Lk 22:53 - Meta’

⁵³ Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Ikan feg

⁵³ Mə ya kə̀ tì inən ineg ijìm inga ikam mbàn Ŋwiye, chəyi mbə̀ beti amə ane abo. Ìwən nyùmə̀ fə kòʼ. Nyùmə̀ ne ika afub fə che imbìghè mbə se ghìyə̀ inug tibɔ̀ŋ.”

Lk 22:53 교차 참조

Matìyò 21:23

Ənɨ Yeso nyaʼa nyɨ ɨŋga mbàn Ŋwìə̀, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò əsɨ məd ənɨ wɨ̀ nyaʼə chwiə ɨnû, pè biirɨ ɨ bɔ ni, “À kɨə we naʼ ɨka ɨ ni à ghɨ ɨnû mbɔ̂ ə? À kɨə we naʼ ɨka wɔ̂ ɨ ne ə?”

Lk 22:52

Yeso nyaʼa ghà əmbɨ ə bə̂d kyeŋ mbe rɨ ə mbàn Ŋwìə̀, əmbɨ mbe nɨ nyaʼə nəŋgɨə mbàn Ŋwìə̀ fɔrɨ əmbɨ ə bə̂d kyeŋ mbe rɨŋga əbeŋ nɨ nyaʼa wo gywɨ əməd ni, “Mbə sɨ yeʼe gywɨ əmɨ mbɨ mɨbi fɔrɨ ɨtum mbàŋ ɨghabɨ ni mə yɨ ɨjɨ ə?

Lk 22:54

Mbɨ nyaʼa gywɨ̀ ə Yeso wò mbɨ məd ɨŋga nəb ətu ɨgwɨ ə bə̂d mbàn Ŋwìə̀. Pità wɨə nyaʼə beenɨ əbɔʼ tɨgharɨgha.

Jn 12:27

Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.

Jn 13:30

Ənɨ Judàs nyaʼa fə nɨŋ ŋgə̀ŋ ze, wɨ̀ nyaʼa jwɨ̀ wò ɨsɨg əwu əwən. Ɨsɨ nyaʼa fə fin i.

Jn 14:30

Chəi mə wɨrɨ berɨ nyùmə̀ nɔnɔʼ nɨ ghambɨ mbɨ nən, ɨmbə̀ʼ ɨghəm nɨ wə̀d we nɨə tùmbɨ̀ ɨsɨg wɔ̂ wɨə yeʼe. Chəi wɨ̀ berɨ ɨka ɨgwɨ num,

Jn 7:30

Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Jn 7:45

Mənə̂ŋgɨ̀ mbàn Ŋwìə̀ mbe nɨ bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa tomɨ, nyaʼa wɨrɨ bə̀ndɨ̀ wò əsɨ mɨ̀mə̌d. Ənɨ mbɨ nyaʼa pè, mbɨ nyaʼa biirɨ əmbɨ mɨ̀mə̌d ni, “Chəi mbə̀ yeʼe mbɨ məd ɨmbə̀ʼ ə ye ə?”

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.