Lk 6:21 - Meta’

²¹ Ŋwìə̀ zɨ əbɔrəbɔd ɨgwɨ mbə̀n mbe nɨ njì ə zaŋə rɨ̀nîn, ɨmbə̀ʼ ɨghəm nɨ mbə bɨrɨ jɨg kod. Ŋwìə̀ zɨ əbɔrəbɔd ɨgwɨ mbə̀n mbe nɨə chweŋ mɨsɨ rɨ̀nîn, ɨmbə̀ʼ ɨghəm nɨ mbə̀ bɨrɨ chəʼrɨ.

Ikan feg

²¹ Ŋwiye zì àbɔrɔ̀bɔd igun inən, mbə̰ mbe ne njèg ya zàŋa awən amad anìŋ imbə̀ʼ icheg ne mbə biri ghum jəg kɔd. Ŋwiye zì àbɔrɔ̀bɔd igun inən, mbə̰ mbe ne dèghè imbə̀ʼ icheg ne mbə biri ghum se chə̀ʼrə.

Lk 6:21 교차 참조

Matìyò 5:4

Ŋwìə̀ zɨ əbɔrəbɔd ɨgun ə bə̂d mbe nɨə dìə̀, ɨmbə̀ʼ ɨghəm nɨ məd ziə bɨrɨ nəərɨ mɨ̀mə̌d.

Matìyò 5:6

Ŋwìə̀ zɨ əbɔrəbɔd ɨgun ə bə̂d mbe nɨ njì tɨə zaŋə mɨ̀mə̌d, ədɔʼ ə bə̀ neə mɨ̀mə̌d nɨ ghɨ ɨnû nɨ kuʼnɨ, ɨmbə̀ʼ ɨghəm nɨ məd ziə bɨrɨ naʼ ɨghɨ mbe nɨ mbɨ kəbɨ.

Lk 1:53

Wɨ̀ fə jə bə̂d njì ənɨ ɨghɨ chɔ̀m, əne fid bə̂d mbɔ̂n, mbɨ wò ɨbɔ zobɨ.

Lk 6:20

Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Lk 6:25

Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ fə jɨg kod rɨ̀nîn, ɨmbə̀ʼ ɨghəm nɨ njì rɨ bɨrɨ kɨrɨ zaŋ əwən. Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨə chəʼə rɨ̀nîn, ɨmbə̀ʼ ɨghəm nɨ mbə bɨrɨ kə̀nə̀ bə̀ dì.

Jn 11:35

Yeso nyaʼa chweŋ mɨsɨ.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 6:35

Yeso nyaʼa ghà əmbɨ mɨ̀mə̌d ni, “Mɔ̌ yɨə ŋgə̀ŋ ze nɨə nàʼ ɨ̀tènɨ̀. Kaʼ njì bɨrɨ nɔ wɨrɨ zaŋ i wə̀d we nɨ yeʼe əsɨ num. Kaʼ ədɔʼ ə mɨnib ə bɨrɨ wɨrɨ nɔ ne i wə̀d we nɨ ben ənû ze nɨ mɨə ghàə̀.

1 Kɔrèn 4:11

Ɨ pe rɨ̀nîn, tɨ̀ wɨə chubə njì, ədɔʼ ə zɨə ne əwa, tɨ̀ wɨə zɨ̀ ɨta ngywɨ̌, bə̂d mbɨə som əwa, chəi tɨ̀ berɨ ɨkwɨ.

2 Kɔrèn 11:27

Mə wɨə nyaʼə fàʼ rɨ̀kǎ bə̀ nwìʼ ɨnyod. Chəi mə nyaʼa gwenɨ ɨzimɨ nɔnɔʼ. Mə wɨə nyaʼa chub ə njì, ədɔʼ ə bə̀ ne əmɨ. Mə wɨə nyaʼə chub ɨghəm nɔnɔʼ nɨ chəi əghɨjɨg. Mə wɨə nyaʼə kwaŋ ngywɨ̌ əne ɨfə wɨə nyaʼə kɔ əmɨ.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ɨnû 21:3

Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 7:16

Chəi njì bɨrɨ nɔ wɨrɨ zaŋ mɨ̀mə̌d. Chəi ədɔʼ ə bɨrɨ nɔ wɨrɨ ne mɨ̀mə̌d. Chəi əchwî kɨ̀ ɨsɨ nomɨ ka ka bɨrɨ nɔ wɨrɨ tɔn mɨ̀mə̌d,