Lk 9:51 - Meta’

⁵¹ Ənɨ ɨni nyaʼa sɨə tiinə nɨ Ŋwìə̀ nyaʼa wo nɨŋ ə Yeso ɨkaŋ, wɨ̀ nyaʼa nuŋ ɨŋga i fîŋ ni tə berɨ wo ə Jèrusalèm.

Ikan feg

⁵¹ Ane nyùmə̀ ya se tìnde abə Ŋwiye ni ghì gha Yeso yeʼe ikaŋ, Yeso ya nɔ̀ŋì inga fìŋ ni ghò a Jèrusalèm.

Lk 9:51 교차 참조

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Lk 12:50

Mə bɨrɨ nɨŋ mɨnib mɔʼɔ, əne chəi mɨ fîŋ bɨrɨ chub ənɨ əbɔrəbɔd pè ənɨ mə fə maanɨ!

Lk 13:22

Ənɨ Yeso nyaʼə wò ə Jèrusalèm, wɨ̀ nyaʼa chè ɨŋga ɨsɨ kyeŋ bə̀ chè ɨŋga mbɨ kwa. Wɨ̀ nyaʼə yènə̀ chwi ɨnû.

Lk 17:11

Ənɨ Yeso nyaʼə wò ə Jèrusalèm, wɨ̀ nyaʼa chè ɨŋga mɨgharə̀ Sàmàriyà mbɨ Galiliî.

Lk 18:31

Yeso nyaʼa nɨŋ mə̀mə̀ə̀nɨ̀-ɨnû mbe wum chɔ̀b rɨ̀be mbɨ tindɨ ɨban ɨban. Əne wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm, əne ɨnû jìm mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ɨmbə̀ʼ Wan Wə̀d bɨrɨ jwɨ ənɨ rəsìʼ.

Lk 19:11

Ənɨ bə̂d mbe nyaʼə zwetɨ ənû ze, Yeso nyaʼa wò ɨmbì ghà ənû ə mɨgɨ əmbɨ mɨ̀mə̌d, ɨmbə̀ʼ ɨghəm nɨ mbɨ nyaʼa fə sɨə tiinɨ ɨban ə Jèrusalèm. Wɨ̀ nyaʼa bə̀ ghà ɨmbə̀ʼ ɨghəm nɨ bə̂d mɔʼɔ mbɨə nyaʼə kɔndɨə ni ənû ɨfɔ̀n ə Ŋwiə̀ bɨrɨ yeʼe əwu əwən.

Lk 19:28

Yeso nyaʼa ghà əne, chè ɨmbì kɔ kɔʼə wò ə Jèrusalèm.

Lk 24:51

Ənɨ wɨ̀ nyaʼə zɨ əbɔrəbɔd ze əne, wɨ̀ nyaʼa sàŋ mɨ̀mə̌d, Ŋwiə̀ nɨŋ əməd ɨkaŋ.

Lk 9:57

Ənɨ Yeso mbɨ mbi mə̀mə̀ə̀nɨ̀-ɨnû nyaʼə yèn ɨgwɨ ɨnə̂njɨ̀, wə̀d mɔʼɔ nyaʼa ghà ɨ bɔ ni, “Mə bɨrɨ beenɨ əbɔʼ ne ɨsɨ jìm mbe nɨ àwɔ̀ ə wò əŋgu.”

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 16:28

Mə nyaʼa nɔ̀ʼ rɨ əsɨ Mbǎʼ bɔŋ yeʼe ɨŋga ɨsɨg. Tɨ̀nîn mə wɨə sàŋ ɨsɨg wɨrɨə wò əsɨ Mbǎʼ.”

Jn 16:5

Tɨ̀nîn mə wɨə wò əsɨ wə̀d we nɨ nyaʼa tom əmɨ, àyɨə chəi wə̀d mɔʼɔ rəbɔʼ nən biirɨ ɨ num ni, 'À kɨə wò ə yi ə?'

Jn 17:11

Tɨ̀nîn mə wɨə sàŋ ɨsɨg sɨə yeʼe əsɨ ne. Àyɨə mɨ̀mə̌d mbɨə kɨrɨ ɨŋga ɨsɨg. Mɨ Mbǎʼ nɨ Zeŋɨ màànɨ̀, nəŋgɨ mɨ̀mə̌d ənɨ ɨka we nɨ yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Nəŋgɨ mɨ̀mə̌d ɨmbə̀ʼ mbɨ yeʼ ənɨ ənû ə mɔʼ, ɨchî nɨ mɔ̌ mbɨ ne tɨ̀ bə̀ yeʼ ənɨ ənû ə mɔʼ.

Jn 6:62

Mbə̀ kɨə wo ghɨ ye ənɨ mbə̀ zə Wan Wə̀d ənɨ wɨə wò ɨkaŋ əsɨ nɨ wɨ̀ nyaʼa bè əŋgu ə?

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Ɨ̀fàʼì 1:9

Ənɨ wɨ̀ nyaʼa fə gha əne, ənɨ bə̂d tom mbe nyaʼə kɨrɨ nèŋə̀, Ŋwìə̀ nyaʼa nɨŋ əməd ɨkaŋ. Pàʼ nyaʼa kən mɨ̀mə̌d ni tɨ mbɨ zə əməd.

Efesùs 1:20

wɨ̀ nyaʼa faʼ mbɨ wɨwən ənɨ wɨ̀ nyaʼa zwemnɨ ə Kristo, ghɨ wɨ̀ chub əbà əbɔ ə jɨg əməd ɨŋga ɨsɨ mbe nɨ yeʼ ɨkaŋ.

Fìlipì 3:14

Mə wɨə kywɨ ənywɨ wò pe ənɨ ɨnwǐ ɨmbə̀ʼ berɨ ɨneʼe we nɨ Ŋwìə̀ che ənjìm ə Kristo Yeso nuŋ ɨ num ɨkaŋ.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 6:20

nɨ yeʼ əsɨ ze nɨ Yeso nyaʼa nyɨ ɨŋga ɨmbə̀ʼ əwa. Məd fə sɨ ətu ɨgwɨ ə bə̂d mbàn Ŋwìə̀ koŋ ənɨ ɨwaŋ Mèlkizedèk.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.