Mə̀Hibrù 10:10 - Meta’

¹⁰ Ɨchî nɨ Yeso Kristo nyaʼa ghɨ ənû ze nɨ Ŋwìə̀ nyaʼa kə̀bɨ, Ŋwìə̀ fə che ənjìm məd zeŋnɨ əwa tɨ ənɨ mba ɨnû rɨbɔ̀ŋ. Kristo nyaʼa ghɨ̀ əne ɨchî nɨ wɨ̀ nyaʼa naʼ i ɨnyod ənɨ əghɨ ə̀fà fən ɨghəm mɔʼ.

Ikan feg

¹⁰ Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.

Mə̀Hibrù 10:10 교차 참조

Jn 17:19

Mə fə sweŋ mɨ ɨnyod ɨ ne ɨmbə̀ʼ ɨghəm mɨ̀mə̌d, ɨmbə̀ʼ mbɨ bə kàŋ sweŋ ə ɨnyod ɨ ne ənjìm e ɨŋgam we nɨ yeʼ ɨŋgam rəsìʼ.

Jn 19:34

Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Mə̀Hibrù 10:12

Àyɨə ənɨ Kristo nyaʼa naʼ əghɨ ə̀fà fən ɨghəm mɔʼ ɨmbə̀ʼ nimnɨ ɨnû rɨbɔ̀ŋ, wɨ̀ nyaʼa chub əbà əbɔ ə jɨg ə Ŋwiə̀.

Mə̀Hibrù 10:14

Ənjìm əghɨ ə̀fà ə mɔʼ, wɨ̀ fə zeŋnɨ bə̂d Ŋwiə̀, mbɨ bɔ̀ŋ màànɨ̀ koŋ.

Mə̀Hibrù 10:20

Wɨ̀ nyaʼa chè ənjìm ə ngywɨ̌ ze nɨ mbɨ nyaʼa tam fiʼ ɨnə̂njɨ̀ fi ɨ na ni tɨ̀ che əŋgu jɨg ɨ̀tènɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kwɨ ɨmbə̀ʼ əwa.

Mə̀Hibrù 10:29

Zɨə nɨə yeʼ əne, njɨ mbə kɔn əzən ni à kɨ ɨkwɨ ɨchə nɨ kaanɨ rɨ ye nɨ tɨ̀ mbɨ nàʼ əmbɨ ə wə̀d we nɨ təənɨ Wan Ŋwìə̀, tìbrɨ̀ ənəm ze nɨ mbɨ nyaʼa nɨŋ san fɨso fe nɨ nyaʼa zeŋnɨ əməd, bə̀ zɔ̀m Əzwî ə Ŋwiə̀ ze nɨə ghɨ̀ ɨ̀chɔ̀m ənɨ ə na ə?

Mə̀Hibrù 10:5

À yɨ əton nɨ ənɨ Yeso nyaʼa wo yeʼe ɨŋga ɨsɨg, wɨ̀ nyaʼa ghà ni, “Chəi à kəb ɨghɨ ə̀fà mbɨ ɨghɨ mbe nɨ mbɨə chəmnɨ əwe əŋgu. À fə tekɨ yeʼ nyamnyod nàʼ ɨ num.

Mə̀Hibrù 13:12

À yɨ ɨchî nɨ Yeso nyaʼa bə zə ŋgəʼ ənjìm ɨkam ɨmbə̀ʼ bə̂d zeŋ ənjìm ənəm əməd.

Mə̀Hibrù 2:11

Məd we nɨə zeŋnɨ ə bə̂d mbɨ ə bə̂d mbe nɨ mbɨ zeŋnɨ mɨ̀mə̌d, berɨ àmei mbǎʼ mɔʼ. À yɨ əton nɨ chəi ətu əməd ə nìd nɨ tɔŋ mɨ̀mə̌d ni mbɨ yɨ mbi bɔŋgɔb.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

Mə̀Hibrù 7:27

Chəi wɨ̀ berɨ əton, ɨghabɨ ɨtu cherə ɨgwɨ ə bə̂d mbàn Ŋwìə̀, nɨ naʼ ɨghɨ ə̀fà ɨni jìm, rɨtu ɨgwɨ mbi ɨnû rɨbɔ̀ŋ, beenɨ mbɨ bə̂d cherə. Wɨ̀ nyaʼa fə ghɨ̀ əne fən ɨghəm mɔʼ. Əne yɨ ənɨ wɨ̀ nyaʼa naʼ i ɨnyod ənɨ əghɨ ə̀fà.

Mə̀Hibrù 9:12

Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 5:6

Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.