Lk 6:49 - Meta’

⁴⁹ Wə̀d we nɨə zuə, àyɨə chəi wɨə ghɨ̀ ɨnû mbe yɨ ɨghabɨ ə mbaŋə̀ ze nɨ nyaʼa bɔm nəb ɨgun ə si nɨ chəi wɨ̀ nyaʼa zi əchɨ. Ɨgyɨ̂ nyaʼa swi gwèə̀, chè nun nəb ze, zɨ̀ buʼ əwu əwən. Ɨgyɨ̂ we nyaʼə bəə chə̀kɨ̀ə̀ nəb ze.”

Ikan feg

⁴⁹ Àsi wə̀d ne zughi àmə anug chəyi wì ya fàʼà, tengàŋ ya icheg wə̀d ne kɔri ìzi nəb ne chəyi mbi bɔmi ati nəb. Anyumə̀ ne igyi gwe, wi tḭ nəb ze, zì bùʼə yɔ̀kɔ̀ yɔ̀kɔ̀.”

Lk 6:49 교차 참조

Matìyò 23:3

Əne mbə̀ berɨ zuunɨ mɨ̀mə̌d bə̀ ghɨ̀ ɨnû jìm mbe nɨ mbɨ gha ɨ nən. Àyɨə tɨ mbə̀ ghɨ ə ɨnû mbe nɨ mɨ̀mə̌d ə ghɨ̀ə̀, ɨmbə̀ʼ ɨghəm nɨ ka ɨ mbɨə ghɨ̀ ə ɨnû mbe nɨ mbɨə ghàə̀.

Matìyò 24:10

Ənɨ ə nyùmə̀ we, ɨbenɨ bə̂d mɨ̀nɔnɔʼ bɨrɨ bɔd. Bə̂d bɨrɨ fendɨ mbə bɔŋgɔb bə̀ kɔ bàn mbə bɔŋgɔb.

Mk 4:17

Àyɨə chəi ɨŋgam we jeŋgɨ nyɨ ɨŋga fîŋ tɨ mɨ̀mə̌d. Wɨ chub àmei ənɨ ɨkə nyumə̀. Ənɨ ŋgəʼ yeʼe kɨ̀ ənɨ mbɨə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨŋgam we, mbɨ ton ɨŋgam we àmei əwu əwən.

Lk 12:47

“Mbɨ bɨrɨ som wə̀d ə̀fàʼì we ɨchî rɨbɔ̀ŋ, ɨmbə̀ʼ ɨghəm nɨ wɨ̀ nyaʼa kyerɨ ənû ze nɨ mbǎʼ ə̀fàʼì məd nyaʼa kəbɨ, àyɨə chəi wɨ̀ nyaʼa tekɨ i ɨnyod ɨ ghɨ ənû rəŋgu.

Lk 19:14

Àyɨə bə̂d əbeŋ məd nyaʼa bàn əməd. Əne mbɨ nyaʼa chà bə̂d əbɔʼ məd ni mbɨ ghà ni, 'Chəi tɨ̀ kə̀b ni mbaŋə̀ zɔ̂ yeʼ ɨfɔ̂n ɨgwɨ na.'

Lk 19:27

À yeʼ ɨmbə̀ʼ mbɨ bə̂d pə̀n mbɔ̂ nɨ chəi mbɨ nyaʼa kəb ni mə tumbɨ mɨ̀mə̌d, mbə nɨŋ mɨ̀mə̌d yeʼe əgha, zwiirɨ mɨ̀mə̌d ənɨ mɨ ɨfě.'”

Lk 6:46

“Mbə̀ kɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg', àyɨə chəi mbə̀ə ghɨ̀ ɨnû mbe nɨ mɨə gha ɨ nən ɨmbə̀ʼ ə ye ə?

Lk 6:48

Wɨ̀ yɨ ɨghabɨ ə mbaŋə̀ nɨə bɔmə nəb. Wɨ̀ nyaʼa toŋ əchɨ zɨə nyɨ ə si, əne bɔm əchɨ ze ɨgun ɨwɔ̌. Ɨgyɨ̂ nyaʼa swi gwèə̀, chè nun nəb ze, àyɨə chəi nəb ze nyaʼa wùrɨ, ɨmbə̀ʼ ɨghəm nɨ mbɨ nyaʼa bɔm ɨchî chɔ̀m.

Lk 7:1

Ənɨ Yeso nyaʼa fə maanɨ nɨ gha ɨnû mbɔ̂ əmbɨ ə bə̂d mbe, wɨ̀ nyaʼa wò əsɨ ze nɨ mbɨ nyaʼa tɔŋ ənɨ Kàpenàhom.

Jn 15:2

Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Ɨ̀fàʼì 20:29

Mə kyerɨ ni mə̀ mɨ nɔ̀ʼ, bə̂d nɨ yeʼ ɨghabɨ ɨfɔn tɔtɔ bɨrɨ yeʼe əkaʼ nən, kəb nimnɨ ɨfetɨ bə̂d Ŋwiə̀.

Ɨ̀fàʼì 26:11

Mə wɨə nyaʼə chəə mɨ̀mə̌d ɨghəm nɔnɔʼ ɨŋga nəb ə̀kàtɨ̀ rɨjìm. Mə wɨə nyaʼə kəb ghɨ̀ ni mbɨ zɔm ə Yeso. Mə nyaʼa kàŋ jeŋgɨ sə ɨtəm əbɔʼ mɨ̀mə̌d, əne mə nyaʼa wò ɨŋga ɨsɨ rɨsɔ̀ʼɔ̀ ɨmbə̀ʼ nwendɨ tɨkyerɨ-ɨwu mɨ̀mə̌d.

1 Tèsàlonikà 3:5

À yɨ əton nɨ ɨchî nɨ chəi ənɨ tɨ mə nyaʼa wɨrɨ nyìʼ wò ɨmbì, mə nyaʼa tom ə Timotì əsɨ nən ni wɨ̀ yeʼe zə ni mbə mbɨə kɨrɨ nuŋ fîŋ ɨgun ə Kristo ə. Mə nyaʼa ghɨ̀ əne ɨmbə̀ʼ ɨghəm nɨ mə̀ wɨə nyaʼə bɔə ni ɨghə̀m ənumbɨ bə̂d fə numbɨ əwən əne ghɨ̀ ə̀fàʼì ze nɨ tɨ̀ nyaʼa faʼ ə chè ətu ə̀kǒ.

2 Pità 2:20

Bə̂d mɨ fə kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ, əne nòrɨ̀ tɨ ənɨ ɨnû rɨbɔ̀ŋ mbe nɨ yeʼ ɨŋga ɨsɨg, àyɨə ɨnû rɨbɔ̀ŋ mbe wɨrɨ gywɨ̀ mɨ̀mə̌d baŋə, njɨ ŋgəʼ ze nɨ bɨrɨ nyɨ ɨgwɨ mɨ̀mə̌d bɨrɨ bə chè ze nɨ mbɨ nyaʼə be ɨŋga.

1 Jɔn 2:19

Bə̂d pə̀n mbɔ̂ yɨ rəkaʼ na, àyɨə chə nyaʼa i mɨ̀mə̌d ɨŋga a ɨfɔtɨ. À kɨ nɨ mbɨ nyaʼa rɨŋga a ɨfɔtɨ, njɨ mbɨ nyaʼa chubɨ mbɨ na. Àyɨə mbɨ nyaʼa jwɨ̀ ɨmbə̀ʼ zɨə zeŋ ni chə nyaʼa i mɨ̀mə̌d ɨŋga a ɨfɔtɨ.