Mə̀Hibrù 12:22 - Meta’

²² Mbə fə yeʼe ɨkaŋ Ɨwum Zayɔ̀n. Mbə fə yeʼe ə Jèrusalèm we nɨ yeʼ ɨkaŋ, nɨ yeʼ əsɨ ə Ŋwìə̀ we nɨ yeʼ ɨkǎ. Mbə fə yeʼe əsɨ mbɨ̀aŋgɨrə̀ chuʼ mbɨ ə chuʼ nɨ fɔtɨ chub ənɨ ɨghaʼi.

Ikan feg

²² Àsi mbə̰, asiŋi ne mbə̀ yeʼe angu ya ikaŋ iwum Zayɔ̀n, a Jèrusalèm we ne yaʼi ikaŋ àbɔ̀ŋɔ, aben Ŋwiye we ne yaʼi izɔm. À ya asiŋi ne mbè angirə̀ chuʼ tì chuʼ fə fete se gyènde.

Mə̀Hibrù 12:22 교차 참조

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 5:35

Tɨ wə̀d tɔ kàn i ənû ə mɔʼɔ tɔŋ si, ɨmbə̀ʼ ɨghəm nɨ si yɨ əsɨ ze nɨ Ŋwìə̀ ə teerɨ mbi ɨwu ɨgun. Tɨ wə̀d tɔ kàn i ənû ə mɔʼɔ tɔŋ ə Jèrusalèm, ɨmbə̀ʼ ɨghəm nɨ Jèrusalèm yɨ əsɨ ɨfɔ̂n kyeŋ.

Rm 11:26

Nyùmə̀ we mɨ kùʼ, mɨ̀Izre mɨ̀jìm bɨrɨ jwɨ rəŋgəʼ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨ bɨrɨ chɨ bə̂d rəŋgəʼ bɨrɨ yeʼe rɨ ə Zayɔ̀n. Wɨ̀ bɨrɨ nimnɨ ənû ze nɨ chəi bə̂d ə wumnɨ ə Ŋwiə̀ tɨ ənɨ ə bɔn Jakɔ̂b.

Rm 9:26

Ɨŋga əsɨ ze nɨ mbɨ nyaʼa gha əmbɨ mɨ̀mə̌d ni, 'Ka mbə yɨ ə mbɨ bə̂d,' mbɨ bɨrɨ tɔŋ mɨ̀mə̌d ənɨ ə 'Bɔn Ŋwiə̀ we nɨ yeʼ ɨkǎ.'”

Gàlesìyà 4:26

Àyɨə ka Sèra yɨ i ə̀bòʼò. Məd ə təm ənɨ Jèrusalèm we nɨ yeʼ ɨkaŋ. Məd yɨ a nɨ̌ŋ.

Efesùs 2:19

Əne ka mbə yɨə wɨrɨ əwən bə̂d rɨ̀sɔ̀ʼɔ̀ mbɨ ɨ̀nɔ̀ʼɔ̀. Mbə yɨə sɨə bə̂d əbeŋ ə mɔʼ mbɨ ə bə̂d Ŋwiə̀. Mbə yɨə bə̀ ə bə̂d ɨŋga ɨnəbɨ Ŋwiə̀,

Fìlipì 3:20

À yeʼ ɨmbə̀ʼ əwa, a əbeŋ yɨ ɨkaŋ. Tɨ̀ wɨə wòmə̀ ni Ə̀nùŋɨ̀sɨg Yeso Kristo, nɨ bɨrɨ chɨ̀ əwa rəŋgəʼ, bɨrɨ yeʼe rəŋgu.

1 Tèsàlonikà 1:9

ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

Mə̀Hibrù 10:31

Ənû nɨ wə̀d jìm berɨ nɨ bɔ yɨ nɨ feŋ ɨŋga tɨkyerɨ-ɨbɔ Ŋwìə̀ we nɨ yeʼ ɨkǎ.

Mə̀Hibrù 11:10

Abràham nyaʼa ghɨ̀ əne ɨmbə̀ʼ ɨghəm nɨ ɨ wɨə nyaʼə nèŋ ɨmbì ɨmbə̀ʼ chub ɨŋga əsɨ nɨ əchɨ ə nəb ə nyaʼa sɨ əŋgu, nɨ wə̀d we nɨ nyaʼa ŋwaʼ əsɨ ze bə̀ bɔm yɨə Ŋwiə̀.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 13:14

Chəi tɨ̀ berɨ əsɨ ze nɨ ten ɨghəm mɔʼ. Tɨ̀ wɨə wòmə̀ yeʼ əsɨ ze nɨ bɨrɨ yeʼe.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Jûd 1:14

À yɨ ɨmbə̀ʼ ə bə̂d mbɔ̂ nɨ Enɔ̀k nyaʼa ghamɨ rəŋwe. Enɔ̀k yɨə nyaʼə tɨ ənɨ əghaŋ ə Adàm nɨ pè ənɨ ɨwaŋ sambe. Wɨ̀ nyaʼa ghà ni, “Mbə̀ zə, Ə̀nùŋɨ̀sɨg wɨə yeʼe mbɨ mbi mbɨ̀aŋgɨrə̀ zeŋɨ chuʼ mbɨ ə chuʼ

Ɨnû 14:1

Mə nyaʼa nəŋ, əne zə Wan njɨ̀g nɨ nyaʼa təm ɨkaŋ ɨwum Zayɔ̀n. Ɨ wɨə nyaʼə mbɨ ə bə̂d chuʼ ɨkɨ fibɨ̀ mbɨ ɨwum kwè chɔ̀b rɨ̀kwè. Mbɨ nyaʼa ŋwaʼnɨ ɨkum Wan njɨ̀g bə̀ ŋwàʼnɨ̀ ɨkum Mbǎʼ məd ənɨ ɨkəŋ ɨsɨ mɨ̀mə̌d.

Ɨnû 21:10

Əzwî ə nyaʼa nyɨ ɨŋga num, əne aŋgɨrə̀ we nyaʼa nɨŋ əmɨ tɨ̀ wò ɨkaŋ ɨwum kyeŋ nɨ nyaʼa kaŋ jeŋgɨ sà ɨkaŋ. Wɨ̀ nyaʼa pè əngu, chwi əsɨ ə zeŋɨ, əne yɨə Jèrusalèm, nɨ Ŋwìə̀ nyaʼə swiə rɨkaŋ.

Ɨnû 21:2

Mə nyaʼa zə əsɨ ə zeŋɨ nɨ nyaʼə swiʼə rɨkaŋ tɨ əmbɨ ə Ŋwiə̀. Əsɨ ə zeŋɨ ze yɨə Jèrusalèm fi. Mbɨ nyaʼa fə tekɨ əməd bə̀ yèʼ ɨchî nɨ mbɨə yèʼ ɨgən nɨ mbɨə wo chà əmbɨ ɨnom məd.

Ɨnû 22:19

Wə̀d mɔʼɔ mɨ chɨ ənû ə mɔʼɔ rəbɔʼ mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, chəi Ŋwìə̀ bɨrɨ ben ni wɨ̀ nyɨ ɨŋga əsɨ ə zeŋɨ ze, kɨ̀ ni wɨ̀ jɨg rɨtam tɨ ənɨ əzed ze nɨə nàʼ ɨ̀tènɨ̀, nɨ mbɨ mə̌ ɨŋga ə̀ŋwàʼnɨ̀ zɔ̂.

Ɨnû 3:12

Mə bɨrɨ nuŋ wə̀d we nɨ baŋ ɨnû rɨbɔ̀ŋ ənɨ ə təʼ ɨŋga mbàn mɨ Ŋwìə̀. Chəi wɨ̀ bɨrɨ nɔ jwɨ rɨŋga mbàn ze. Mə bɨrɨ ŋwàʼnɨ̀ ɨkum mɨ Ŋwiə̀ ɨgwɨ məd, bə̀ ŋwàʼnɨ̀ ɨkum tɨ ənɨ əsɨ mɨ Ŋwiə̀. Əsɨ ze yɨə Jèrusalèm fi we nɨ Ŋwiə̀ ə swiə rɨkaŋ. Mə bɨrɨ bɨ ŋwàʼnɨ̀ mɨ ɨkum fi ɨgwɨ məd.

Ɨnû 7:2

Mə nyaʼa zə aŋgɨrə̀ cherə nɨ nyaʼə kɔʼ rɨ əbà ze nɨ nyùmə̀ ə jwɨ̀ə̀. Wɨ̀ nyaʼa yim əghɨ ze nɨ Ŋwìə̀ we nɨ yeʼ ɨkǎ ə zɨ̀ ənweenɨ ɨgwɨ mbi bə̂d. Wɨ̀ nyaʼa kyeŋ rɨkǎ əbɔʼ mbɨ̀aŋgɨrə̀ mbe mɨkwè nɨ nyaʼa berɨ ɨka nɨ ghɨ əghəm ənɨ ə si bə̀ ghɨ̀ ənɨ rɨ̀bàà.