Mə̀Hibrù 10:27 - Meta’

²⁷ Ənû nɨ sɨ bùʼ yɨ ni tɨ̀ chubɨ mbɨ ɨbɔɔ wòm əni ze nɨ Ŋwìə̀ bɨrɨ saʼ ɨsɨg. Tɨ̀ bə̀ bɔ ɨwid ka ka we nɨ bɨrɨ nimnɨ bə̂d pə̀n Ŋwiə̀.

Ikan feg

²⁷ Anug ne si bùʼ ya gha, tì biri se ghɔ̀mɔ̀ bə̀ bɔ aneg ze ne Ŋwiye biri saʼ ìmbi bəd ìpàb, tɔ̀n awɔb inga iywid.

Mə̀Hibrù 10:27 교차 참조

Matìyò 13:42

əne màʼ mɨ̀mə̌d ɨŋga ɨsweŋ ɨwid ənam, nɨ yeʼ əsɨ nɨ bə̂d bɨrɨ sɨə zə̀ʼə̀, kud əsɔŋ.

Matìyò 13:50

əne, màʼ mɨ̀mə̌d ɨŋga ɨsweŋ ɨwid ənam, nɨ yeʼ əsɨ nɨ bə̂d bɨrɨ sɨə zə̀ʼə̀ kud əsɔŋ.”

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 3:10

Ka àbei rɨ̀nîn, Ŋwìə̀ fə boŋ jam ɨban ɨghaŋ ɨzed. Əne wɨ̀ bɨrɨ wad ɨzed jìm mbe nɨ chəi mbɨ kɔ rɨtam chɔ̀m màʼ ɨŋga ɨwid.

Matìyò 3:12

Əsɔ twi rɨ̀kwè fə sɨ i ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyèŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Lk 16:24

Wɨ̀ nyaʼa zə əne tɔŋ əməd ni, 'Mɨ mbǎʼ Abràham, dììrɨ əmɨ chà ə Lazarɔ̀s ni wɨ̀ chub ətu ə fi ɨŋga mɨnib zùtɨ̀ mɨ ɨnemɨ, ɨmbə̀ʼ ɨghəm nɨ mə wɨə kàŋə̀ zəə ŋgəʼ ɨŋga ɨwid wɔ̂.'

Lk 19:27

À yeʼ ɨmbə̀ʼ mbɨ bə̂d pə̀n mbɔ̂ nɨ chəi mbɨ nyaʼa kəb ni mə tumbɨ mɨ̀mə̌d, mbə nɨŋ mɨ̀mə̌d yeʼe əgha, zwiirɨ mɨ̀mə̌d ənɨ mɨ ɨfě.'”

Lk 21:26

Bə̂d bɨrɨ gu nə̀ŋ ɨmbə̀ʼ ɨbɔɔ fɔrɨ ɨmbə̀ʼ ɨkɔndɨ ɨmbə̀ʼ ɨnû mbe nɨ bɨrɨ yeʼe ɨgwɨ ɨsɨg, ɨmbə̀ʼ ɨghəm nɨ Ŋwìə̀ bɨrɨ chɨ ɨzwî mbe nɨ yeʼ ɨkaŋ.

Lk 23:30

Əne mbɨ bɨrɨ kɔ ghǎ əmbɨ rɨwum kyeŋ ni, 'Mbə̀ su ɨgwɨ na,' bə̀ ghà əmbɨ rɨwum kwa ni, 'Mbə̀ kubrɨ əwa.'

Jn 5:29

əne jwɨ̀ rɨŋga mbə mɨ̀sì. Bə̂d mbe nɨ nyaʼə ghɨ̀ ɨnû chɔ̀m bɨrɨ zwemə jɨg ɨ̀tènɨ̀, àyɨə mbe nɨ nyaʼə ghɨ̀ ɨnû rɨbɔ̀ŋ bɨrɨ zwemə Ŋwìə̀ zɨ̀ ɨsaʼi ɨgwɨ mɨ̀mə̌d.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 12:29

ɨmbə̀ʼ ɨghəm nɨ a Ŋwiə̀ yɨ ɨwid nɨə tɔn ɨghɨ.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 9:27

Ɨchî nɨ Ŋwìə̀ nyaʼa fə nuŋ ni wə̀d ə berɨ kwɨ ɨghəm we mɔʼ, à sɨ əwu rənjìm wɨ̀ saʼ əməd,

Jems 5:3

Gôl mbɨ ə sɨrɨvà we nɨ mbə̀ berɨ fə bèŋ ənɨ ɨghɨ əko. Ɨghɨ mbɔ̂ nɨ beŋ ənɨ ɨghɨ əko bɨrɨ yeʼ ənweenɨ ɨ nən ni mbə mbɨə ghɨ̀ əjə. Mbɔ̂n ze bɨrɨ tɔn əwən ɨchî nɨ ɨwid ə tɔ̀n ə wə̀d. Mbə fə fetɨ mbɔ̂n nùŋ ɨŋga ɨni mbɔ̂ nɨ sɨ nwìə̀.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.