Lk 24:44 - Meta’

⁴⁴ Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Ikan feg

⁴⁴ Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Lk 24:44 교차 참조

Matìyò 1:22

Ɨnû mbɔ̂ nyaʼa ghɨ̀ ɨmbə̀ʼ ɨŋgam we nɨ Ə̀nùŋɨ̀sɨg nyaʼa che ənjìm i wə̀d ɨ̀kə̀n ghà, wɨ jwɨ ənɨ rəsìʼ ni:

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 26:54

Àyɨə mə mɨ ghɨ̀ əne, njɨ ɨŋgam Ŋwiə̀ we nɨ gha ni ɨnû mbɔ̂ berɨ ghɨ̀, kɨə wo jwɨ ənɨ rəsìʼ rɨ ye ə?”

Matìyò 26:56

Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Mk 9:31

Wɨ̀ nyaʼa ghɨ̀ əne ɨmbə̀ʼ ɨghəm nɨ wɨ̀ nyaʼə chwi ɨnû əmbɨ mbi mə̀mə̀ə̀nɨ̀-ɨnû ni, “Mbɨ bɨrɨ fen Wan Wə̀d əmbɨ ə bə̂d, mbɨ zwiirɨ əməd, àyɨə ɨni nɨə chè ɨtad, wɨ̀ wɨrɨ zwemə.”

Lk 21:22

ɨmbə̀ʼ ɨghəm nɨ ɨŋga ɨni mbe, Ŋwìə̀ bɨrɨ sə ɨtəm, əne zɨ̀ ɨchə ɨgwɨ ə bə̂d ɨmbə̀ʼ ɨnû rɨbɔ̀ŋ mɨ̀mə̌d. Əne yɨ ɨmbə̀ʼ ɨnû jìm mbe nɨ mbɨ nyaʼa ŋwaʼnɨ jwɨ ənɨ rəsìʼ.

Lk 22:37

Mə ghà ɨ nən ni ɨŋgam Ŋwiə̀ we nɨ gha ni, 'Mbɨ nyaʼa fɔtɨ əməd əbɔʼ bə̂d mbe nɨə ghɨ̀ ɨnû rɨbɔ̀ŋ,' ə berɨ jwɨ ənɨ rəsìʼ, ɨghəm nɨ ɨnû jìm mbe nɨ mbɨ nyaʼa ŋwaʼnɨ ɨmbə̀ʼ əmɨ berɨ jwɨ ənɨ rəsìʼ.”

Lk 24:46

Wɨ̀ nyaʼa ghà əmbɨ mɨ̀mə̌d ni, “Ə zɨ ɨŋga Ə̀ŋwàʼnɨ̀ ə Ŋwiə̀ ni, Wə̀d we nɨ Ŋwìə̀ zɔʼɔ berɨ zə ŋgəʼ, àyɨə ənɨ ɨni nɨə pe tad, wɨ̀ wɨrɨ zwemə,

Lk 9:22

Wɨ̀ nyaʼa ghà ni, “Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.”

Lk 9:44

“Mbə̀ zu ɨŋgam wɔ̂ wɨ̀ jeŋgɨ nyɨ ɨŋga mbə ɨtu. Ɨŋgam rəŋgu yɨ ni mbɨ bɨrɨ fen Wan Wə̀d əmbɨ ə bə̂d.”

Jn 3:14

Ɨchî nɨ Mose nyaʼa nɔ jɔ brɔnz ɨkaŋ əzed ɨŋga ɨbad rɨkwàʼi, yɨə bə̀ ɨchî nɨ mbɨ berɨ nɔ Wan Wə̀d,

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Jn 5:46

Mbə̀ mɨ nyaʼa ben ə Mose, njɨ mbə bɨrɨ bɨ ben əmɨ, ɨmbə̀ʼ ɨghəm nɨ Mose nyaʼa ŋwàʼnɨ̀ ɨmbə̀ʼ əmɨ.

Ɨ̀fàʼì 13:33

wɨ̀ fə ghɨ̀ zɨə jwɨ̀ ənɨ rəsìʼ ɨ na mbà mbe nɨ yeʼ bɔn tɨ ənɨ əghaŋ mɨ̀mə̌d. Wɨ̀ fə ghɨ̀ əne ɨchî nɨ wɨ̀ nyaʼa zwemnɨ ə Yeso. Ə zɨə bə̀ ɨŋga mɨ̀Sâm mbe nɨ pe be ni, 'Àwɔ̀ yɨ mɨ Wan, tə̀chɔ̀ŋ mə fə sɨ e Mbǎʼ.'

Ɨ̀fàʼì 13:40

Əne mbə̀ we ə, njɨ ənû ze nɨ bə̂d ɨ̀kə̀n Ŋwiə̀ nyaʼa ghǎ ə bɨrɨ ghɨ ənɨ ə nən. Ənû ze yɨ ni,

Ɨ̀fàʼì 2:27

ɨmbə̀ʼ ɨghəm nɨ ka à bɨrɨ waʼ e əmɨ ɨŋga ɨsì kɨ̀ bè sàŋ ni e Wə̀d Zeŋɨ bɔb.

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Ɨ̀fàʼì 7:37

À yɨə Mose wɔ̂ nɨ nyaʼa gha əmbɨ mɨ̀Izre ni, 'Ŋwìə̀ bɨrɨ chɔʼ wə̀d ɨ̀kə̀n rəkaʼ mbə bə̂d ɨchî nɨ wɨ̀ nyaʼa chɔʼ əmɨ.'

Mə̀Hibrù 10:1

Tɨkə rɨ Mose yɨ əziŋ rɨ ənɨ ɨghɨ chɔ̀m mbe nɨ bɨrɨ yeʼe. Ka rɨkə te yɨ i ɨghɨ chɔ̀m mbe. Ka tɨ bɨrɨ nɔ ghɨ i ni bə̂d mbe nɨ tindɨ ɨban ə Ŋwiə̀ bɔŋ màànɨ̀ àmei ɨmbə̀ʼ ɨchî nɨ mbɨə nàʼ tɨkwɨrɨ ɨghɨ ə̀fà ə mɔʼ ɨgwɨ əghəm əwu.

Mə̀Hibrù 3:5

Mose nyaʼa fàʼ ɨŋga nəb Ŋwìə̀ ənɨ i fîŋ jìm. Wɨ̀ nyaʼa ghɨ̀ əne àmei ɨghabɨ wə̀d ə̀fàʼì. Ɨ wɨə nyaʼə ghà ɨmbə̀ʼ ɨnû mbe nɨ Ŋwìə̀ bɨrɨ nɨ ghà.

Mə̀Hibrù 7:1

Mèlkizedèk wɔ̂ yɨə nyaʼa ɨfɔ̂n ə Salèm. Wɨ̀ yɨə nyaʼa bə̀ ə wə̀d mbàn Ə̀chè-ɨsɨg Ŋwìə̀. Wɨ̀ nyaʼa bòmnɨ̀ mbɨ Abràham ənɨ Abràham nyaʼə bə̀ndɨ̀ rɨ ənɨ ɨbid we nɨ wɨ̀ nyaʼa baŋ mɨfɔ̂n mɨ̀kwè. Ənɨ mbɨ nyaʼa bomnɨ əne, Mèlkizedèk nyaʼa zɨ̀ əbɔrəbɔd ɨgun ə Abràham.

Mə̀Hibrù 9:8

Ɨchî nɨ zɨə yeʼ ɨchî wɔ̂, Əzwî ə Zeŋɨ ə zɨə chwiə ni chəi mbɨ kɨrɨ fiʼ ɨnə̂njɨ̀ nɨ wo ɨŋga əsɨ ɨwumnɨ nɨ ətu ə nəb ze nɨə nèŋ ɨsɨg ə kɨrɨ əŋgu.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.