Lk 20:16 - Meta’

¹⁶ Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Ikan feg

¹⁶ Wì biri ghò zwètì bəd mbe ne yaya nyìme mben vayìn ze, si nàʼ mben ze abə bəd ndəŋ.” Anyumə̀ ne bəd ya zughi ìngam məgri we, mbi ya si gha, “Imbə̀ʼ Ŋwiye nɔ̀ʼ bḛ!”

Lk 20:16 교차 참조

Matìyò 21:34

Nyùmə̀ nɨ mbɨ nyaʼə kab rɨtam vaìn nyaʼa kùʼ, əne wɨ̀ nyaʼa tom mbi bə̂d ə̀fàʼì ni mbɨ wo nɨŋ əzi rɨ əbà ənɨ rɨtam vaìn te.

Matìyò 21:41

Mbɨ nyaʼa wììrɨ̀ ɨ bɔ ni, “Wɨ̀ bɨrɨ zwiirɨ mɨzɨg mbe ənɨ ɨnə̂njɨ̀ nɨ bə əku, sɨ nàʼ mbeŋ ze əmbɨ bə̂d cherə mbe nɨ bɨrɨ sɨə nàʼ əbà əməd tɨ ənɨ rɨtam te ənɨ nyùmə̀ we nɨ mbɨə kwə̀ŋ ɨghɨ kuʼu.”

Matìyò 22:7

Ɨfɔ̂n we nyaʼa sə ɨtəm, əne wɨ̀ nyaʼa chà mbi mɨ̀sɔgyɨ̀ ni mbɨ wò nimnɨ bə̂d mbe nɨ nyaʼa zwiirɨ mbi bə̂d ə̀fàʼì mbe, bə̀ tɔ̀n əsɨ mɨ̀mə̌d ze.

Mk 12:9

“Mbaŋə̀ ze nɨ nyaʼa berɨ mbeŋ vaìn ze kɨə wo ghɨ ye ə? Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.

Lk 19:27

À yeʼ ɨmbə̀ʼ mbɨ bə̂d pə̀n mbɔ̂ nɨ chəi mbɨ nyaʼa kəb ni mə tumbɨ mɨ̀mə̌d, mbə nɨŋ mɨ̀mə̌d yeʼe əgha, zwiirɨ mɨ̀mə̌d ənɨ mɨ ɨfě.'”

Lk 20:15

Mbɨ nyaʼa ghà əne chɨ̀ əməd rɨŋga mbeŋ ze màʼ ɨsɨg zwiirɨ. “Mbə kɔn əzən ni wə̀d we nɨ berɨ mbeŋ ze kɨə wo ghɨ ye mbɨ mɨ̀mə̌d ə?

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Rm 11:1

Mə wɨə biirɨə ni Ŋwìə̀ wa fə ton mbi bə̂d ə? Chə̂! Mə yɨə wə̀d Izre. Mə yɨə wan tɨ ənɨ əghaŋ ə Abràham. Mə yɨ rɨŋga ɨnəbɨ Benjamìn.

Rm 11:11

Əne mə wɨə biirɨə ni mbɨ kə̀ʼ tɨgrɨ ɨmbə̀ʼ wɨrɨ gu ə? Chə̂! À yɨ ɨmbə̀ʼ ɨchî nɨ mbɨ nyaʼa gu ənû nɨ bə̂d mbe nɨ kaʼi mɨ̀Jû nyaʼa jwɨ rəŋgəʼ. Mbɨ nyaʼa jwɨ̀ ɨmbə̀ʼ mɨ̀Jû ghɨ ə̀dìì.

Rm 3:31

Əne tɨ̀ wa waʼ rɨkə ɨmbə̀ʼ ɨbenɨ wɔ̂ ə? Chə̂! Àyɨə tɨ̀ wɨə yim rɨkə kwàʼ ɨchî chɔ̀m.

Rm 3:4

Chə̂! Mbə̀ kyerɨ ni Ŋwìə̀ wɨə ghà rəsìʼ, ka à bè yeʼi ni wə̀d jìm yɨə wə̀d mɨghab. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mbɨ berɨ chwiə ni ɨŋgam we nɨ àwɔ̀ ə ghàə̀ yɨ ɨŋgam nɨ kuʼnɨ, əne à bɨrɨ jɨg ɨsaʼi əwù ze nɨ mbɨ saʼ əwe.”

Rm 3:6

Chə̂! À mɨ yeʼ nɨ chəi Ŋwìə̀ ə ghɨ̀ ɨnû nɨ kuʼnɨ, njɨ wɨ̀ kɨə wò saʼ ɨsɨg rɨ ye ə?

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Rm 7:13

Əghɨ ze nɨ nyaʼa bɔŋ ə wa nyaʼa yeʼe ɨmbə̀ʼ zwiirɨ əmɨ ə? Chə̂! À yɨ ɨnû rɨbɔ̀ŋ nyaʼa ghɨ ni mə̀ che ənjìm ɨnû mbe nɨ nyaʼa bɔŋɨ ghɨ̀ mbe nɨ tɨ̀ mbɨ zwiirɨ əmɨ. Əne tɨ̀ we tɨ̀ rɨ̀ zə ni ɨnû rɨbɔ̀ŋ yɨ ɨnû rɨbɔ̀ŋ, bə̀ zə ni ənjìm rɨkə, ɨnû rɨbɔ̀ŋ wɨrɨ bə chè əbɔ.

Rm 7:7

Tɨ̀ kɨə wo gha ni yè ə? Ni tɨkə yɨ ənû rɨbɔ̀ŋ ə? Chə̂! À kɨ nɨ chə nyaʼa i rɨkə, njɨ chəi mə̀ nyaʼa kyerɨ ənû rɨbɔ̀ŋ. Njɨ chəi mə̀ nyaʼa kyerɨ ənû nɨ feenɨ ɨghɨ wə̀d cherə ənɨ chəi nyaʼa i ɨŋga rɨkə ni, “Tɨrə̀ feenɨ e ɨghɨ wə̀d cherə.”

Rm 9:14

Əne tɨ̀ kɨə wo gha ni yè ə? Ni Ŋwìə̀ wɨə ghɨ̀ ɨnû nɨ chəi mbɨ kùʼnɨ̀ ə? Chə̂!

1 Kɔrèn 6:15

Chəi mbə̀ kyerɨ ni tə nyamnyod yɨ ɨba rɨ ənɨ ə nyamnyod Kristo ə? Əne mə̀ wa nɨŋ ɨba rɨ ənɨ nyamnyod Kristo fɔtɨ mbɨ nyamnyod ə̀kùnɨ̀ ə? Chə̂!

Gàlesìyà 2:17

Tɨ̀ mɨ yeʼə kə̀b nɨ təm kùʼnɨ̀ ɨchî nɨ tɨ̀ yeʼ ənɨ ɨfɔtɨ mbɨ Kristo, àyɨə tɨ̀ zə ni tɨ̀ wɨə kɨrɨ ghɨ ɨnû rɨbɔ̀ŋ, əze ə wa chwiə ni Kristo wɨə ghɨ̀ə̀ ni bə̂d ghɨ ɨnû rɨbɔ̀ŋ ə? Chə̂!

Gàlesìyà 3:21

Tɨkə ə wa ton ɨnû mbe nɨ Ŋwìə̀ kàʼ ə? Chə̂! Ɨkə mɔʼɔ mɨ kə̀ʼ yeʼ əŋgu nɨ tɨ̀ wɨ nàʼ ɨ̀tènɨ̀, njɨ ənû nɨ təm kùʼnɨ̀ ɨfě Ŋwiə̀ berɨ yeʼe ənjìm ɨchî nɨ bə̂d ə nùŋə̀ rɨkə.

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.