Lk 9:42 - Meta’

⁴² Ənɨ wan we nyaʼə yènə̀ yeʼe, əzwî rɨbɔ̀ŋ ze nyaʼa yim əməd tum ə si, kɔ chiʼ əməd. Àyɨə Yeso nyaʼa gham əbɔʼ əzwî rɨbɔ̀ŋ ze, vɨ̀ wan we, wɨrɨ naʼ əmbɨ mbǎʼ məd.

Ikan feg

⁴² Kwàʼ icheg ne ŋwan mbaŋà we yaya kiri gho gho abə Yeso, azwighi tibɔ̀ŋ ze ya ywìrì gwì tum aseg, wì se bìnde krìg krìg krìg. Si ya gha, Yeso ya kyen abə azwighi tibɔ̀ŋ ze gha ze che du inga məd. Wì ya bə̀ ghù ŋwan we, si ghà abə mbaʼ məd gha, “Niŋ ìwe ŋwan.”

Lk 9:42 교차 참조

Mk 9:20

Mbɨ nyaʼa nɨŋ wan mbaŋə̀ we wò nàʼ ɨ bɔ. Ənɨ əzwî rɨbɔ̀ŋ ze ə nyaʼa zə ə Yeso, zɨə nyaʼa chìʼ wan we əwu əwən, wɨ̀ gù ə si, biŋgə, tɨjo kɔ jwɨ rɨ ɨchû.

Lk 7:15

Mbaŋə̀ ze nɨ nyaʼa kwɨ nyaʼa nɔ̀ʼ chubɨ kɔ ghamɨ. Yeso nyaʼa nàʼ əməd əmbɨ ɨŋgɔb məd.

Lk 9:39

Əzwî rɨbɔ̀ŋ ə zɨə yim əməd wɨ̀ sàʼə̀ kyeŋə rɨ̀kǎ. Ə zɨə gywɨ̀ əməd tum ə si, bə̀ ghɨ̀ rɨjo jwɨ̀ rɨ ɨchû məd. Əzwî ze ə zɨə chə əməd kwàʼ rɨŋgəʼ. Chəi zɨə ghaʼ nɨ kɨə sàŋ əməd!

Lk 9:41

Yeso nyaʼa wììrɨ̀ ni, “Chəi ɨghəm bə̂d wɔ̂ tɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼnɨ. Mə kɨə wo chubɨ mbɨ nən, kɨ̀ bè yim fîŋ mbɨ nən ənɨ əgha nɨ sa rɨ ye ə?” Ənɨ wɨ̀ nyaʼa ghɨ̀ əne, wɨ̀ nyaʼa ghà əmbɨ mbaŋə̀ ze ni, “Nɨŋ e wan yeʼe əgha.”

Lk 9:43

Bə̂d mbe mɨjìm nyaʼa yiirɨ ɨchî nɨ mbɨ nyaʼa zə ɨka Ŋwiə̀. Ənɨ bə̂d mbe nyaʼə kɨrɨ yiirɨ ɨnû jìm mbe nɨ Yeso nyaʼa ghɨ̌, wɨ̀ nyaʼa ghà əmbɨ mbi mə̀mə̀ə̀nɨ̀-ɨnû ni,

Jn 6:19

Ənɨ mbɨ nyaʼa fə tin əbaŋ ze ɨghabɨ mɨ̀kilometà mɨ̀tân kɨ ɨghabɨ mɨ̀kilometà rɨ̀fuə, mbɨ nyaʼa zə ə Yeso nɨ nyaʼə yènə̀ yeʼe ɨgun ə sà ze. Ɨ wɨə nyaʼə yèn ɨban əbaŋ ze. Ənɨ mbɨ nyaʼa zə əməd, mbɨ nyaʼa bɔ kwàʼ rɨŋgəʼ.

Ɨ̀fàʼì 9:41

Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

Ɨnû 12:12

Əne ɨkaŋ mbɨ wə̀d jìm we nɨ yeʼ ɨkaŋ, mbə̀ ghaʼ əwən! Àyɨə ŋgəʼ kyeŋ bɨrɨ nyɨ ɨgwɨ nən, àwɔ̀ si mbɨ rɨ̀bàà, ɨmbə̀ʼ ɨghəm nɨ Debɨ̀rə̀ we fə swiʼi yeʼe əsɨ nən mbɨ ɨsə ɨtəm kyeŋ. Wɨ̀ kyerɨ ni i nyùmə̀ fə tumnə!”