Lk 7:16 - Meta’

¹⁶ Ɨbɔɔ nyaʼa swi ɨŋga bə̂d mbe mɨjìm, əne ɨ mbɨə nyaʼə yiirɨ ə Ŋwiə̀ ghàə̀ ni, “Wə̀d ɨ̀kə̀n Ŋwìə̀ nɨ dabə fə jwɨ̀ əkaʼ na!” fɔrɨ ni, “Ŋwìə̀ fə yeʼe ɨ weerɨ mbi bə̂d!”

Ikan feg

¹⁶ Anug ya chè bəd məjìm mbe ne ya yaʼi angu, mbi bɔ se ghùmnə Ŋwiye gha, “Wə̀dkə̀n Ŋwiye dù abɔ̀ʼ ina. Ŋwiye fə yeʼe ni wètì ìmbi bəd.”

Lk 7:16 교차 참조

Matìyò 15:31

Bə̂d mbe nyaʼa yiirɨ ɨchî nɨ mbɨ nyaʼa zə nɨ mbɨ̀rɨ̀ghàm ə ghàmə̀, mbe nɨ ɨbɔ nyaʼa kwɨ bɔtɨ, mbe nɨ nyaʼə tèʼ ɨwu yèn ɨchî chɔ̀m bə̀ yiirɨ ɨchî nɨ mɨfɨgɨ̀ ə zə ɨsɨ. Əne mbɨ nyaʼa yiirɨ Ŋwìə̀ mɨ̀Izre.

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Matìyò 28:8

Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd.

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Lk 1:65

Bə̂d mɨjìm rɨ ɨban əkwɨ mɨ̀mə̌d nyaʼa bɔ. Mbɨ nyaʼa ghà ɨmbə̀ʼ ɨnû mbɔ̂ jìm ɨŋga ɨsɨ jìm mbe nɨ nyaʼa ɨkaŋ ɨwum we rɨ ə Jùdeyà.

Lk 1:68

“Tɨ̀ yiirɨ Ə̀nùŋɨ̀sɨg nɨ yeʼ Ŋwìə̀ mɨ̀Izre ɨmbə̀ʼ ɨghəm ni wɨ̀ fə yeʼe ɨmbə̀ʼ weerɨ mbi bə̂d, bə̀ choʼ ɨtu mɨ̀mə̌d.

Lk 19:44

Mbɨ bɨrɨ tum əwe ə si, àwɔ̀ mbɨ mbe bɔn mbe nɨ yeʼ ɨŋga e ɨkam, əne zwiirɨ əwən. Chəi mbɨ bɨrɨ saŋ ɨti ɨgwɨ wɨ cherə, ɨmbə̀ʼ ɨghəm nɨ chəi à nyaʼa kyerɨ nyùmə̀ we nɨ Ŋwìə̀ nyaʼa yeʼe ɨmbə̀ʼ weerɨ əwe.”

Lk 2:20

Mənə̂ŋgɨ̀-njɨ̀g mbe nyaʼa bə̀ndɨ̀ wò yènə̀ kwerɨə mɨkyî yiirɨ ə Ŋwiə̀ ɨmbə̀ʼ ɨnû jìm mbe nɨ mbɨ nyaʼa zu bə̀ zə. Ɨnû mbe nyaʼa àmei ɨchî nɨ mbɨ̀aŋgɨrə̀ mbe nyaʼa ghà əmbɨ mɨ̀mə̌d.

Lk 24:19

Wɨ̀ nyaʼa biirɨ əmbɨ mɨ̀mə̌d ni, “À kɨ ɨnû mbi ə?” Mbɨ nyaʼa wììrɨ̀ ɨ bɔ ni, “À yɨ ɨnû ɨmbə̀ʼ ə Yeso we rɨ ə Nazàret, nɨ nyaʼə wə̀d ɨ̀kə̀n Ŋwìə̀. Ɨ wɨə nyaʼə ghɨ̀ ɨnû yiirɨ nɨ che əbɔ bə̀ ghà ɨnû nɨ dabə ɨfě Ŋwiə̀ fɔrɨ ɨfě bə̂d mɨjìm.

Lk 5:26

Ənû ze ə nyaʼa chè mɨ̀mə̌d mɨjìm. Əne mbɨ nyaʼa bɔ yiirɨ ə Ŋwiə̀ ghà ni, “Tɨ̀ fə zə rɨ̀sɔ̀ʼ ɨnû rə̀chɔ̀ŋ.”

Lk 5:8

Ənɨ Saimon Pità nyaʼa zə əne, wɨ̀ nyaʼa gù ə si ɨfě Yeso ghà ni, “Nɔʼ e rɨ ɨban num, kyɨ Ə̀nùŋɨ̀sɨg, ɨmbə̀ʼ ɨghəm nɨ mɔ̌ yɨə wə̀d nɨə ghɨ̀ ɨnû rɨbɔ̀ŋ.”

Lk 7:15

Mbaŋə̀ ze nɨ nyaʼa kwɨ nyaʼa nɔ̀ʼ chubɨ kɔ ghamɨ. Yeso nyaʼa nàʼ əməd əmbɨ ɨŋgɔb məd.

Lk 7:39

Ənɨ Farisiî we nɨ nyaʼa tɔŋ ə Yeso nyaʼa zə ənû ze, wɨ̀ nyaʼa ghà ɨŋga i fîŋ ni, “Mbaŋə̀ zɔ̂ mɨ kàŋ kə̀ʼ yeʼ wə̀d ɨ̀kə̀n Ŋwìə̀, njɨ wɨ̀ kyerɨ əyi wɔ̂ nɨə bètɨ̀ əməd bə̀ kyerɨ ɨkwɨ əyi we nɨ wɨ̀ yeʼ wɨwən, ɨmbə̀ʼ ɨghəm nɨ əyi wɔ̂ wɨə ghɨ̀ ɨnû rɨbɔ̀ŋ.”

Lk 8:37

Bə̂d mɨ̀jìm rɨŋga ɨsɨ mbe nɨ nyaʼa kad ə Gèrasenès nyaʼa ghà əmbɨ Yeso ni wɨ̀ nɔʼɔ wò i, ɨmbə̀ʼ ɨghəm nɨ ɨfeŋ nyaʼa yim mɨ̀mə̌d. Əne wɨ̀ nyaʼa nyɨ əbaŋ ɨgyɨ̀ bə̀ndɨ̀ wò i.

Lk 9:19

Mbɨ nyaʼa wììrɨ̀ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨ Èlaijà. Mbɨ cherə ghàə̀ ni àwɔ̀ yɨə wə̀d ɨ̀kə̀n Ŋwìə̀ mɔʼɔ rəbɔʼ mbɨ rəŋwe nɨ fə wɨrɨ zwemə.”

Jn 1:21

Mbɨ nyaʼa biirɨ ɨ bɔ ni, “Əne, àwɔ̀ kɨə we ə? Àwɔ̀ wa kɨ Èlaijà ə?” Wɨ̀ nyaʼa wììrɨ̀ ni, “Chə̂, ka mɔ̌ yɨ əmɨ Èlaijà.” Mbɨ nyaʼa biirɨ ni, “Àwɔ̀ wa kɨə wə̀d ɨ̀kə̀n we nɨ Ŋwìə̀ nyaʼa kàʼi ni tə bɨrɨ tom ə?” Wɨ̀ nyaʼa wììrɨ̀ ni, “Chə̂.”

Jn 1:25

Mbɨ nyaʼa biirɨ ɨ bɔ ni, “Əton nɨ àwɔ̀ ə nàʼ mɨnib nɨ kaʼ àwɔ̀ yɨ e Wə̀d we nɨ Ŋwìə̀ zɔʼɔ kɨ̀ Èlaijà kɨ wə̀d ɨ̀kə̀n we nɨ Ŋwìə̀ nyaʼa kàʼi, kɨ ni yè ə?”

Jn 4:19

Əyi we nyaʼa ghà ɨ bɔ ni, “Masà, mə zə ni àwɔ̀ yɨə wə̀d ɨ̀kə̀n Ŋwìə̀.

Jn 6:14

Ənɨ bə̂d mbe nyaʼa zə ənû ə yiirɨ ze nɨ Yeso nyaʼa ghɨ̌, mbɨ nyaʼa ghà ni, “Wɔ̂ yɨə kàŋ ə wə̀d ɨ̀kə̀n we nɨ nyaʼa wo yeʼe ɨŋga ɨsɨg!”

Jn 9:17

Mɨ̀Farisiî mbe nyaʼa wɨrɨ yì biirɨ əmbɨ ə mbaŋə̀ ze ni, “Wɨ̀ fə ghɨ à sɨə zə ɨsɨ. À ghà ni ye ɨmbə̀ʼ əməd ə?” Mbaŋə̀ ze nyaʼa wììrɨ̀ ni, “Mə kyerɨ ni məd yɨə kàŋ ə wə̀d ɨ̀kə̀n Ŋwìə̀.”

Ɨ̀fàʼì 5:5

Ənɨ Ànàniàs nyaʼa zu ənû zɔ̂, wɨ̀ nyaʼa gu ə si, kwɨ. Bə̂d mɨjìm mbe nɨ nyaʼa zu ənû zɔ̂ nyaʼa bɔ kwàʼ rɨŋgəʼ.

Ɨ̀fàʼì 7:37

À yɨə Mose wɔ̂ nɨ nyaʼa gha əmbɨ mɨ̀Izre ni, 'Ŋwìə̀ bɨrɨ chɔʼ wə̀d ɨ̀kə̀n rəkaʼ mbə bə̂d ɨchî nɨ wɨ̀ nyaʼa chɔʼ əmɨ.'

Gàlesìyà 1:24

Əne mbɨ nyaʼa wumnɨ ə Ŋwiə̀ ɨmbə̀ʼ əmɨ.