Lk 3:16 - Meta’

¹⁶ Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Ikan feg

¹⁶ Jɔn ya ywìtì inɔb mbɔb məjìm gha, “Mə ya nàʼà mənib inən, si ya gha, wə̀d we ne yèʼe inum anjìm, wè chè amə. Chəyi mə̀ koʼi ane wə̀d ne zà iniʼ atami məd. Wì biri chà Azwighi Ŋwiye fɔrɔ iywid igun inən.

Lk 3:16 교차 참조

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Matìyò 3:12

Əsɔ twi rɨ̀kwè fə sɨ i ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyèŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Jn 1:26

Jɔ̌n nyaʼa wììrɨ̀ əmbɨ mɨ̀mə̌d ni, “Mə wɨə nàʼ mɨnib, àyɨə wə̀d mɔʼɔ ə təm əkaʼ nən nɨ chəi mbə̀ kyerɨ əməd.

Jn 1:27

Məd wɨə yeʼe ənɨ mɨ njìm, àyɨə chəi mə̀ kuʼ nɨ tɨ̀ mə̀ za mɨniʼ ɨtabɨ məd.”

Jn 1:33

Mɔ̌, ənɨ mɨ ɨghəm, chəi mə nyaʼa kyerɨ ni à yɨə məd, àyɨə Ŋwìə̀ we nɨ nyaʼa cha əmɨ ni mə̀ naʼ mɨnib nyaʼa ghà ɨ num ni, 'Wə̀d we nɨ Əzwî ə swiʼi chub ɨgwɨ məd yɨ we nɨ bɨrɨ naʼ yeʼ ənɨ Əzwî ə Zeŋɨ əmbɨ ə bə̂d.'

Jn 7:38

Wə̀d mɔʼɔ we nɨ ben ənû ze nɨ mɨə ghàə̀, wɨ̀ yeʼe nɨŋ nɔ. Zɨə bɨrɨ yeʼ ɨ bɔ ɨchî nɨ mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, 'Mɨgyɨ̂ nɨə nàʼ ɨ̀tènɨ̀ bɨrɨ koŋ rɨŋga fîŋ məd.'”

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Ɨ̀fàʼì 10:44

Ənɨ Pità nyaʼə kɨrɨ ghàmə̀, Əzwî ə Zeŋɨ ə nyaʼa yeʼe ɨgwɨ ə bə̂d mɨjìm mbe nɨ nyaʼə zwetɨ ɨŋgam we.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.