Lk 9:2 - Meta’

² Wɨ̀ nyaʼa tom mɨ̀mə̌d ni mbɨ wo yènə̀ ghà ɨmbə̀ʼ ənû ɨfɔ̀n ə Ŋwiə̀, bə̀ yènə̀ vɨ̀ə̀ bə̂d əwɔn.

Ikan feg

² Wì ya tɔm awɔb gha mbe gho nè chètè anug ìfɔ̀n Ŋwiye bə̀ ghù bəd ne ghɔ̰̀.

Lk 9:2 교차 참조

Matìyò 10:5

Yeso nyaʼa tom bə̂d mbɔ̂ wum chɔ̀b rɨ̀be ghà əmbɨ mɨ̀mə̌d ni, “Tɨ mbə̀ wo əwən əkaʼ bə̂d mbe nɨ kaʼi mɨ̀Jû, kɨ̀ bè wò nyɨ ɨŋga əsɨ ə mɔʼɔ ə Sàmàriyà.

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 24:14

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Mk 6:12

Ənɨ wɨ̀ nyaʼa tom mɨ̀mə̌d əne, mbɨ nyaʼa jwɨ̀ wò ghà ni bə̂d mɨ̀jìm beŋ tə fîŋ.

Lk 10:1

Ənɨ mbɨ nyaʼa maanɨ rɨ əwɔ, Ə̀nùŋɨ̀sɨg nyaʼa chɔʼ bə̂d ɨwum sambe chɔ̀b rɨ̀be, əne tom mɨ̀mə̌d mɨbe mɨbe ni mbɨ wo ɨmbì ɨ bɔ ɨŋga ɨsɨ jìm mbe nɨ məd ziə nyaʼa berɨ wo əŋgu.

Lk 10:11

'Ka àbei əgywɨ rɨŋga əsɨ zɔ̂ ɨ nən nɨ tɨ̀ beʼ ənɨ mba ɨwu, tɨ̀ fə kud əbɔʼ nən. Əzɔ̂ yɨ ənweenɨ ni mbə fə ton ɨkə̂n chɔ̀m. Àyɨə mbə kyerɨ ənû zɔ̂ ə mɔʼ ni ənû ɨfɔ̀n ə Ŋwiə̀ fə tiinɨ.'

Lk 10:9

Mbə̀ vɨ bə̂d əwɔn ɨŋga əsɨ ze, bə̀ ghà əmbɨ ə bə̂d mbe rɨŋga əsɨ ze ni, 'Ənû ɨfɔ̀n ə Ŋwiə̀ ə fə tiinɨ!'

Lk 16:16

“Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Lk 9:11

Ənɨ mɨnɔ̂n bə̂d mbe nyaʼa zu ni ɨ wɨ əŋgu, mbɨ nyaʼa beenɨ əbɔʼ məd. Wɨ̀ nyaʼa nɨŋ mɨ̀mə̌d, ghà ɨmbə̀ʼ ənû ɨfɔ̀n ə Ŋwiə̀ əmbɨ mɨ̀mə̌d bə̀ vɨ̀ bə̂d mbe nɨ nyaʼa wo ni wɨ̀ vɨ mɨ̀mə̌d.