Mə̀Hibrù 12:10 - Meta’

¹⁰ Mba mɨ̀mbǎʼ rɨ ɨgwɨ ə si mbɨə nyaʼə chə əwa ɨchî nɨ zɨə nyaʼa kuʼ əmbɨ mɨ̀mə̌d. Ɨ mbɨə nyaʼə ghɨ̀ əne àmei ənɨ ɨkə nyùmə̀. Àyɨə Ŋwìə̀ wɨə chə əwa ɨmbə̀ʼ weerɨ əwa. Ɨ wɨə ghɨ̀ əne ɨmbə̀ʼ tɨ̀ chub ɨzeŋɨ zeŋɨ ɨghabɨ əməd.

Ikan feg

¹⁰ Ìmba mə̀mbaʼ igun isəg ya chə awa ane icheg ne koʼi inɔb. Mbi ya chə awa ane iki nyumə̀. Àsi Ŋwiye, wì ya chə awa ni wètì awa gha tè təm zen icheg məd.

Mə̀Hibrù 12:10 교차 참조

Efesùs 4:24

bə̀ ghɨ̀ ni mbə̀ zɨ ɨnyod fi we nɨ mbɨ nyaʼa tekɨ ni wɨ̀ yeʼ ɨghabɨ ə Ŋwiə̀, ɨchî nɨ wɨə ghɨ̀ ɨnû rəsìʼ mbe nɨ kùʼnɨ̀, bə yeʼ mbe nɨ zeŋɨ.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.