Lk 19:17 - Meta’

¹⁷ Ɨfɔ̂n we nyaʼa ghà ɨ bɔ ni, 'À fə ghɨ ənû ə chɔ̀m, kyɨə wə̀d ə̀fàʼì chɔ̀m! Ɨchî nɨ à fàʼ ənɨ e fîŋ jìm mbɨ akə ɨkab, mə bɨrɨ ghɨ ni à tumbɨ ɨsɨ wum.'

Ikan feg

¹⁷ Mbaʼ àfàʼì məd ya ywìtì ibo gha, ‹Ìmə wə̀d àfàʼì chɔ̀m! Àghò fàʼ icheg chɔm. Icheg ne àghò fàʼi tì iki ikab kwa kwa ane ìze fìŋ ijìm, àghò biri se saʼa iben ìghum.›

Lk 19:17 교차 참조

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Lk 16:10

Wə̀d we nɨə fàʼ ənɨ i fîŋ jìm mbɨ ɨghɨ mbe nɨ kə, ə kyerɨ ɨchî nɨ fàʼ ənɨ i fîŋ jìm mbɨ mbe nɨ nɔʼɔ. Ka we nɨ chəi wɨə fàʼ ənɨ i fîŋ jìm mbɨ ɨghɨ mbe nɨ kə bɨrɨ bɨ faʼi ənɨ i fîŋ jìm mbɨ mbe nɨ nɔʼɔ.

Lk 19:16

Wɨ rɨtu nyaʼa wò pè ghà ɨ bɔ ni, 'Masà, mə fə jɨg njìm mɨ̀gôl cherə wum.'

Lk 19:18

We nɨ beenɨ nyaʼa wò pè gha ɨ bɔ ni, 'Masà, mə fə jɨg njìm mɨ̀gôl cherə tân.'

Lk 22:30

ɨmbə̀ʼ mbə̀ jɨg bə̀ nɔ ɨgun mɨ tebrə̀ ɨŋga əmɨ ənû ɨfɔ̀n. Mbə bɨrɨ bɨ chub ɨgun ɨtən ɨfɔ̂n ɨ saʼ mɨnəbɨ mɨ̀Izre mbe wum chɔ̀b rɨ̀be.”

Rm 2:29

Wə̀d yɨə Jû rəsìʼ ɨŋga fîŋ. Ənû nɨ ne mbaŋə̀ yɨ ənû rɨŋga fîŋ. À yɨə bə̀ yeʼ ənû nɨ Əzwî Ŋwiə̀ ə ghɨ̀ə̀. Ka Jû rəsìʼ yɨ i ɨchî nɨ mbɨ ŋwaʼnɨ ɨŋga ə̀ŋwàʼnɨ̀. Kaʼi bə̂d ə wumnɨ ə Jû rəsìʼ. À yɨə Ŋwiə̀ ə wumnɨ əməd.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.