Mə̀Hibrù 1:2 - Meta’

² Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Ikan feg

² Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Mə̀Hibrù 1:2 교차 참조

Matìyò 13:39

Wə̀d pə̀n we nɨ nyaʼa kon ɨfu we yɨə Debɨ̀rə̀. Mbɨ bɨrɨ kwəŋ ɨghɨ mbe ənɨ ɨsɨg bɨrɨ nwìə̀. Bə̂d mbe nɨ bɨrɨ kwəŋ ɨghɨ mbe yɨ mbɨ̀aŋgɨrə̀.

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 21:38

“Àyɨə ənɨ bə̂d mbe nɨ nyaʼa yim mbeŋ ze nyaʼa zə wan məd, mbɨ nyaʼa ghà mbənə mbənə ni, 'À yɨ əjɨnəb məd wɔ̂. Mbə̀ yeʼe tɨ̀ zwiirɨ əməd ɨmbə̀ʼ jɨg ɨghɨ məd.'

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Mk 12:6

Mbaŋə̀ ze nyaʼa kɨrɨ berɨ wə̀d cherə mɔʼ, nɨ nyaʼə wan məd nɨ wɨ̀ nyaʼa ghaʼi kwàʼ rɨŋgəʼ. Wɨ̀ nyaʼa sɨ nwìə̀ chà we əmbɨ mɨ̀mə̌d, ghàə̀ ni, 'Mbɨ bɨrɨ wumnɨ mɨ wan.'

Mk 12:7

Àyɨə bə̂d mbe nɨ nyaʼa yim mbeŋ ze nyaʼa ghà mbənə mbənə ni, 'À yɨ əjɨnəb məd wɔ̂. Mbə yeʼe tɨ̀ zwiirɨ əməd, ɨmbə̀ʼ ɨghɨ mbɔ̂ sɨ yeʼ mba.'

Jn 1:10

Ɨŋgam we wɨə nyaʼa i ɨŋga ɨsɨg, əne Ŋwìə̀ nyaʼa chè ənjìm məd tekɨ ɨsɨg, àyɨə chəi bə̂d rɨŋga ɨsɨg nyaʼa kyerɨ wə̀d we nɨ məd nyaʼa wɨwən.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:3

Ŋwìə̀ nyaʼa chè ənjìm məd tekɨ ɨghɨjìm. Chəi əghɨ ə mɔʼɔ ə mɔʼ nɨ Ŋwìə̀ nyaʼa tekɨ nɨ chəi wɨ̀ nyaʼa chè ənjìm məd bɔŋ tekɨ.

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 13:32

Mbɨ mɨ fə wumnɨ ə Ŋwiə̀ ənjìm məd, əne yɨ ni Ŋwìə̀ bɨrɨ bɨ wumnɨ əməd ənjìm ɨnû mbe nɨ wɨə ghɨ̀ə̀. Wɨ̀ bɨrɨ ghɨ əne kwàʼ àmei rɨ̀nîn.

Jn 15:15

Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Jn 16:15

Ɨghɨjìm mbe nɨ mɨ Mbǎʼ berɨ yɨ mbum. À yɨ əton nɨ mə̀ gha ni Əzwî ə bɨrɨ nɨŋ ɨnû mbe nɨ mə̀ gha ɨ bɔ ghà ɨ nən.”

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 3:25

Mə̀mə̀ə̀nɨ̀-ɨnû Jɔ̌n mbɨ ə Jû mɔʼɔ nyaʼa kɔ taŋ ɨmbə̀ʼ ənû nɨ so ɨnyod bə̀ sò ɨghɨ bɔŋ wumnɨ ə Ŋwiə̀.

Jn 5:26

Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Jn 5:27

Mbǎʼ fə bə̀ nàʼ ɨka ɨ bɔ ni wɨ̀ saʼ bə̂d, ɨmbə̀ʼ ɨghəm nɨ məd yɨə Wan Wə̀d.

Jn 9:29

Tɨ̀ kyerɨ ni Ŋwìə̀ nyaʼa ghàm əmbɨ Mose, à yeʼ ɨmbə̀ʼ mbaŋə̀ zɔ̂, chəi tɨ̀ kyerɨ əsɨ ze nɨ wɨ̀ nɔʼ rəŋgu.”

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 2:17

Ŋwìə̀ ə ghà ni, ɨŋga ɨni mbe nɨ sɨ nwìə̀, mə bɨrɨ cha mɨ Əzwî ɨgun ə bə̂d mɨjìm. Mbə bɔn mbaŋə̀ mbɨ mbə bɔn məyi bɨrɨ gha mɨ ɨkə̂n. Mbə ɨjɔŋ bɨrɨ zə tɨ̀taanɨ njə̀m. Njə̀m bɨrɨ chè tə mbaŋə̀ te nɨ fə nunə.

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

1 Kɔrèn 2:7

Tɨ̀ wɨə ghàmə̀ yeʼ ɨmbə̀ʼ ɨwe we nɨ Ŋwiə̀ ə nàʼə̀. Ɨwe we wɨ ənə̀mə, nɨ chəi bə̂d kyerɨ, nɨ bɔŋ Ŋwìə̀ nyaʼa sɨə tekɨ ɨsɨg, wɨ̀ nyaʼa fə ghà ni tə bɨrɨ che ənjìm ɨwe we nàʼ ɨwumnɨ ɨ na.

1 Kɔrèn 8:6

àyɨə ɨ na, Ŋwìə̀ mei we mɔʼ, nɨ yeʼ Mbǎʼ. Ɨghɨjìm yɨ rɨ ɨ bɔ. Tɨ̀ wɨ ɨka ɨmbə̀ʼ əməd. Tɨ̀ bə̀ berɨ Ə̀nùŋɨ̀sɨg mɔʼ, nɨ yeʼ ə Yeso Kristo. Ŋwìə̀ nyaʼa tekɨ ɨghɨjìm ənjìm məd. Tɨ̀ wɨə bə̀ ɨka ɨmbə̀ʼ əməd.

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Efesùs 3:9

Wɨ̀ nyaʼa bə̀ chɔʼ əmɨ ni mə̀ ghɨ wə̀d jìm kyerɨ ənû zɔ̂ nɨ yeʼ ənə̀mə, nɨ Ŋwìə̀ we nɨ nyaʼa tekɨ ɨghɨjìm, nyaʼa nə̀m ɨŋga i fîŋ tɨ ənɨ wɨ̀ nyaʼa tekɨ ɨsɨg.

Mə̀Hibrù 1:5

À kɨ əmbɨ aŋgɨrə̀ wi nɨ Ŋwìə̀ nyaʼa kweʼ gha ɨ bɔ ni, “Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ ə”? Kɨ̀ à kɨ̀ əmbɨ aŋgɨrə̀ wi nɨ wɨ̀ nyaʼa gha ɨ bɔ ni, “Mə bɨrɨ yeʼ Mbǎʼ məd, məd bɨrɨ yeʼ mɨ Wan ə”?

Mə̀Hibrù 1:8

Àyɨə wɨ̀ nyaʼa ghà ɨmbə̀ʼ i Wan ni, “À bɨrɨ chub ɨgun e ətən ɨfɔ̀n koŋ koŋ, kyɨə Ŋwiə̀. À wɨə tùmbɨ̀ə̀ mbe bə̂d ɨchî nɨ kuʼnɨ.

Mə̀Hibrù 11:3

À yɨ ənjìm ɨbenɨ nɨ tɨ̀ kyerɨ ni Ŋwìə̀ nyaʼa tekɨ ɨsɨg àmei ənɨ i ɨŋgam. Əne yɨ ni wɨ̀ nyaʼa tekɨ ɨghɨ mbe nɨ tɨə zəə tɨ ənɨ mbe nɨ chəi tɨə zəə.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Mə̀Hibrù 5:8

Kaʼ wɨ̀ bè yeʼi Wan Ŋwìə̀, wɨ̀ nyaʼa kwembɨ ənû nɨ zuunɨ ə Ŋwìə̀ ɨchî nɨ wɨ̀ nyaʼa zə ŋgəʼ.

Mə̀Hibrù 7:28

Tɨkə rɨ Mose nyaʼa chwiə ni mbɨ chɔʼ bə̂d nɨ tɨ̀ mbɨ nyaʼa gù ənû ənɨ ɨtu ɨgwɨ ə bə̂d mbàn Ŋwìə̀, àyɨə ɨŋgam we nɨ Ŋwìə̀ nyaʼa kaʼa kàn, nɨ nyaʼa sɨ beenɨ rənjìm tɨkə te, nyaʼa chɔʼ Wan nɨ Ŋwìə̀ fə ghɨ wɨ̀ zeŋ màànɨ̀ koŋ.

Mə̀Hibrù 7:3

Chəi mbɨ ŋwaʼnɨ ɨmbə̀ʼ mbǎʼ məd, ɨmbə̀ʼ ɨŋgɔb məd kɨ̀ ɨmbə̀ʼ ɨnəbɨ məd. Chəi mbɨ ŋwaʼnɨ ɨmbə̀ʼ ɨchî nɨ mbɨ nyaʼa gywɨ əməd kɨ̀ ɨmbə̀ʼ ɨchî nɨ wɨ̀ nyaʼa kwɨ, àyɨə ɨchî nɨ wɨ̀ nyaʼa ɨghabɨ ə Wan Ŋwìə̀, wɨ̀ yɨə wə̀d mbàn Ŋwìə̀ koŋ.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”