Lk 9:11 - Meta’

¹¹ Ənɨ mɨnɔ̂n bə̂d mbe nyaʼa zu ni ɨ wɨ əŋgu, mbɨ nyaʼa beenɨ əbɔʼ məd. Wɨ̀ nyaʼa nɨŋ mɨ̀mə̌d, ghà ɨmbə̀ʼ ənû ɨfɔ̀n ə Ŋwiə̀ əmbɨ mɨ̀mə̌d bə̀ vɨ̀ bə̂d mbe nɨ nyaʼa wo ni wɨ̀ vɨ mɨ̀mə̌d.

Ikan feg

¹¹ Anyumə̀ ne inɔ̰ bəd ya zughi gha mbɔb mbe a Bèsayidà, mbi ya beni abɔ̀ʼ məd. Wì ya niŋə awɔb ghàm anug ìfɔ̀n Ŋwiye inɔb. Wì ya bə̀ ghù bəd aghɔn ne yaya kə̀bə̀ gha wì ghuyə awɔb.

Lk 9:11 교차 참조

Matìyò 12:15

Yeso nyaʼa kyerɨ ni ɨ mbɨ nyaʼə taŋ mɨnaŋ ɨgwɨ ni, əne wɨ̀ nyaʼa nɔ̀ʼ rɨ əsɨ ze. Bə̂d mɨ̀nɔnɔʼ nyaʼa beenɨ əbɔʼ məd, əne wɨ̀ nyaʼa vɨ̀ bə̂d əwɔn mɨjìm mbe nɨ nyaʼa əkaʼ mɨ̀mə̌d.

Matìyò 14:14

Ənɨ wɨ̀ nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ mɨ̀nɔnɔʼ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, əne wɨ̀ nyaʼa vɨ̀ mbe nɨ nyaʼə wɔ̀nə̀.

Matìyò 21:31

À kɨ wi rəbɔʼ bɔn mbaŋə̀ mbɔ̂ mɨ̀be nɨ nyaʼa ghɨ ənû ze nɨ mbǎʼ məd nyaʼa kə̀b ə?” Mbɨ nyaʼa wììrɨ̀ ni, “À yɨ wɨ rɨtu.” Əne Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, məfetɨ mɨ̀tagsɨ̀ mbɨ ɨ̀kùnɨ̀ bɨrɨ be nyɨ ɨŋga ənû ɨfɔ̀n ə Ŋwiə̀ bɔŋ ə mbə̀nə.

Matìyò 21:43

Əne mə ghà ɨ nən ni Ŋwìə̀ bɨrɨ nɨŋ ənû ɨfɔ̀n əməd rɨ nən, sɨ nàʼ əmbɨ ə bə̂d mbe nɨ bɨrɨ sɨə ghɨ̀ ɨnû mbe nɨ wɨ̀ kə̀bɨ.”

Lk 1:53

Wɨ̀ fə jə bə̂d njì ənɨ ɨghɨ chɔ̀m, əne fid bə̂d mbɔ̂n, mbɨ wò ɨbɔ zobɨ.

Lk 5:31

Yeso nyaʼa wììrɨ̀ əmbɨ mɨ̀mə̌d ni, “Chəi bə̂d mbe nɨ yeʼ ɨkǎ ə kə̀bə̀ wə̀d ɨfuʼ. Bə̂d mbe nɨə kə̀bə̀ wə̀d ɨfuʼ yɨ mbe nɨə wɔ̀nə̀.

Lk 8:1

Chəi əgha ə nyaʼa saarɨ, Yeso nyaʼa wò chè ɨŋga ɨsɨ nɔnɔʼ. Wɨ̀ nyaʼə yènə̀ ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀. Mə̀mə̀ə̀nɨ̀-ɨnû ɨməd mbe wum chɔ̀b rɨ̀be nyaʼa mbɨ məd,

Lk 8:10

wɨ̀ nyaʼa wììrɨ̀ ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n ə Ŋwiə̀. Àyɨə ɨ mbɨə ghà əmbɨ ə bə̂d cherə yeʼ ənɨ ɨnû mɨgɨ, ɨmbə̀ʼ 'mbɨ mɨ nèŋ chəi mbɨ bɨrɨ zə, mbɨ mɨ bə̀ zu chəi mbɨ bɨrɨ kyerɨ.'

Lk 9:10

Ənɨ bə̂d tom mbe nyaʼa bəndɨ, mbɨ nyaʼa ghà ɨnû mbe nɨ mbɨ nyaʼa ghɨ̌ əmbɨ Yeso. Əne wɨ̀ nyaʼa nɨŋ mɨ̀mə̌d mbɨ wo àmei mɨ̀mə̌d mɨ̀mə̌d ɨŋga əsɨ ə mɔʼɔ nɨ mbɨ nyaʼə toŋ ənɨ Bètsaidà.

Lk 9:12

Ənɨ əfub ə nyaʼa sɨə bɨ̀gə̀, mə̀mə̀ə̀nɨ̀-ɨnû mbe wum chɔ̀b rɨ̀be nyaʼa wò gha ɨ bɔ ni, “Gha ɨnɔ̂n bə̂d wɔ̂ wo ɨŋga ɨsɨ mbe nɨ yeʼ ɨban ɨban, bə̀ wò ɨŋga mbeŋ ɨmbə̀ʼ mbɨ kəb ɨghɨ mɔʼɔ jɨg bə̀ kə̀b ɨsɨ nɨ ni əŋgu, ɨmbə̀ʼ ɨghəm nɨ tɨ̀ wɨ əgha əsɨ nɨ chəi bə̂d əŋgu.”

Lk 9:2

Wɨ̀ nyaʼa tom mɨ̀mə̌d ni mbɨ wo yènə̀ ghà ɨmbə̀ʼ ənû ɨfɔ̀n ə Ŋwiə̀, bə̀ yènə̀ vɨ̀ə̀ bə̂d əwɔn.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Ɨ̀fàʼì 28:31

Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Rm 10:14

Àyɨə bə̂d kɨə wo kɔŋgɨ əməd rɨ yè nɨ chəi mbɨ nuŋ tə fîŋ ɨgwɨ məd ə? Mbɨ kɨə wo nuŋ tə fîŋ ɨgwɨ məd rɨ yè nɨ chəi mbɨ kweʼ zu ənû ɨmbə̀ʼ əməd ə? Mbɨ kɨə wo zu ənû ɨmbə̀ʼ əməd rɨ yè nɨ chəi wə̀d ghà ɨŋgam Ŋwiə̀ əmbɨ mɨ̀mə̌d ə?

Rm 10:17

Əne ɨbenɨ wɨə yeʼe tɨ ənɨ ɨnû mbe nɨ bə̂d ə zuə, ɨnû mbe nɨ bə̂d ə zuə mbɨə yeʼe ənjìm ɨnû mbe nɨ mbɨ ghà ɨmbə̀ʼ ə Kristo.

Rm 15:3

Chəi Kristo nyaʼa ghɨ̀ ni àmei i fîŋ bɔŋ ə. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mɨzɔ̂m bə̂d mbe nɨ zɔm əwe fə feŋ ɨgwɨ num.”

2 Timotì 4:2

gha ɨŋgam Ŋwiə̀. Kɨ̀ bə̂d ghaʼ nɨ zu kɨ̀ chəi mbɨ ghaʼ nɨ zu, gha e gha. Mbɨ mɨ ghɨ ənû rɨbɔ̀ŋ, à gha əmbɨ mɨ̀mə̌d. Gham əbɔʼ mbe nɨə ghɨ̀ ɨnû rɨbɔ̀ŋ. Mbɨ mɨ ghɨ̀ ɨnû nɨ kuʼnɨ, à tìmbɨ̀ mɨ̀mə̌d. À berɨ yim fîŋ ənɨ à ghɨ̀ ɨnû mbɔ̂.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.