Lk 5:1 - Meta’

¹ À nyaʼa əni ə mɔʼɔ nɨ Yeso nyaʼa təm əŋgo ə sà ze rɨ ə Gènesarèt, bə̂d nyaʼa jeŋgɨ tindɨ ɨban məd ɨmbə̀ʼ zu ɨŋgam Ŋwiə̀.

Ikan feg

¹ Aneg mɔ̀ʼɔ, icheg ne Yeso ya təmi iban atəŋ kyen ze a Gènesarèd, inɔ̰ bəd ya yeʼe se tḭ tḭ iban məd ni zug Ìngam Ŋwiye.

Lk 5:1 교차 참조

Matìyò 11:12

Ɨ kɔ rɨ ənɨ ə nyùmə̀ we nɨ Jɔ̌n we nɨ nyaʼə nàʼ mɨnib nyaʼə ghà ɨkə̂n chɔ̀m yeʼe pè rɨ̀nîn, ənû ɨfɔ̀n rɨkaŋ fə kən zə ŋgəʼ. Bə̂d nɨ berɨ ɨka mbɨə kə̀b nyɨ ɨŋga ənɨ ɨka.

Matìyò 14:34

Ənɨ Yeso mbɨ mbi mə̀mə̀ə̀nɨ̀-ɨnû nyaʼa baanɨ ə sà ze, mbɨ nyaʼa wò təm ə Gènesarèt.

Mk 3:9

Ɨchî nɨ ɨnɔ̂n bə̂d we nyaʼa kaŋ nɔʼ əku, Yeso nyaʼa ghà əmbɨ mbi mə̀mə̀ə̀nɨ̀-ɨnû ni mbɨ tekɨ əbaŋ ɨgyɨ̀ nùŋ ɨ ni, njɨ bə̂d mbe bɨrɨ nyem əwi.

Mk 4:1

Yeso nyaʼa yì kɔ chwi ɨnû ɨban ə sà ze rɨ ə Galiliî. Ɨnɔ̂n bə̂d nɨ nyaʼa kwàʼ wɨ kyeŋ nyaʼa wò fetɨ kad əməd. Əze ə nyaʼa ghɨ̀ ni wɨ̀ nyɨ chub ɨŋga əbaŋ ɨgyɨ̀ ɨgun ə sà ze. Ɨnɔ̂n bə̂d we jìm nyaʼa sɨ chub əŋgo ə sà ze.

Mk 5:24

Ənɨ Yeso nyaʼa zu əne, wɨ̀ nyaʼa nɔ̀ʼ kɔ wo mbɨ məd. Ɨnɔ̂n bə̂d kwàʼ wɨ kyeŋ nyaʼa beenɨ əbɔʼ məd. Mbɨ nyaʼə yènə̀ fatɨ əməd.

Mk 6:53

Ənɨ Yeso mbɨ mbi mə̀mə̀ə̀nɨ̀-ɨnû nyaʼa baanɨ ə sà ze, mbɨ nyaʼa wò təm ə Gènesarèt, əne tìŋ əbaŋ ze əŋgu.

Lk 12:1

À nyaʼa ənɨ ə nyùmə̀ we, ɨnɔ̂n bə̂d chuʼ mbɨ ə chuʼ nyaʼa wò fetɨ. Mbɨ nyaʼa fetɨ əne, mbɨ mɔʼɔ sɨə tə̀ʼrɨ̀ə̀ mbɨ cherə. Yeso nyaʼa bè kɔ ghǎ əmbɨ mbi mə̀mə̀ə̀nɨ̀-ɨnû ni, “Mbə̀ we əwən ɨmbə̀ʼ ɨfuʼ mɨ̀Farisiî we nɨə ghɨ̀ ni ŋgə̀ŋ kɔʼ. Əne yɨ mə̀ gha ni mbə̀ we ɨmbə̀ʼ ɨbekɨ ɨnû mɨ̀mə̌d.

Lk 5:2

Wɨ̀ nyaʼa zə ɨbaŋ ɨgyɨ̀ be ɨban ə sà ze. Mə̀gywɨ̀-əgwi mbe nɨ nyaʼa ɨŋga ɨbaŋ mbe nyaʼa fə jwɨ̀ sɨə sò tə kɨ̀.

Lk 8:22

À nyaʼa əni ə mɔʼɔ, Yeso nyaʼa wò nyɨ əbaŋ ɨgyɨ̀ mbɨ mbi mə̀mə̀ə̀nɨ̀-ɨnû. Wɨ̀ nyaʼa nyɨ əne ghà əmbɨ mɨ̀mə̌d ni, “Tɨ̀ baanɨ ə sà wò ɨnjin wə.” Mbɨ nyaʼa zu əne kɔ wǒ.

Lk 8:23

Ənɨ mbɨ nyaʼə baanɨə, wɨ̀ nyaʼa feŋ ə ŋgwenɨ. Əfim ə ka ə ka ə nyaʼa sàʼ kɔ che ɨgun ə sà ze. Əze ə nyaʼa ghɨ̀ ni mbɨ nyɨ ŋgəʼ kyeŋ ɨmbə̀ʼ ɨghəm nɨ mɨnib nyaʼa kɔ nyɨ ɨŋga əbaŋ ze.

Lk 8:33

Əne ɨzwî rɨbɔ̀ŋ mbe nyaʼa jwɨ̀ rɨŋga mbaŋə̀ ze wo nyɨ ɨŋga mɨ̀kuŋə mbe. Ɨnɔ̂n mɨ̀kuŋə we jìm nyaʼa sù ɨbom bam ənɨ ə bid wo feŋ ɨŋga ə sà ze, koŋ.

Lk 8:45

Yeso nyaʼa biirɨ ni, “À kɨə we betɨ əmɨ ə?” Ənɨ wə̀d jìm nyaʼa ton i ni kaʼi ziə, Pità nyaʼa ghà ni, “Masà, mɨnɔ̂n bə̂d mbɔ̂ kad əwe, bə̀ fatɨ əwe!”

Jn 1:40

Wɨ̀ mɔʼɔ rəbɔʼ mə̀mə̀ə̀nɨ̀-ɨnû mbe mɨbe nɨ nyaʼa zu ənû ze nɨ Jɔ̌n nyaʼa ghǎ əne beenɨ əbɔʼ ə Yeso yɨə nyaʼə Andrù nɨ nyaʼə aŋgɔb Saimon Pità.

Jn 6:1

Ənɨ ə nyùmə̀ mɔʼɔ nyaʼa chě, Yeso mbɨ mbi mə̀mə̀ə̀nɨ̀-ɨnû nyaʼa wò ɨnjin ə sà ze rɨ ə Galiliî, nɨ mbɨ nyaʼə bə̀ tɔŋ ənɨ ə sà ze rɨ ə Tìberiàs.

Mə̀Hibrù 13:7

Mbə̀ kɔndɨ bə̂d mbe nɨ nyaʼə chà əwən. À yɨ mɨ̀mə̌d nyaʼa be gha ɨŋgam Ŋwiə̀ ɨ nən. Mbə̀ kɔndɨ ɨchî nɨ mbɨ nyaʼə chubə, əne beenɨ əbɔʼ ɨchî nɨ mbɨ nyaʼa nuŋ fîŋ ɨgun ə Ŋwiə̀.