Mə̀Hibrù 12:1 - Meta’

¹ Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Ikan feg

¹ Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Mə̀Hibrù 12:1 교차 참조

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 24:13

Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Mk 10:50

Wɨ̀ nyaʼa zu əne, chɨ i ngywɨ̌ maʼi màʼ ə yɨə, nɔʼ tòm, wò əsɨ Yeso.

Lk 12:15

Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Lk 16:28

ɨmbə̀ʼ ɨghəm nɨ mə berɨ bɔŋgɔb mɨ̀tân. Wɨ̀ wo patɨ mɨ̀mə̌d, njɨ mbɨ bɨrɨ bɨ yeʼe ɨŋga əsɨ ə ŋgəʼ zɔ̂.'

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Jn 3:32

Məd wɨə ghàə̀ ɨnû mbe nɨ wɨ̀ fə zə bə̀ zu, àyɨə chəi wə̀d nɨ ben ənû ze nɨ wɨə ghàə̀.

Jn 4:39

MəSàmàriyà nɔnɔʼ ɨŋga əsɨ ze nyaʼa ben ə Yeso ɨmbə̀ʼ ɨghəm nɨ əyi we nyaʼa ghà əmbɨ mɨ̀mə̌d ni, “Wɨ̀ fə gha ɨnû jìm mbe nɨ mə nyaʼa kweʼ ghɨ̀.”

Jn 4:44

Wɨ̀ nyaʼa wò əŋgu ɨmbə̀ʼ ɨghəm nɨ məd ziə nyaʼa ghà ni, “Chəi bə̂d ə wumnɨ ə wə̀d ɨ̀kə̀n ɨŋga əbeŋ əməd.”

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Gàlesìyà 5:7

Mbə mbɨə kə̀ʼə̀ ghɨ̀ mbə ɨnû ɨchî chɔ̀m. À kɨə we təmnɨ əwən ni tɨ mbə̀ beenɨ ə əbɔʼ rəsìʼ ə?

Efesùs 4:25

Əne tɨ mbə ghàə̀ mɨghab: Wə̀d mɔʼ mɔʼ rəbɔʼ na gha àmei wi rəsìʼ əmbɨ mbi bɔŋgɔb, ɨmbə̀ʼ ɨghəm nɨ mba mɨ̀jìm yɨə sɨ ɨsɨ ɨnyod rɨ ənɨ ə nyamnyod mɔʼ.

Fìlipì 1:30

Mbə mbɨə zɔ̀ŋə̀ tɨ̀nîn mbɨ ə bə̂d pə̀n àmei ɨchî nɨ mə̀ nyaʼə bə̀ zɔ̀ŋə̀. Mbə̀ mbɨə zuə ni mə wɨə bə̀ kɨrɨ zɔŋə̀.

Fìlipì 2:16

Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

2 Timotì 2:4

Chəi sɔgyɨ̀ mɔʼɔ nɨ kɨrɨ ənɨ ə̀fàʼì nɨ tɨ̀ wɨ̀ zɨ mbi ɨbɔ ɨŋga ɨnû rɨŋga əbeŋ, ɨmbə̀ʼ ɨghəm nɨ wɨ̀ berɨ fàʼ ɨmbə̀ʼ ghɨ ni wə̀d kyeŋ məd ghaʼ əməd.

2 Timotì 4:7

Mə fə kàŋ zɔ̀ŋ ɨchî chɔ̀m ɨchî nɨ mɨə fàʼ əmbɨ Kristo. Mə fə nòtɨ̀ wò pè ənɨ ɨnwǐ. Mə fə nùŋ mɨ fîŋ ɨgun ə Kristo wò pè ənɨ ɨnwǐ.

Mə̀Hibrù 6:15

Abràham nyaʼa yim fîŋ bə̀ wòm, əne wɨ̀ nyaʼa berɨ əghɨ ze nɨ Ŋwìə̀ nyaʼa kaʼ ɨ bɔ.

Jems 1:3

Mbə̀ fə kyerɨ ə ni mbɨ mɨ zweʼrɨ ə ɨbenɨ, mbə mbe tɨ̀ mbə nyìʼ.

1 Pità 2:1

Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.

1 Pità 4:2

Əne mbə̀ nɨŋ nyùmə̀ we nɨ buʼ ɨ nən ɨgwɨ ə si ghɨ̀ ɨnû mbe nɨ Ŋwiə̀ kəbɨ, kaʼi mbe nɨ bə̂d rɨ ɨgwɨ ə si ə kə̀bə̀.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.

2 Pità 1:6

Ɨchî nɨ mbə̀ kyerɨ ə Ŋwiə̀ ə ghɨ ni mbə̀ yimbɨ ɨnyod. Ɨchî nɨ mbə̀ə yimbɨ ɨnyod ə ghɨ ni mbə̀ chi ɨnû. Ɨchî nɨ mbə̀ə chì ɨnû ə ghɨ ni mbə̀ wumnɨ ə Ŋwìə̀.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 13:10

Mbɨ mɨ berɨ gywɨ wə̀d mɔʼ wò mbɨ wɨwən, mbɨ berɨ bɨ gywɨ nɨŋ wò. Mbɨ mɨ berɨ zwiirɨ wə̀d mɔʼɔ ənɨ ɨbi bid, mbɨ berɨ bɨ zwiirɨ. Əne yɨ ni bə̂d Ŋwiə̀ berɨ nyiʼ. Mbɨ bə̀ berɨ kɨrɨ nuŋ fîŋ ɨgwɨ məd.

Ɨnû 22:16

“Mɔ̌, Yeso, fə tom wum aŋgɨrə̀ nɨ wɨ̀ gha ɨnû mbɔ̂ əmbɨ mbə̀n mbe nɨ yeʼ ɨŋga tɨfetɨ bə̂d Kristo. Mɔ̌ yɨə wan tɨ ənɨ əghaŋ ə Dèvîd. Mɔ̌ yɨə bə̀ ə wan məd. Mɔ̌ yɨə təbid we nɨə njandə ənjɨtuʼ.”

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.