Lk 9:48 - Meta’

⁴⁸ ghà əmbɨ mə̀mə̀ə̀nɨ̀-ɨnû mbe ni, “Wə̀d mɔʼɔ we nɨ nɨŋ wan kwa ɨghabɨ wɔ̂ ənɨ mɨ ɨkum, fə bə̀ nɨŋ əmɨ. We nɨ nɨŋ əmɨ fə bə̀ nɨŋ wə̀d we nɨ nyaʼa tom əmɨ. Əne we nɨ yeʼ wɨ kwa əkaʼ mbə̀n mbɔ̂ mɨ̀jìm, yɨ we nɨ yeʼ wɨ kyeŋ.”

Ikan feg

⁴⁸ Wì si ghà inɔb gha, “Wə̀d ne niŋi ŋwan kwa kwa gho̰ gha à ya mo cha, tengàŋ fə niŋ amə. Wə̀d ne niŋi amə, wì fə bə̀ niŋ wə̀d we ne cha amə.” Mbə̀ kyeri gha à ya wə̀d kwa kwa yaʼi ìwi kyen abɔ̀ʼ inən mbə̰ məjìm.

Lk 9:48 교차 참조

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Matìyò 18:14

Əne kaʼ à yɨə bəi ɨkɔndɨ mɨ Mbǎʼ we nɨ yeʼ ɨkaŋ ni wan kwa mɔʼɔ rəbɔʼ mbɔ̂ nim.

Matìyò 19:28

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, ənɨ Wan Wə̀d bɨrɨ chub ɨgun e ətən ɨfɔ̀n ɨŋga ɨsɨg fi, mbə̀n mbɔ̂ nɨə beenɨ əbɔʼ num bɨrɨ bɨ chub ɨgun ɨtən ɨfɔ̀n wum chɔ̀b rɨ̀be, ɨ saʼ mɨnəbɨ mɨ̀Izre mbe wum chɔ̀b rɨ̀be.

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 25:45

Wɨ̀ bɨrɨ wiirɨ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ chəi mbə̀ nyaʼa ghɨ ɨnû mbɔ̂ ənɨ wɨ kwa mɔʼɔ rəbɔʼ mbɔ̂, əne chəi mbə̀ nyaʼa bə̀ ghɨ̀ ənɨ ə num.'

Mk 9:37

“Wə̀d mɔʼɔ we nɨ nɨŋ wan kwa mɔʼɔ ɨghabɨ wɔ̂ ənɨ mɨ ɨkum, fə bə̀ nɨŋ əmɨ. Wə̀d mɔʼɔ we nɨ nɨŋ əmɨ, kaʼ i wɨ nɨŋ əmɨ, wɨ nɨŋ yeʼ wə̀d we nɨ nyaʼa tom əmɨ.”

Lk 10:16

“Wə̀d mɔʼɔ we nɨ zu ənû ze nɨ mbə̀ gha, fə bə̀ zu əze nɨ mə gha. We nɨ ton əwən, fə bə̀ ton əmɨ. We nɨ ton əmɨ, fə bə̀ ton wə̀d we nɨ nyaʼa tom əmɨ.”

Lk 14:11

ɨmbə̀ʼ ɨghəm nɨ wə̀d jìm we nɨ nɔ i ɨnyod, Ŋwìə̀ bɨrɨ swi əməd, we nɨ swi i ɨnyod, Ŋwìə̀ bɨrɨ nɔ əməd.”

Lk 22:26

Àyɨə tɨ̀ zɨə yeʼi əne mbɨ nən. Zɨə bɔŋ ni we nɨ yeʼ wɨ kyeŋ əkaʼ nən berɨ yeʼ ɨghabɨ wɨ kwa. We nɨə chà əwən bə̀ yeʼ ɨghabɨ wə̀d ə̀fàʼì.

Lk 22:30

ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Lk 7:28

Mə ghà ɨ nən ni, rəbɔʼ bə̂d mɨ̀jìm mbe nɨ məyi gywɨ, chəi wɨ mɔʼɔ əŋgu nɨ dabə chè ə Jɔ̌n. Àyɨə we nɨ kə chè mbɨ mɨjìm ɨŋga ənû ɨfɔ̀n ə Ŋwìə̀ ə dabə chè əməd.”

Jn 13:20

Mə ghà rəsìʼ ɨ nən ni wə̀d mɔʼɔ we nɨ nɨŋ wə̀d we nɨ mə̀ tomɨ fə bə̀ nɨŋ əmɨ. We nɨ nɨŋ əmɨ, fə bə nɨŋ wə̀d we nɨ nyaʼa tom əmɨ.”

Jn 14:21

“Wə̀d we nɨ ghaʼ əmɨ yɨ we nɨə zuə tum rɨkə bə̀ nùŋə̀. Mɨ Mbǎʼ bɨrɨ ghaʼ wə̀d we nɨə ghaʼə əmɨ, mə bɨrɨ bɨ ghaʼ əməd bə̀ chwi mɨ ɨnyod ɨ bɔ.”

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

1 Pità 5:6

Əne mbə swi ə ɨnyod əton ɨka Ŋwiə̀, ɨmbə̀ʼ nyùmə̀ mɨ nɨə kuʼə wɨ̀ nɔ̀ɔ̀rɨ̀ əwən.

Ɨnû 21:14

Ə̀gùʼ ɨkam ze rɨ əsɨ ze nyaʼa berɨ əti əchɨ ə nəb wum chɔ̀b rɨ̀be. Mbɨ nyaʼa ŋwàʼnɨ̀ rɨkum bə̂d tom Wan njɨ̀g mbe wum chɔ̀b rɨ̀be ɨgun əti ze.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.