12 À nyaʼa əni ə mɔʼɔ, Yeso nyaʼa wò ɨkaŋ ɨwum ɨ kɔŋgɨ ə Ŋwiə̀. Wɨ̀ nyaʼa kɔŋgɨ ə Ŋwiə̀ ɨzimɨ we jìm.
12 Aneg mɔ̀ʼɔ, Yeso ya kɔʼ ghò ikaŋ iwum mɔ̀ʼɔ ni chàʼra Ŋwiye. Wì ya chughi angu chàʼra Ŋwiye anene ituʼ chəg.
Ənɨ Yeso nyaʼa zə mɨnɔ̂n bə̂d mbe, wɨ̀ nyaʼa kɔʼ ɨkaŋ ɨwum pè chub ə si. Mə̀mə̀ə̀nɨ̀-ɨnû ɨməd nyaʼa wò əsɨ məd,
Àyɨə ənɨ à kəb kɔŋgɨ ə Ŋwiə̀, nyɨ ɨŋga e ətu ə nəb, wùb ɨchû nəb, kɔ̀ŋgɨ̀ e Mbǎʼ we nɨ yeʼ ənə̀mə. Əne, e Mbǎʼ we nɨə zə ɨnû mbe nɨ àwɔ̀ ə ghɨ̀ ənə̀mə, bɨrɨ chɔʼ e ə̀fàʼì.
À nyaʼa ɨsɔsɔ ənɨ chəi ɨtuʼ nyaʼa kɨrɨ jeŋgɨ chɨg, Yeso nyaʼa jwɨ̀ wò əsɨ nɨ chə nyaʼa i bə̂d əŋgu. Wɨ̀ nyaʼa wò kɔŋgɨ ə Ŋwiə̀ tə̀zìʼ wi.
Yeso nyaʼa kɔʼ ɨkaŋ ɨwum pè tɔŋ mbaŋə̀ te nɨ wɨ̀ nyaʼa kəbɨ. Wɨ̀ nyaʼa tɔŋ əne, mbɨ wò əsɨ məd.
Ənɨ wɨ̀ nyaʼa fə ndàʼnɨ mbɨ mɨ̀mə̌d, wɨ̀ nyaʼa kɔʼ wò ɨkaŋ ɨwum ɨ kɔŋgɨ ə Ŋwiə̀.
Yeso nyaʼa kɨə wò ɨŋga ɨbad rɨkwàʼi ɨmbə̀ʼ kɔŋgɨ ə Ŋwiə̀.
Àyɨə məchwiə̀ rɨ̀kə̌ mbe mbɨ mɨ̀Farisiî mbe nyaʼa sə ɨtəm kwàʼ rɨŋgəʼ, əne mbɨ nyaʼa kɔ ghambɨ mbənə mbənə ɨmbə̀ʼ ɨnû nɨ tɨ̀ mbɨ ghɨ̀ mbɨ Yeso.
Yeso nyaʼa swiʼ rɨkaŋ ɨwum we mbɨ ə bə̂d tom mbe pè təm əsɨ ɨbad mbɨ ɨnɔ̂n mə̀mə̀ə̀nɨ̀-ɨnû ɨməd fɔrɨ mbɨ ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼa nɔʼ rɨŋga ɨsɨ jìm mbe rɨ ə Jùdeyà fɔrɨ ə Jèrusalèm fɔrɨ ɨban rɨ̀bàà we rɨ ə Taì mbɨ ə Sidòn.
À nyaʼa əni ə mɔʼɔ nɨ Yeso nyaʼə kɔ̀ŋgɨ̀ ə Ŋwiə̀ rə̀zìʼ wi, mə̀mə̀ə̀nɨ̀-ɨnû ɨməd nyaʼa chub ɨban məd. Əne wɨ̀ nyaʼa biirɨ əmbɨ mɨ̀mə̌d ni, “Bə̂d kɨə ghàə̀ ni mɔ̌ yɨə we ə?”
À nyaʼa ɨghabɨ ə kàb fibɨ̀ nɨ Yeso nyaʼa gha ɨnû mbɔ̂, wɨ̀ nyaʼa nɨŋ ə Pità mbɨ Jɔ̌n fɔrɨ ə Jems, mbɨ kɔʼ wò ɨkaŋ ɨwum ɨ wò kɔŋgɨ ə Ŋwiə̀.
Ənɨ wɨ̀ nyaʼə kɔ̀ngɨ̀ə̀, ɨfě məd nyaʼa kwepə, ngywɨ̌ rɨ məd nyaʼa sɨə fuə teenɨə.
Ənɨ mbɨ nyaʼa pe əŋgu, Yeso mbɨ mbi mə̀mə̀ə̀nɨ̀-ɨnû nyaʼa kɔʼ ɨkaŋ ɨwum pe chub ə si.
Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.
Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.
