Lk 9:12 - Meta’

¹² Ənɨ əfub ə nyaʼa sɨə bɨ̀gə̀, mə̀mə̀ə̀nɨ̀-ɨnû mbe wum chɔ̀b rɨ̀be nyaʼa wò gha ɨ bɔ ni, “Gha ɨnɔ̂n bə̂d wɔ̂ wo ɨŋga ɨsɨ mbe nɨ yeʼ ɨban ɨban, bə̀ wò ɨŋga mbeŋ ɨmbə̀ʼ mbɨ kəb ɨghɨ mɔʼɔ jɨg bə̀ kə̀b ɨsɨ nɨ ni əŋgu, ɨmbə̀ʼ ɨghəm nɨ tɨ̀ wɨ əgha əsɨ nɨ chəi bə̂d əŋgu.”

Ikan feg

¹² Anyumə̀ ne ituʼ ya se fḭ̀yḛ, mə̀mə̀nənùg mbe ìghum chɔ̀b ibe ya ghà ibo gha, “Àghò kyèri gha tì ya aŋa inga asiŋi zɔbi, ane, cha bəd mbo̰ mbe gho inga iben fɔrɔ inga isiŋi mbe ne yaʼi iban iban. Mbe gho kə̀b tijəg fɔrɔ asiŋi ni neg.”

Lk 9:12 교차 참조

Matìyò 14:13

Ənɨ Yeso nyaʼa zu ənû ze nɨ mbɨ nyaʼa ghɨ̌ ənɨ Jɔ̌n, wɨ̀ nyaʼa nɔ̀ʼ rɨ əsɨ ze ɨŋga əbaŋ ɨgyɨ̀, wò rə̀zìʼ wi əsɨ nɨ chə nyaʼa i bə̂d əŋgu. Ənɨ mɨnɔ̂n bə̂d mbe nyaʼa zu ni wɨ̀ fə nɔ̀ʼ rɨ əsɨ ze, mbɨ nyaʼa bə̀ nɔ̀ʼ rɨŋga mbə ɨsɨ beenɨ əbɔʼ məd ɨwu.

Matìyò 15:23

Chəi Yeso nyaʼa wiirɨ ənû ə mɔʼɔ ɨ bɔ. Mə̀mə̀ə̀nɨ̀-ɨnû ɨməd nyaʼa wò buʼ ɨbɔ ɨ bɔ ghà ni, “Gha əyi wɔ̂ wo i, ɨmbə̀ʼ ɨghəm nɨ ɨ wɨə yènə̀ ja ɨsɨ ənjìm na.”

Matìyò 15:32

Yeso nyaʼa tɔŋ mbi mə̀mə̀ə̀nɨ̀-ɨnû əsɨ ni ghà ni, “Mə wɨə kàŋə̀ kə̀n ɨmbə̀ʼ ɨnɔ̂n bə̂d wɔ̂, ɨmbə̀ʼ ɨghəm nɨ mbɨ fə chubɨ mbɨ num ɨni tad, əne chəi mbɨ wɨrɨ berɨ əghɨ mɔʼɔ nɨ tɨ̀ mbɨ jɨg. Chəi mə̀ kə̀b ni mbɨ nɔʼ rɨ əgha njì, njɨ mbɨ bɨrɨ gu ɨnə̂njɨ̀ nə̀ŋə̀.”

Lk 9:11

Ənɨ mɨnɔ̂n bə̂d mbe nyaʼa zu ni ɨ wɨ əŋgu, mbɨ nyaʼa beenɨ əbɔʼ məd. Wɨ̀ nyaʼa nɨŋ mɨ̀mə̌d, ghà ɨmbə̀ʼ ənû ɨfɔ̀n ə Ŋwiə̀ əmbɨ mɨ̀mə̌d bə̀ vɨ̀ bə̂d mbe nɨ nyaʼa wo ni wɨ̀ vɨ mɨ̀mə̌d.

Lk 9:13

Wɨ̀ nyaʼa ghà əmbɨ mɨ̀mə̌d ni, “Mbə naʼ əghɨ ə mɔʼɔ əmbɨ mɨ̀mə̌d ni mbɨ jɨg.” Mbɨ nyaʼa wììrɨ̀ ɨ bɔ ni, “Tɨ̀ berɨ àmei chiŋ ŋgə̀ŋ rɨ̀tân mbɨ əgwi ə be, kɨrɨ ni tɨ̀ wò zon ɨghɨjɨg əmbɨ ɨnɔ̂n bə̂d wɔ̂ jìm.”

Jn 6:1

Ənɨ ə nyùmə̀ mɔʼɔ nyaʼa chě, Yeso mbɨ mbi mə̀mə̀ə̀nɨ̀-ɨnû nyaʼa wò ɨnjin ə sà ze rɨ ə Galiliî, nɨ mbɨ nyaʼə bə̀ tɔŋ ənɨ ə sà ze rɨ ə Tìberiàs.

Fìlipì 1:19

Mə wɨə ghaʼ ɨmbə̀ʼ ɨghəm nɨ mə̀ kyerɨ ni ənjìm ə̀kɔ̀ŋgɨ̀ ze nɨ mbən ə kɔ̀ŋgɨ̀ə̀ bə̀ fɔrɨ ənjìm ə̀wèèrɨ̀ ze nɨə nɔʼ rɨ əmbɨ Əzwî ə Yeso Kristo, Ŋwiə̀ bɨrɨ chɨ əmɨ rəŋgəʼ koŋ.