Lk 6:27 - Meta’

²⁷ “Àyɨə mə ghà ɨ nən, mbə̀n mbe nɨə zwetɨə ənû ze nɨ mɨə ghàə̀ ni: Mbə̀ ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ ə bə̂d mbe nɨə bàn əwən.

Ikan feg

²⁷ Yeso ya chè imbìghè gha, “Mə ghà inən, mbə̰ mbe ne zùghə anug ne mə ghà, mbə̀ ya kɔ̀ŋɔ̀ ìmbən bəd ìpàb. Mbə̀ ghiyə ìchɔ̀mì abə bəd ne bà̰ awən.

Lk 6:27 교차 참조

Mk 4:24

Wɨ̀ nyaʼa bə̀ yì ghà əmbɨ mɨ̀mə̌d ni, “Mbə̀ zɨ ətu ənɨ ɨnû mbe nɨ mbə̀ zu. Ɨchî nɨ mbə̀ə saʼə bə̂d cherə yɨə bə ɨchî nɨ mbɨ bɨrɨ saʼ əwən. Àyɨə mbɨ bɨrɨ saʼ əwən chè ɨchî nɨ mbɨ bɨrɨ saʼ bə̂d cherə.

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Lk 8:18

“Əne mbə̀ we əwən ɨchî nɨ mbə̀ə zu ɨnû, ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ kɔndɨ ni tə berɨ, mbɨ bɨrɨ nɨŋ rɨ bɔ.”

Lk 8:8

Tɨ̀ mɔʼɔ nyaʼa feŋ ɨŋga si chɔ̀m, əne kwi kɔ ɨghəm ɨkɨ fibɨ̀ chè te nɨ wɨ̀ nyaʼa be ŋwì.” Ənɨ Yeso nyaʼa gha ənû zɔ̂ màànɨ̀, wɨ̀ nyaʼa bə̀ yì ghà ni, “Wə̀d we nɨ tɨ̀ wɨ̀ zu ənû, wɨ̀ zu!”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 16:28

Àyɨə Pɔ̂l nyaʼa kyeŋ rɨ̀kǎ ghà ni, “Tɨrə̀ ghɨ e əghəm ənɨ e nyamnyod! Tɨ̀ wɨ əgha mbà mɨjìm.”

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.