Mə̀Hibrù 11:17 - Meta’

¹⁷ À yɨ ɨbenɨ nyaʼa ghɨ̌ ni Abràham naʼ ə Aizìk ənɨ əghɨ ə̀fà ənɨ ə nyùmə̀ we nɨ Ŋwìə̀ nyaʼa kwaʼnɨ əməd. Məd we nɨ Ŋwìə̀ nyaʼa kaʼ ɨnû mbe ɨ bɔ nyaʼa fə tekɨ ɨnyod nɨ naʼ i wan we mɔʼ ənɨ əghɨ ə̀fà.

Ikan feg

¹⁷ Anyumə̀ ne Ŋwiye ya zweʼri Abràham, à ya ibḛfiŋ ya ghi Abràham chuʼri ìwi nyɔd ni nàʼ Azìg ane aghi àfàtì, ne ŋwan məd yaya məyi Azìg we imɔʼ.

Mə̀Hibrù 11:17 교차 참조

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

2 Kɔrèn 8:12

ɨmbə̀ʼ ɨghəm nɨ wə̀d mɨ berɨ fîŋ chɔ̀m nɨ wèèrɨ̀, Ŋwìə̀ bɨrɨ nɨŋ əghɨ ze nɨ wɨ̀ naʼa ɨchî nɨ wɨ̀ berɨ ɨghɨ, kaʼi ɨchî nɨ chəi wɨ̀ berɨ ɨghɨ.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 7:6

Kaʼ Mèlkizedèk yɨə nyaʼa i rɨŋga ɨnəbɨ Levì, àyɨə wɨ̀ nyaʼa nɨŋ əsɨ ə fibɨ̀ ɨŋga mbɨ wum rɨ əmbɨ Abràham. Wɨ̀ nyaʼa nɨŋ əne zɨ̀ əbɔrəbɔd ɨgwɨ məd we nɨ Ŋwìə̀ nyaʼa kaʼ ənû ze ɨ bɔ.

Jems 5:11

Mbə̀ zə, Ŋwìə̀ nyaʼa zɨ̀ əbɔrəbɔd ɨgwɨ mɨ̀mə̌d ɨmbə̀ʼ ɨghəm nɨ mbɨ nyaʼa nyiʼi. Mbə fə zu ɨchî nɨ Job nyaʼa nyiʼi bə̀ zə ɨchî nɨ Ŋwìə̀ nyaʼa ghɨ ɨ̀chɔ̀m ənɨ məd ənɨ ɨnwǐ. Ŋwìə̀ wɨə kɔə mɨsin bə̀ dììrɨ̀ə̀ bə̂d.

1 Pità 4:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ yiirɨ ə ni ɨ̀kwàʼnɨ̀ ka ka mbɨə yeʼe ɨgwɨ nən ɨmbə̀ʼ zweʼrɨ ə ɨbenɨ. Zɨə bɨrɨ yeʼ ɨghabɨ ni ɨnû rɨ̀sɔ̀ʼ mɔʼɔ mbɨə ghɨ̀ ənɨ ə nən.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.