màànɨ̀, wɨ̀ nyaʼa bə̀ nɨŋ toʼ mɨ̀nòʼ ghà ni, “Toʼ zɔ̂ yɨ fɨso fi fe nɨ Ŋwìə̀ san ənɨ mɨ ənəm ze nɨ mbɨ chəmnɨ ɨmbə̀ʼ əwən.

Gàlesìyà 3:20

Wə̀d mɨ yeʼ ɨŋga mɨgharə̀, əne yɨ ni bə̂d ə nɔʼ. Àyɨə Ŋwìə̀ mei we mɔʼ.

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Mə̀Hibrù 11:28

À yɨ ɨbenɨ nyaʼa ghɨ ni wɨ̀ nuŋ ni mɨ̀Jû kɔ jɨg Əchwɨ̂ ə Che-ɨgun bə̀ ghɨ̀ ni mbɨ ŋwiirɨ ənəm ətu əkɔŋ, ɨmbə̀ʼ tɨ aŋgɨrə̀ we nɨə zwiirɨ ə bə̂d zwiirɨ i bɔn mbaŋə̀ fə̀d mɨ̀mə̌d.

Mə̀Hibrù 11:4

À yɨ ɨbenɨ nyaʼa ghɨ ni Abèl nàʼ əghɨ ə̀fà əmbɨ ə Ŋwiə̀ nɨ nyaʼa bɔŋ chè əzɨ ə Kaìn. À yɨ ənjìm ɨbenɨ məd nɨ Ŋwìə̀ nyaʼa gha ni məd wɨə ghɨ̀ ɨnû nɨ kuʼnɨ. Ŋwìə̀ nyaʼa ghà əne ɨmbə̀ʼ ɨghəm nɨ wɨ̀ nyaʼa ben ɨghɨ mbe nɨ wɨ̀ nyaʼa naʼa. Abèl nyaʼa kwɨ, àyɨə ənjìm ɨbenɨ məd, ɨ wɨə kɨrɨ ghàmə̀.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 7:22

Ɨchî nɨ Ŋwìə̀ nyaʼa kan əne, Yeso fə ghɨ̀ ni tɨ̀ berɨ fɨso fe nɨ bɔŋɨ chè.

Mə̀Hibrù 8:13

Ɨchî nɨ wɨ̀ nyaʼə ghà ɨmbə̀ʼ fɨso fi ə chwiə ni nyùmə̀ fɨso ənun fə chè i. Əghɨ ze nɨə sɨə nùnə̀, nɨ nyùmə̀ məd fə che i, ə bɨrɨ zambɨ nim.

Mə̀Hibrù 8:6

Àyɨə tɨ̀nîn ə̀fàʼì ze nɨ Ŋwìə̀ naʼ əmbɨ Yeso ə chè əzɨ mɨ̀mə̌d, àmei ɨchî nɨ fɨso fe nɨ məd yeʼe mbɨ fɨwən bə chè fɨso ə nun, ɨmbə̀ʼ ɨghəm nɨ fɨso fe ə berɨ ɨnû nɨ bɔŋ chè mbe nɨ yeʼ ɨŋga fɨso ənun.

Mə̀Hibrù 8:8

Àyɨə Ŋwìə̀ nyaʼa zə ɨbə əkaʼ mbi bə̂d, əne wɨ̀ nyaʼa gha ni, “Ə̀nùŋɨ̀sɨg ə ghà ni, ɨni bɨrɨ yeʼe, nɨ mə bɨrɨ san fɨso fi mbɨ ə bə̂d mɨ̀Izre fɔrɨ mbɨ mɨ̀Judà.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

Mə̀Hibrù 9:19

Ənɨ Mose nyaʼa fə ghà rɨkə jìm əmbɨ ə bə̂d mbe mɨjìm, wɨ̀ nyaʼa nɨŋ ɨnaŋ bə̀ nɨŋ ndàb nɨə bàŋə̀ buù nɨ mbɨ nyaʼa tekɨ ənɨ nyôŋ rɨ njɨ̀g. Wɨ̀ nyaʼa nɨŋ əne chùb ɨŋga ənəm ə bɔn mbɨ̀rɨkun mbɨ əzɨ ə gywɨ nɨ mbɨ fɔtɨ tɔpɨ ɨŋga mɨnib, əne ŋwììrɨ̀ ɨgun ə̀ŋwàʼnɨ̀ ze nɨ rɨkə yeʼ ɨŋga bə̀ ŋwììrɨ̀ ɨgun ə bə̂d mbe mɨjìm.

Mə̀Hibrù 9:21

À yɨ əndəŋ əndəŋ nɨ wɨ̀ nyaʼa bə̀ ŋwììrɨ̀ ənəm ze ɨgun ɨŋwenɨ we bə̀ ŋwììrɨ̀ ɨgun ɨghɨjìm mbe nɨ mbɨ nyaʼə wumnɨ ə Ŋwiə̀ əŋgu.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.