Lk 7:12 - Meta’

¹² Ənɨ wɨ̀ nyaʼa sɨə wò pe ɨban ɨchû ɨkam we nɨə nyɨ ɨŋga əsɨ ze, wɨ̀ nyaʼa zə ənɨ mbɨ nyaʼə bèʼ əvɨ ə wə̀d mɔʼɔ jwɨ̀ə̀ mbɨ əzɨ əwən. Mbaŋə̀ ze nɨ nyaʼa kwɨ yɨə nyaʼa àmei wan we mɔʼ əmbɨ i nɨŋ, nɨ nyaʼa ɨku əyi. Ɨnɔ̂n bə̂d nɨ nyaʼa kwàʼ wɨ kyeŋ nyaʼə beenɨ əbɔʼ ɨku əyi we.

Ikan feg

¹² Kwàʼ icheg ne wì yaya se nyḭ̀yḛ ichug ikam inga aben ze, wì ya bɔ̀mbì tì inɔ̰ bəd ne ya bèʼi awu wə̀d ghi dù. Awu wə̀d ze ya yaʼ ŋwan mbaŋà abə iku-àyi mɔ̀ʼɔ ne ya yaʼi məyi məd imɔʼ abə ngɔb məd. Inɔ̰ bəd inga aben ze yaya yḛ̀ abɔ̀ʼ awu wə̀d ze tì ngɔb məd.

Lk 7:12 교차 참조

Lk 7:11

Chəi əgha ə nyaʼa saarɨ, Yeso nyaʼa wò ɨŋga əsɨ ze nɨ mbɨə tɔŋ ənɨ Naìn. Mə̀mə̀ə̀nɨ̀-ɨnû ɨməd mbɨ ɨnɔ̂n bə̂d nɨ nyaʼa kwàʼ wɨ kyeŋ nyaʼa wò mbɨ məd.

Lk 7:13

Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Lk 8:42

ɨmbə̀ʼ ɨghəm nɨ wan əyi məd, nɨ nyaʼa àmei we mɔʼ, nyaʼa sɨ ɨchù ɨvɨ. Wan əyi we wɨə nyaʼa ɨghabɨ ɨghəm ɨwu wum chɔ̀b rɨ̀be. Ənɨ Yeso nyaʼə yènə̀ wòə̀, bə̂d nyaʼa fatɨ əməd kad.

Lk 8:52

Bə̂d mɨ̀jìm mbe nɨ nyaʼa əŋgu mbɨə nyaʼə zə̀ʼə̀, dìə̀ wan we. Àyɨə Yeso nyaʼa ghà əmbɨ mɨ̀mə̌d ni, “Tɨ mbə̀ zəʼ ə ɨmbə̀ʼ ɨghəm nɨ chəi wɨ̀ kɨrɨ kwɨ. Ɨ wɨə gwenɨ i gwenɨ.”

Jn 11:19

Mɨ̀Jû nɔnɔʼ nyaʼa nɔ̀ʼ rɨ ə Jèrusalèm wò əsɨ Màta mbɨ Mèri ɨ nəərɨ mɨ̀mə̌d ɨmbə̀ʼ ɨchî nɨ nobɨ mɨ̀mə̌d nyaʼa kwɨ.

Ɨ̀fàʼì 9:39

Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ.

Ɨ̀fàʼì 9:41

Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.