Lk 5:17 - Meta’

¹⁷ À nyaʼa əni ə mɔʼɔ, ənɨ Yeso nyaʼə chwi ɨnû, mɨ̀Farisiî mɔʼɔ mbɨ məchwiə̀ rɨ̀kə̌ mɔʼɔ nyaʼa bə̀ chub əŋgu. Mbɨ nyaʼa yeʼe rɨŋga ɨsɨ jìm mbe rɨ ə Galiliî, yeʼe rɨ ə Jùdeyà bə̀ yeʼe rɨ ə Jèrusalèm. Ɨka Ə̀nùŋɨ̀sɨg nyaʼa ɨgwɨ məd nɨ vɨ bə̂d əwɔn.

Ikan feg

¹⁷ Aneg mɔ̀ʼɔ, Yeso yaya chwìte inug. mə̀Farìsi fɔrɔ mə̀chwitì mə̀nɔ̀ʼɔ̀ ne ya nɔ̀ʼi a Galìli tì Jùdeyà fɔrɔ a Jèrusalèm ya yaʼ angu ichughi. Ika Anɔŋisəg ya yaʼ igun Yeso ni ghù bəd aghɔn.

Lk 5:17 교차 참조

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 15:1

Mɨ̀Farisiî mbɨ məchwiə̀ rɨ̀kə̌ nyaʼa nɔ̀ʼ rɨ ə Jèrusalèm wò əsɨ Yeso pè biirɨ ɨ bɔ ni,

Mk 1:45

Àyɨə mbaŋə̀ ze nyaʼa jwɨ̀ kɔ yènə̀ saʼ ənû ze ɨsɨ jìm. Əze ə nyaʼa ghɨ̀ ni tɨ Yeso wɨrɨ nyɨ i ɨŋga əsɨ ə cherə əsaŋ əsaŋ. Wɨ̀ nyaʼa sɨ wò chubɨ yeʼ ɨban əsɨ ze. Bə̂d mbɨə nyaʼə nɔ̀ʼ rɨ ɨsɨ mbe jìm wò kɔɔrɨ ə məd əŋgu.

Mk 16:18

mbɨ bɨrɨ yim jɔ ənɨ mbə ɨbɔ; mbɨ mɨ nɔ ɨniʼi, ka wɨ̀ bɨrɨ ghɨ i ənû ə mɔʼɔ ənɨ mɨ̀mə̌d; mbɨ bɨrɨ zab mbə ɨbɔ ɨgun ə bə̂d əwɔn, mbɨ bɔtɨ.”

Mk 3:22

Məchwiə̀ rɨ̀kə̌ mɔʼɔ nɨ nyaʼa nɔʼ rɨ ə Jèrusalèm swiʼi nyaʼa ghà ni, “Belzebùl wɨ ɨŋga məd. À yɨ Belzebùl, nɨ yeʼ ɨfɔ̂n ɨzwî rɨbɔ̀ŋ, naʼ ɨka ɨ bɔ ni wɨ̀ chɨ ɨzwî rɨbɔ̀ŋ.”

Mk 5:30

Yeso nyaʼa kyerɨ ɨŋga i nyamnyod àmei əwu əwən ni ɨka fə jwɨ̀ rɨ ənɨ ə ni. Əne wɨ̀ nyaʼa bèŋ əkaʼ ə bə̂d mɨ̀nɔnɔʼ mbe biirɨ ni, “À kɨə we betɨ mɨ ngywɨ̌ ə?”

Mk 7:1

Mɨ̀Farisiî mbɨ məchwiə̀ rɨ̀kə̌ mɔʼɔ nɨ nyaʼa nɔʼ rɨ ə Jèrusalèm, nyaʼa wò nàànɨ̀ kad ə Yeso.

Lk 15:2

Mɨ̀Farisiî mbɨ məchwiə̀ rɨ̀kə̌ nyaʼa zə əne kɔ zuʼnɨ ghàə̀ ni, “Wə̀d wɔ̂ wɨə nɨŋə bə̂d mbe nɨə ghɨ̀ ɨnû rɨbɔ̀ŋ bə̀ jɨgə mbɨ mɨ̀mə̌d.”

Lk 2:46

Ənɨ ɨni nyaʼa chè tad, mbɨ nyaʼa zə əməd ɨŋga mbàn Ŋwìə̀ nɨ wɨ̀ nyaʼa chub əkaʼ məchwiə̀-ɨnû. Ɨ wɨə nyaʼə zwetɨə ɨnû mbe nɨ mbɨ nyaʼə ghàə̀, bə̀ biirɨ ɨnû rɨ əmbɨ mɨ̀mə̌d.

Lk 5:21

Məchwiə̀ rɨ̀kə̌ mbɨ mɨ̀Farisiî nyaʼa zu əne kɔ biirɨ mbənə mbənə ni, “Mbaŋə̀ zɔ̂ nɨə zɔ̀m ə Ŋwiə̀ kɨə we ə? À kɨə we nɨ tɨ̀ wɨ̀ waʼ ɨnû rɨbɔ̀ŋ bə̂d chè rɨ ənɨ ə Ŋwiə̀ rə̀zìʼ wi ə?”

Lk 5:30

Mɨ̀Farisiî mɔʼɔ mbɨ məchwiə̀ rɨ̀kə̌ nɨ nyaʼa ɨŋga ɨfɔtɨ mɨ̀mə̌d nyaʼa ghàmbɨ̀ ə Yeso əmbɨ mə̀mə̀ə̀nɨ̀-ɨnû ɨməd ghà ni, “Mbə̀ kɨə jɨgə bə̀ nɔə mbɨ məfetɨ mɨ̀tagsɨ̀ fɔrɨ mbɨ ə bə̂d mbe nɨə ghɨ̀ ɨnû rɨbɔ̀ŋ ɨmbə̀ʼ ə ye ə?”

Lk 6:19

Ɨnɔ̂n bə̂d we jìm nyaʼa wɨə kə̀b betɨ əməd, ɨmbə̀ʼ ɨghəm nɨ ɨka wɨə nyaʼə jwɨ̀ rɨ ənɨ məd vɨ̀ə̀ mɨ̀mə̌d mɨjìm.

Lk 7:30

Àyɨə mɨ̀Farisiî mbe mbɨ məchwiə̀ rɨ̀kə̌ mbe nyaʼa ton ənû ze nɨ Ŋwìə̀ nyaʼa fə taŋ nùŋ ɨmbə̀ʼ mɨ̀mə̌d, ɨmbə̀ʼ ɨghəm nɨ chəi mbɨ nyaʼa ben ni Jɔ̌n naʼ mɨnib əmbɨ mɨ̀mə̌d.

Lk 8:46

Àyɨə Yeso nyaʼa ghà ni, “Wə̀d mɔʼɔ fə bètɨ̀ əmɨ, ɨmbə̀ʼ ɨghəm nɨ mə kyerɨ ni ɨka fə jwɨ̀ rɨŋga num.”

Jn 3:10

Yeso nyaʼa wììrɨ̀ ɨ bɔ ni, “Àwɔ̀ yɨə wə̀d nɨə chwi ɨnû əmbɨ mɨ̀Izre, əne chəi à kyerɨ ɨnû mbɔ̂ ə?

Jn 3:21

Àyɨə bə̂d mbe nɨə ghɨ̀ ɨnû nɨ kuʼnɨ mbɨə wò ɨŋga ɨzeŋɨ zeŋɨ ɨmbə̀ʼ bə̂d zə ni à yɨə Ŋwìə̀ ə nàʼ ɨka ni mbɨ ghɨ ɨnû mbe nɨ mbɨə ghɨ̀ə̀.”

Ɨ̀fàʼì 19:11

Ŋwìə̀ nyaʼa chè ənjìm ə Pɔ̂l ghɨ ɨnû yiirɨ ka ka nɨ chəi bə̂d kweʼ zə.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Ɨ̀fàʼì 5:34

Àyɨə Farisiî mɔʼɔ nɨ ɨkum məd nyaʼə Gàmalièl wɨə nyaʼa əbɔʼ mə̀saʼ əbeŋ mbe. Məd yɨə nyaʼə əchwiə̀ rɨ̀kə̌. Bə̂d mɨ̀jìm mbɨə nyaʼə bə̀ wumnɨ əməd. Wɨ̀ nyaʼa nɔ̀ʼ təm ghà ni mbɨ cha bə̂d tom mbe ɨsɨg ənɨ ɨkə nyumə̀.