Lk 2:26 - Meta’

²⁶ Əzwî ə Zeŋɨ ə nyaʼa fə chwi ɨ bɔ ni ka wɨ̀ bɨrɨ kwɨ i nɨ chəi wɨ̀ zə Wə̀d we nɨ Ə̀nùŋɨ̀sɨg zɔʼɔ.

Ikan feg

²⁶ Azwighi Ŋwiye ya fə chwi ibo gha wì biri bàd Wə̀d we ne Anɔŋisəg zɔ̀ʼi bɔŋ ku.

Lk 2:26 교차 참조

Matìyò 2:12

Ŋwìə̀ nyaʼa patɨ mɨ̀mə̌d ə njə̀m ni tɨ mbɨ wɨrɨ chè əwən əsɨ Herɔ̀d. Ənɨ mbɨ nyaʼa zu əne, mbɨ nyaʼa nɨŋ ɨnə̂njɨ̀ cherə wò əwən ɨŋga ə əbeŋ.

Lk 2:29

“Ə̀nùŋɨ̀sɨg, tɨ̀nîn sɨ sàŋ ni e wə̀d ə̀fàʼì kwɨ ənɨ əbɔrəbɔd, ɨchî nɨ à nyaʼa fə kaʼi;

Lk 9:27

Mə ghà rəsìʼ ɨ nən ni chəi bə̂d mɔʼɔ rəbɔʼ mbɔ̂ nɨ təmbɨ əgha bɨrɨ kwɨ pè ənɨ mbɨ fə zə ənû ɨfɔ̀n ə Ŋwiə̀.”

Jn 1:41

Ənû nɨ Andrù nyaʼa ghɨ̌ yɨ ni wɨ̀ nyaʼa bè wò zə wi aŋgɔb ghà ɨ bɔ ni, “Tɨ̀ fə zə Wə̀d we nɨ Ŋwìə̀ zɔʼɔ.” (Ɨkum wɔ̂ ənɨ ɨŋgam Grik yɨ ni Kristo).

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 4:29

“Mbə̀ yeʼe zə mbaŋə̀ mɔʼɔ nɨ fə gha ɨnû jìm mbe nɨ mə̀ nyaʼa kweʼ ghɨ̀. Tɨ̀ wɔ̂ wa yeʼ Wə̀d we nɨ Ŋwìə̀ zɔʼ ə?”

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 17:3

Ɨ wɨə nyaʼə bə̀ tòʼrɨ̀ ɨŋgam Ŋwiə̀ bə̀ chwi rɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwiə̀ zɔʼɔ nyaʼa berɨ zə ŋgəʼ, kwɨ bə̀ wɨrɨ zwemə. Ɨ wɨə nyaʼə ghàə̀ ni, “Yeso wɔ̂ nɨ mɨ̀ə̀ ghà ɨmbə̀ʼ əməd ɨ nən yɨə Wə̀d we nɨ Ŋwìə̀ zɔʼɔ.”

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Mə̀Hibrù 11:5

À yɨ ɨbenɨ nyaʼa ghɨ ni Ŋwìə̀ nɨŋ ə Enɔ̀k ɨkaŋ nɨ chəi wɨ̀ nyaʼa kɨrɨ kwɨ. Chəi ənɨ tɨ̀ mbɨ nyaʼa wɨrɨ zə əməd, ɨmbə̀ʼ ɨghəm nɨ Ŋwìə̀ nyaʼa fə nɨŋ əməd. Bɔŋ Ŋwìə̀ nyaʼa sɨə nɨŋ əməd, bə̂d nyaʼa ben ni məd wɨə nyaʼə ghɨ̀ə̀ ni fîŋ Ŋwìə̀ bɔ̀ŋ ə.