Lk 5:21 - Meta’

²¹ Məchwiə̀ rɨ̀kə̌ mbɨ mɨ̀Farisiî nyaʼa zu əne kɔ biirɨ mbənə mbənə ni, “Mbaŋə̀ zɔ̂ nɨə zɔ̀m ə Ŋwiə̀ kɨə we ə? À kɨə we nɨ tɨ̀ wɨ̀ waʼ ɨnû rɨbɔ̀ŋ bə̂d chè rɨ ənɨ ə Ŋwiə̀ rə̀zìʼ wi ə?”

Ikan feg

²¹ Mə̀chwitì mə̀nɔ̀ʼɔ̀ fɔrɔ mə̀Farìsi ya zug ìngam gho̰ se bìre mbɔb mbɔb gha, “Gho̰ tì wə̀d ne chàpà Ŋwiye àkə we?” Àkə we ne tì wì waʼ inug tibɔ̀ŋ bəd chèyi ane Ŋwiye?

Lk 5:21 교차 참조

Matìyò 26:65

Ənɨ wɨ̀ nyaʼa ghà əne, ətu ɨgwɨ ə bə̂d mbàn Ŋwìə̀ we nyaʼa yim ti ngywɨ̌ sèèrɨ̀ ghà ni, “Wɨ̀ fə zɔ̀m ə Ŋwiə̀! Tɨ̀ kɨə wɨrɨə kə̀b mɨ̀zərɨmbin ɨmbə̀ʼ ə yè ə? Mbə fə zu ɨchî nɨ wɨ̀ zɔm ə Ŋwiə̀.

Matìyò 9:3

Ənɨ wɨ̀ nyaʼa ghà əne, məchwiə̀ rɨ̀kə̌ mɔʼɔ nyaʼa ghà mbənə mbənə ni, “Mbaŋə̀ zɔ̂ zɨə zɔ̀m ə Ŋwiə̀!”

Lk 3:8

Mbə̀ ghɨ̀ ɨnû mbe nɨ chwiə ni mbə̀ fə bèŋ tə fîŋ. Tɨ mbə̀ kɔ ghà ə mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham'. Mə ghà ɨ nən ni, Ŋwiə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Lk 5:17

À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Lk 5:22

Yeso nyaʼa kyerɨ ənû ze nɨ mbɨ nyaʼə biirɨə, əne wɨ̀ nyaʼa wììrɨ̀ əmbɨ mɨ̀mə̌d ni, “Mbə kɨə biirɨ ɨnû mbɔ̂ ɨŋga tə fîŋ ɨmbə̀ʼ ə ye ə?

Lk 7:49

Bə̂d mbe nɨ nyaʼa chubɨ jɨg mbɨ məd nyaʼa kɔ ghà mbənə mbənə ni, “Wɔ̂ kɨə we nɨə waʼ ɨnû rɨbɔ̀ŋ bə̂d ə?”

Jn 10:33

Mbɨ nyaʼa wììrɨ̀ ɨ bɔ ni, “Kaʼi ɨmbə̀ʼ ənû ə chɔ̀m ə mɔʼɔ ze à ghɨ̌ nɨ tɨ̀ kəb tumbɨ əwe. Tɨ̀ wɨə kəb tumbɨ əwe ɨmbə̀ʼ ɨchî nɨ à zɔm ə Ŋwiə̀, ɨmbə̀ʼ ɨghəm nɨ àwɔ̀ wə̀d mɨ̀sɔŋɨchù wɨə ghàə̀ ni tə yɨə Ŋwiə̀.”

Rm 8:33

À kɨə we nɨ bɨrɨ zɨ ɨsaʼi ɨgun ə bə̂d mbe nɨ Ŋwìə̀ chɔʼ ə? À yɨə Ŋwìə̀ benɨ ni mbɨ fə təm kùʼnɨ̀.