Lk 21:17 - Meta’

¹⁷ Bə̂d mɨ̀jìm bɨrɨ ban əwən ɨmbə̀ʼ əmɨ.

Ikan feg

¹⁷ Wə̀d ijìm biri bà̰ awən məyi imbə̀ʼ amə.

Lk 21:17 교차 참조

Matìyò 10:22

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Mk 13:13

Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.”

Lk 21:16

Mbə mɨ̀mbǎʼ mbɨ mbə mɨ̀nɨ̌ŋ, mbə bɔŋgɔb, ə ɨnəbɨ mbɨ mbə mɨ̀sə̀ʼ bɨrɨ fen əwən, mə̀tùmbɨ̀ bə̂d bə̀ zwiirɨ mbɨ mɔʼɔ rəbɔʼ nən.

Lk 21:18

Àyɨə chəi nyôŋ ətu mɔʼ rɨ ɨgwɨ mbə ɨtu bɨrɨ nim.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 15:19

À kɨ nɨ mbə̀ nyaʼə bə̂d rɨŋga ɨsɨg, njɨ ɨsɨg nyaʼa ghaʼ əwən ɨchî nɨ wɨ̀ ghaʼ mbi bə̂d. Àyɨə mə nyaʼa chɔʼ əwən rɨŋga ɨsɨg ɨmbə̀ʼ ɨghəm nɨ ka mbə̀ yɨ ə bə̂d rɨŋga ɨsɨg. Əzɔ̂ yɨ əton nɨ ɨsɨg ə bàn əwən.

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Jn 17:14

Mə fə gha e ɨŋgam əmbɨ mɨ̀mə̌d. Ɨsɨg wɨə bàn mɨ̀mə̌d ɨmbə̀ʼ ɨghəm ni ka mbɨ yɨ ə bə̂d rɨŋga ɨsɨg, ɨchî nɨ ka mɔ̌ yɨ bə̀ əmɨ wə̀d rɨŋga ɨsɨg.

Jn 7:7

Chəi bə̂d rɨŋga ɨsɨg berɨ əton nɨ ban əwən, àyɨə mbɨ berɨ bàn əmɨ ɨmbə̀ʼ ɨghəm nɨ mə wɨə kɨə ghàə̀ ni ɨnû mbe nɨ mbɨə ghɨ̀ə̀ yɨ ɨnû rɨbɔ̀ŋ.

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.

Ɨnû 2:3

Mə kyerɨ ni à wɨə nyìʼə̀ bə̀ zəə ŋgəʼ əku ɨmbə̀ʼ əmɨ, àyɨə chəi à kɨrɨ bɔd.