Lk 22:66 - Meta’

⁶⁶ Ənɨ ɨtuʼ nyaʼa chɨgɨ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa wò nàànɨ̀, əne nɨŋ Yeso wò ɨfě mə̀saʼ əbeŋ pè ghà ni,

Ikan feg

⁶⁶ Anyumə̀ ne ituʼ ya chəghi, itog bəd məjìm ya fete: bəd mbe ne saʼa aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ ya fete, ghì mbi niŋ Yeso yèʼe inɔb imbìghè.

Lk 22:66 교차 참조

Matìyò 27:1

À nyaʼa ɨsɔsɔ, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa yim ɨfetɨ əne taŋ ɨchî nɨ mbɨ bɨrɨ zwiirɨ ə Yeso.

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Mk 15:1

Ɨtuʼ nyaʼa mɨ chɨg i chɨgɨ, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ mbɨ məchwiə̀ rɨ̀kə̌ bə̀ fɔrɨ mə̀saʼ əbeŋ mɨ̀jìm nyaʼa yim ɨfetɨ əne taŋ ənû nɨ mbɨ bɨrɨ ghɨ̀ mbɨ Yeso. Mbɨ nyaʼa taŋ əne, kod əməd, nɨŋ wò nàʼ əmbɨ Pailèt.

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Ɨ̀fàʼì 22:5

Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.