Lk 2:11 - Meta’

¹¹ Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Ikan feg

¹¹ Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Lk 2:11 교차 참조

Matìyò 1:16

Jakɔ̂b yɨə nyaʼə mbǎʼ Jòsêf we nɨ nyaʼə ɨnom Mèri we nɨ nyaʼa gywɨ ə Yeso we nɨ mbɨə tɔŋ ənɨ ə Kristo.

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 16:20

Ənɨ wɨ̀ nyaʼa gha əne, wɨ̀ nyaʼa sɨ jeŋgɨ patɨ mə̀mə̀ə̀nɨ̀-ɨnû mbe ni tɨ mbɨ tɔ gha əmbɨ wə̀d mɔʼɔ ni tə yɨə Wə̀d we nɨ Ŋwiə̀ zɔʼɔ.

Lk 1:43

Ənû ə kyeŋ zɔ̂ ə ghɨ ənɨ ə num ɨmbə̀ʼ ə ye, ni ɨŋgɔb mɨ Ə̀nùŋɨ̀sɨg yeʼe əsɨ num ə?

Lk 1:69

Wɨ̀ fə nàʼ wə̀d ɨka nɨ bɨrɨ chɨ əwa rəŋgəʼ. Məd yɨ rɨ ənɨ əghaŋ ə Dèvîd nɨ nyaʼə wə̀d ə̀fàʼì məd.

Lk 2:26

Əzwî ə Zeŋɨ ə nyaʼa fə chwi ɨ bɔ ni ka wɨ̀ bɨrɨ kwɨ i nɨ chəi wɨ̀ zə Wə̀d we nɨ Ə̀nùŋɨ̀sɨg zɔʼɔ.

Lk 2:4

Jòsêf nyaʼa nɔ̀ʼ rɨ ə Nazàret nɨ nyaʼa ɨŋga əbà əbeŋ ze rɨ ə Galiliî, kɔʼ wò əbà əbeŋ ze rɨ ə Jùdeyà. Wɨ̀ nyaʼa wò ə Betlehem nɨ yeʼ əsɨ ze nɨ mbɨ nyaʼa gywɨ ɨfɔ̀n Dèvîd. Wɨ̀ nyaʼa wò əŋgu ɨmbə̀ʼ ɨghəm nɨ məd yɨə nyaʼə tɨ ənɨ əghaŋ ə Dèvîd.

Jn 1:41

Ənû nɨ Andrù nyaʼa ghɨ̌ yɨ ni wɨ̀ nyaʼa bè wò zə wi aŋgɔb ghà ɨ bɔ ni, “Tɨ̀ fə zə Wə̀d we nɨ Ŋwìə̀ zɔʼɔ.” (Ɨkum wɔ̂ ənɨ ɨŋgam Grik yɨ ni Kristo).

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 11:27

Màta nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, mə ben ni àwɔ̀ yɨə Wə̀d we nɨ Ŋwìə̀ zɔʼɔ, bə̀ ben ni àwɔ̀ yɨə Wan Ŋwìə̀ we nɨ nyaʼa wo yeʼe ɨŋga ɨsɨg.”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 4:25

Əyi we nyaʼa ghà ɨ bɔ ni, “Mə kyerɨ ni Wə̀d we nɨ Ŋwìə̀ zɔʼɔ wɨə yeʼe, nɨ yeʼ we nɨ mbɨə tɔŋə ni Kristo. Ənɨ wɨ̀ yeʼe, wɨ̀ bɨrɨ toʼrɨ ɨnû jìm ɨ na.”

Jn 4:42

Mbɨ nyaʼa ghà əmbɨ əyi we ni, “Tɨ̀ fə benɨ tɨ̀nîn, kaʼi ɨmbə̀ʼ ənû ze nɨ à kəʼ gha ɨ na. Tɨ̀ fə ben ɨmbə̀ʼ ɨghəm nɨ tɨ̀ fə zu ənû ze nɨ məd ghǎ, əne tɨ̀ kyerɨ ni məd yɨə kaŋə Wə̀d we nɨ bɨrɨ chɨ ɨsɨg jìm rəŋgəʼ.”

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 7:41

Mbɨ cherə nyaʼa ghà ni, “Məd yɨə Wə̀d we nɨ Ŋwìə̀ zɔʼɔ!” Àyɨə mbɨ mɔʼɔ nyaʼa ghà ni, “Wə̀d we nɨ Ŋwìə̀ zɔʼɔ wa bɨrɨ yeʼe rɨ ə Galiliî ə?

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

Ɨ̀fàʼì 13:23

Tɨ əbɔʼ ə bɔn tɨ ənɨ əghaŋ ə Dèvîd, Ŋwìə̀ fə chɔʼ ə Yeso ənɨ wə̀d nɨ bɨrɨ chɨ mɨ̀Izre rəŋgəʼ, ɨchî nɨ wɨ̀ nyaʼa fə kaʼi.

Ɨ̀fàʼì 17:3

Ɨ wɨə nyaʼə bə̀ tòʼrɨ̀ ɨŋgam Ŋwiə̀ bə̀ chwi rɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwiə̀ zɔʼɔ nyaʼa berɨ zə ŋgəʼ, kwɨ bə̀ wɨrɨ zwemə. Ɨ wɨə nyaʼə ghàə̀ ni, “Yeso wɔ̂ nɨ mɨ̀ə̀ ghà ɨmbə̀ʼ əməd ɨ nən yɨə Wə̀d we nɨ Ŋwìə̀ zɔʼɔ.”

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

1 Kɔrèn 15:47

Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Fìlipì 3:8

Təsìʼ nɨ yeʼ əŋgu yɨ ni ɨnû jìm yɨ ɨnimɨ ənɨ mə mɨg mbɨ ənû ə kyeŋ ze nɨ bɔŋɨ chè. Ənû ə kyeŋ ze yɨ nɨ kyerɨ ə Kristo Yeso wum Ə̀nùŋɨ̀sɨg. Mə fə nim ɨnû mbe jìm ɨmbə̀ʼ ə Kristo Yeso. Mə fə zə ni ɨnû mbe jìm yɨ ɨnyɔrɨ, ɨmbə̀ʼ mə chubɨ mbɨ Kristo

Kòlosè 2:6

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.