44 Wɨ̀ nyaʼa yeʼe tɨ ənjìm Yeso, pè bètɨ̀ əchəŋ ə ngywɨ̌ əməd. Ɨtuʼ we nyaʼa sob àmei əwu əwən.
44 Wì ya chè inga inɔ̰ bəd we anene pè anjìm abə Yeso, nyiʼì bètì ibog ndwi məd. Kwàʼ ati ati, ìseg ze sɔ̀bɔ.
Yeso nyaʼa kə̀n ənɨ mɨ̀mə̌d, əne bètɨ̀ əghə mɨ̀mə̌d. Àmei əwu əwən, mbɨ nyaʼa wɨrɨ kɔ zə ɨsɨ, əne mbɨ nyaʼa nɔ̀ʼ beenɨ əbɔʼ məd.
Yeso nyaʼa sèm əbɔ bètɨ̀ əməd ghà ni, “Mə ghaʼ nɨ ghɨ əne. Ɨnyod, zeŋ!” Àmei əwu əwən, əpabɨ ze ə nyaʼa mì rɨ ɨgwɨ ə mbaŋə̀ ze.
Əyi mɔʼɔ nɨ nyaʼə wɔ̀n ɨtuʼ nyaʼa wò ənjìm ə Yeso pè bètɨ̀ əchəŋ ə ngywɨ̌ əməd. Wɨ̀ nyaʼa fə wɔ̀n ɨghəm ɨwu wum chɔ̀b rɨ̀be.
Ɨsɨ jìm mbe nɨ wɨ̀ nyaʼa wo əŋgu, əne yɨ ɨŋga ɨsɨ kwa bə̀ fɔrɨ ɨŋga ɨsɨ kyeŋ, kɨ̀ ɨŋga ɨsɨ mbe nɨ nyaʼa ɨban ɨban, bə̂d nyaʼə wò nùŋə̀ mbə bə̂d əwɔn ɨsam mɨwin əne buʼ ɨbɔ ɨ bɔ ni wɨ̀ saŋ bə̂d əwɔn mbe betɨ kaʼ àmei əchəŋ ə ngywɨ̌ əməd. Bə̂d mɨ̀jìm mbe nɨ nyaʼa betɨ ngywɨ̌ məd nyaʼa bɔtɨ.
Wɨ̀ nyaʼa ghà əne, zab mbi ɨbɔ ɨgwɨ məd. Àmei əwu əwən, ɨnyod əyi we nyaʼa sèmə̀, wɨ̀ yiirɨ ə Ŋwiə̀.
Wɨ̀ nyaʼa pè təm ənjìm ə Yeso ɨban ɨwu ɨməd, kɔ chweŋ mɨsɨ zù ɨwu məd əŋgu bə̀ fu ənɨ ti nyôŋ rɨ ətu. Wɨ̀ nyaʼa sɔɔrɨ ɨwu mbe bə̀ zɔʼ ənɨ mɨwud mbe.
Əyi mɔʼɔ nyaʼa əbɔʼ mɨ̀mə̌d nɨ nyaʼə wɔ̀n ɨtuʼ. Wɨ̀ nyaʼa fə wɔ̀n ɨghəm ɨwu wum chɔ̀b rɨ̀be. Chəi wə̀d mɔʼɔ nɨ tɨ̀ wɨ̀ nyaʼa vɨ̀ əməd.
Yeso nyaʼa biirɨ ni, “À kɨə we betɨ əmɨ ə?” Ənɨ wə̀d jìm nyaʼa ton i ni kaʼi ziə, Pità nyaʼa ghà ni, “Masà, mɨnɔ̂n bə̂d mbɔ̂ kad əwe, bə̀ fatɨ əwe!”
Chəi mbaŋə̀ ze nɨ nyaʼa bɔtɨ nyaʼa kyerɨ wə̀d we nɨ vɨ əməd, ɨmbə̀ʼ ɨghəm nɨ Yeso nyaʼa fə suŋgɨ rɨ əsɨ ze fɔrɨ ni ɨnɔ̂n bə̂d nyaʼa fə fetɨ əŋgu.
Əne bə̂d mbɨə nyaʼə nɨŋ ɨghɨ ngywɨ̌ mbe nɨ mbɨə fuə mɨnimə bə̀ nɨŋə ɨkubɨ ngywɨ̌ te nɨ bə̂d ə tìŋə̀ fàʼə̀ mbɨ rɨwən, nɨ nyaʼa kweʼ betɨ ɨnyod Pɔ̂l, wò əsɨ bə̂d əwɔn mbɨ rɨwən. Ɨwɔn mɨ̀mə̌d nyaʼa bɔtɨ. Ɨzwî rɨbɔ̀ŋ nyaʼa bə̀ jwɨ̀ rɨŋga bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d.
Ɨnû yiirɨ mbe nɨ bə̂d tom Kristo nyaʼə ghɨ̀ə̀, nyaʼa ghɨ̀ ni bə̂d beʼ mbə bə̂d əwɔn wò nùŋ ɨgun mɨkon fɔrɨ ɨgun mɨmatə̀ ɨban ɨnə̂njɨ̀, ɨmbə̀ʼ ənɨ Pità ə chèə̀, əzîŋ əməd ə ze tɨ̀ zɨə chè ɨgwɨ mbɨ mɔʼɔ, vɨ̀ mɨ̀mə̌d.
