Lk 22:30 - Meta’

³⁰ ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Ikan feg

³⁰ Ane, mbə̰ biri jəg bə̀ no inga àmə anug ìfɔ̀n. Mbə̰ biri bə chughi tì inum igun itən ifɔn se sàʼa tinəbi Izre te ìghum chɔ̀b ibe.”

Lk 22:30 교차 참조

Matìyò 19:28

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, ənɨ Wan Wə̀d bɨrɨ chub ɨgun e ətən ɨfɔ̀n ɨŋga ɨsɨg fi, mbə̀n mbɔ̂ nɨə beenɨ əbɔʼ num bɨrɨ bɨ chub ɨgun ɨtən ɨfɔ̀n wum chɔ̀b rɨ̀be, ɨ saʼ mɨnəbɨ mɨ̀Izre mbe wum chɔ̀b rɨ̀be.

Matìyò 5:3

“Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 8:11

Mə ghà ɨ nən ni bə̂d mɨ̀nɔnɔʼ bɨrɨ yeʼe rɨ əbà ze nɨ nyùmə̀ ə jwɨ̀ rəŋgu bə̀ yeʼe rɨ əbà ze nɨ nyùmə̀ ə nyɨ ɨkòb, pè chub ɨgun ə tebrə̀ ɨŋga ənû ɨfɔ̀n rɨkaŋ ɨ jɨg mbɨ Abràham mbɨ Aizìk fɔrɨ ə Jakɔ̂b.

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Lk 14:15

Ənɨ mbaŋə̀ mɔʼɔ rəbɔʼ mbe nɨ nyaʼa chubɨ jɨg mbɨ məd, nyaʼa zu ənû zɔ̂, wɨ̀ nyaʼa ghà ɨ bɔ ni, “Ŋwìə̀ zɨ əbɔrəbɔd ɨgun ə wə̀d we nɨ bɨrɨ jɨg əchwɨ̂ ze ɨŋga ənû ɨfɔ̀n əməd!”

2 Timotì 2:12

Tɨ̀ mɨ nyiʼ, tɨ̀ bɨrɨ bɨ tumbɨ ɨsɨg mbɨ məd. Tɨ̀ mɨ ton əməd, wɨ̀ bɨrɨ bɨ ton əwa.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Ɨnû 19:9

Aŋgɨrə̀ we nyaʼa ghà ɨ num ni, “Ŋwaʼnɨ ənû zɔ̂: 'Ŋwìə̀ zɨ əbɔrəbɔd ɨgun ə bə̂d mbe nɨ mbɨ won ənɨ əchwî ɨnamɨ Wan njɨ̀g.'” Aŋgɨrə̀ we nyaʼa yi ghà ni, “Mbɔ̂ yɨ mɨŋgam rəsìʼ nɨ Ŋwiə̀ ghamɨ.”

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.