Lk 7:24 - Meta’

²⁴ Ənɨ bə̂d mbe nɨ Jɔ̌n nyaʼa tom nyaʼa wo əwən, Yeso nyaʼa kɔ ghǎ ɨmbə̀ʼ ə Jɔ̌n əmbɨ mɨnɔ̂n bə̂d mbe ni, “Mbə nyaʼa kaŋ jwɨ̀ wo zə ye ɨŋga ɨbad rɨkwàʼi ə? Mbə wa nyaʼa wò zə wə̀d nɨ yeʼ ɨghabɨ ɨfu sê nɨ ɨfə ə chìʼ ə?

Ikan feg

²⁴ Anyumə̀ ne bəd ne Jɔn ya tɔmi ya fə bə̀ndì ghò awɔb, Yeso ya ko ni ghà inug imbə̀ʼ Jɔn abə inɔ̰ bəd we. Wì ya biri inɔb gha, “Aghi ne mbə̀ ya gho inga tibad zɔbi ni nèn àkə aghə? Àkə abo agyen ne ifə ya tìnde?

Lk 7:24 교차 참조

Lk 1:80

Wan we nyaʼa kwi, Əzwî ə Ŋwìə̀ ə swi ɨŋga məd. Wɨ̀ nyaʼa chub ɨŋga ɨbad rɨkwàʼi pè əni ze nɨ wɨ̀ nyaʼa chwi i ɨnyod əmbɨ mɨ̀Izre.

Lk 3:2

Anas mbɨ Kaifàs yɨə nyaʼə ɨtu ɨgwɨ ə bə̂d mbàn Ŋwìə̀, Ŋwìə̀ nyaʼa chà ɨkə̂n əmbɨ Jɔ̌n we nɨ nyaʼə wan Zèkàriyà ənɨ wɨ̀ nyaʼa ɨŋga ɨbad rɨkwàʼi.

Lk 7:23

Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ!”

Lk 7:25

Mbə nyaʼa kaŋ jwɨ̀ wo zə ye ə? Mbə wa nyaʼa wo zə wə̀d nɨ zɨ ngywɨ̌ rɨ chɔ̀m ə? Mbə̀ zə ni bə̂d mbe nɨə zɨ̀ə̀ ngywɨ̌ rɨ chɔ̀m bə̀ fɔ̀ɔ̀nɨ̀ ɨŋga mbɔ̂n mbɨə chub ɨŋga tɔʼ.

Jn 1:23

Wɨ̀ nyaʼa nɨŋ ɨŋgam wə̀d ɨ̀kə̀n Ŋwìə̀ Aizayà wììrɨ̀ əmbɨ mɨ̀mə̌d ni, “Mɔ̌ yɨə we nɨə kyeŋ ɨŋga ɨbad rɨkwàʼi ghàə̀ ni, 'Mbə̀ tekɨ ɨnə̂njɨ̀ əmbɨ Ə̀nùŋɨ̀sɨg.'”

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

2 Pità 2:17

Məchwiə̀-ɨnû mɨghab mbɔ̂ yɨ ɨghabɨ mɨ̀jwɨ̀-əmboŋ nɨ fə zomɨ. Mbɨ yɨ ɨghabɨ ə pàʼ nɨ əfim ə bèʼè chè i che, nɨ chəi zɨə ghɨ̀ ni mbə̀ŋ nɔ. Ŋwìə̀ fə nùŋ rɨmbin əmbɨ mɨ̀mə̌d ɨŋga əsɨ ze nɨə finə kììm.

2 Pità 3:17

Əne mbə̀nə mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ fə bè kyerɨ ə ənû zɔ̂. Mbə̀ we əwən ɨmbə̀ʼ ɨchî nɨ bə̂d mbe nɨ chəi mbɨ kyerɨ tɨkə ə kəb febrɨ əwən, njɨ mbə bɨrɨ nim ɨnə̂njɨ̀, əne feŋ rɨ əsɨ ze nɨ mbə kəʼ fə təm ɨgun kàànɨ̀.