Lk 8:15 - Meta’

¹⁵ Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Ikan feg

¹⁵ Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Lk 8:15 교차 참조

Matìyò 24:13

Àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Lk 11:28

Àyɨə Yeso nyaʼa wììrɨ̀ ni, “Ŋwìə̀ bɨrɨ zɨ əbɔrəbɔd yeʼ ɨgun ə bə̂d mbe nɨə zu ɨŋgam məd bə̀ ghɨ̀ ɨnû mbe nɨ wɨə ghàə̀!”

Lk 6:45

Wə̀d chɔ̀m wɨə dù ɨnû chɔ̀m tɨ ɨŋga i fîŋ ze nɨ swi mbɨ ɨnû chɔ̀m. Wə̀d rɨbɔ̀ŋ wɨə bə̀ dù ɨnû rɨbɔ̀ŋ tɨ ɨŋga i fîŋ ze nɨ swi mbɨ ɨnû rɨbɔ̀ŋ, ɨmbə̀ʼ ɨghəm nɨ ɨchû wɨə ghà yeʼ ɨnû mbe nɨ swi ɨŋga fîŋ.

Lk 8:14

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

Lk 8:16

“Chəi wə̀d mɔʼɔ əŋgu nɨ wɨ̀ mɨ che ənam, wɨ̀ nɨŋ fɨkuʼù kubrɨ ɨgun, kɨ̀ wɨ nùŋ əton əbàʼ. Wɨ̀ bɨrɨ nuŋ yeʼ ɨgun əsɨ nɨ mbɨə te ənam, ɨmbə̀ʼ bə̂d mbe nɨ nyɨ ə nəb mbe tɨ̀ mbɨ zə ɨsɨ.

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 6:22

Tɨ̀nîn nɨ chəi ɨnû rɨbɔ̀ŋ wɨrɨ berɨ ənû ə mɔʼɔ nɨ ghɨ mbɨ nən, mbə̀ yɨ sɨ ɨ̀bòʼò əmbɨ ə Ŋwiə̀. Əghɨ ze nɨ mbə̀ bɨrɨ jɨg yɨ ɨzeŋɨ zeŋɨ, əne ɨnwǐ yɨ ɨ̀tènɨ̀ rɨ mì,

Rm 7:18

Mə kyerɨ ni chəi ənû ə chɔ̀m ə mɔʼɔ ɨŋga num, əne yɨ ɨŋga mɨ ɨnyod. Mə wɨə kàŋə̀ kə̀b nɨ ghɨ ɨ̀chɔ̀m, àyɨə chəi ənɨ tɨ̀ mə ghɨ̀.

Rm 7:4

Mbɨ bɔŋgɔb, à yɨ əndəŋ əndəŋ ni chəi tɨkə wɨrɨ berɨ ənû ə mɔʼɔ nɨ ghɨ mbɨ nən ənjìm ə nyamnyod Kristo, ɨmbə̀ʼ mbə̀ yeʼ bə̂d wə̀d cherə. Mbə yɨə bə̂d wə̀d we nɨ Ŋwìə̀ nyaʼa zwemnɨ. Tɨ̀ yɨə bə̂d məd ɨmbə̀ʼ tɨ̀ faʼ əmbɨ ə Ŋwiə̀ ɨchî nɨ kuʼnɨ.

Rm 8:25

À mɨ yeʼ nɨ tɨə nùŋ ɨkɔndɨ wòm əghɨ ze nɨ chəi tɨə zəə, njɨ tɨ̀ bɨrɨ wòm mbɨ ɨyim fîŋ.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:6

nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

Jems 1:4

Mbə̀ zə ni mbə̀ nyiʼ ə wò ɨmbì. Mbə̀ mɨ ghɨ̀ əne, mbə bɨrɨ kwi kàànɨ̀, mbə mɨchî bə̀ bɔ̀ŋ màànɨ̀ nɨ chəi mbə̀ bɔd ənɨ əba ə mɔʼɔ.

1 Jɔn 2:3

Tɨ̀ mɨ yeʼə nùŋə̀ rɨkə rɨ Ŋwiə̀, njɨ zɨə chwi ni tɨ̀ ə kyerɨ əməd.